|
ماشـاهدتة اليــوم يضع عشرااات من علامات الاستفهام ؟ ويقول أين الخلل!! بسم الله الرحمن الرحيم كلنا يعرف أن هذة الأيام تعد أيام الذروة لأغراض العـــيد وتكون فيها التشطيبات الأخيرة على كل النواقص من احتياجات العيد ..:yes: كنت مساء اليوم في أحد المحلات النسائية واللي تبيع فيه كانت سيدة وكان المحـل فيه كثير من السيدات .. وكنا عاادي قاعدين انا وحده من قريباتي نتسوق :yes: اللي استغربناه ان فيه وحده من اللي في المحل كررت السؤال عن قيمة أحدى القطع يمكن عشر مررات :rolleyes: والله لو ماتسمع سمعت من ثاني مرره :rolleyes: بعد كذا قامت هالحرمة وقااالت بصوت عااااااااالي بلهجتنا العامية : اسمعوني يابناااات ترى هالقطعة اللي هالحين انا ماسكتها تقولي ان سعرها (4300) وانا يالي محاكيتكم شايفتها أمس ومعجبتني بس ماشريتها لمغلاتهم في السعر وقلت بعد العيد يخفضون اشتريها بأرخص كانت في ذاك المحل بــ600 ريااااااااااااااااااااااااااااااااااااااااااااااااال:yes: والقطعه هذي اختها من امها وابوها :yes: ماشا الله من شد التأكد:d طبعاً أغلب البناات اللي في المحل كانوا قاعدين يتفرجون وماسكين لهم كم قطعه عاجبتهم بس بعد ماسمعوا بفااااارق السعر الهاااااااااائل هذا الغااااالبيه طلع من المحل!!! أنا بصراحه مادخل مزاجي فكرة ان هل معقوله انها دبلت السعر بهالشكل هي مادبلته مرره ولا مرتين ولا ثلاث دبلته ست مررات !!!!!!!!!!!!!! يعني بصراحة قمــة القهر الا مو قهـــــر الا اجــــــــــــرام مابعد اجرام يعني لو زايد ه 100 , 200 , 500 نقدر نتغاضى نقول يمكن ايجار المحل ومكان المحل وبرستيج المحل يستحق هالزيادة لكن هذي ماتعتبر زيادة هذا اجرام وجشع ومافيه احد يرضاه سوا مقتدر او غير مقتدر لان الواحد يخاف من العقوبه لان هالشي اسراااف بمعنى الكلمة ولا يرضي رب العالمين.. وفعلا طلعنا للمحل وشفنا نفس القطعه وبنفس السعر اللي قالته يعني كانت صادقه باللي قالته مع اني كنت ابداً مو مصدقه ان معقوله هالسعر بيكون في محلين مايفرق عنهم الا شارع يعني من جد هاللي قاعد يصير مدري وش اسميه ابتزاز ولا ايش؟! ــــــــــــــــــــــــــــــــــــــــــ طيب وين الخلل؟ يعني هل الخلل موجود في طبيعة الحريم اللي عندها استعداد تدفع هالمبالغ في قطعه ممكن تلبسها مره وان كثرت مرتين!! ولا الخلل في عدم تطبيق أنظمه تحمي المستهلك من جشع التجاااار ؟ من جد هالموقف اللي شفته ضايقني كثيييير وآلمني ليه يستغفلونا بالشكل هذا ؟ من جد حقوقنا ضايعه ومبعثره ؟ ومستحيل تلقى جهه ممكن تسمع لشكواك .؟ ـــــــــــــــــــــــــــــــ أعتبر ماشاهدت اليوم مأساة حقيقة لواقع المستهلك.. حمانا الله واياكم .. |
هلا بالسندريلا :) الخطأ اتصور مشترك بين التاجر والعميل فيه زيادات بالاسعار ممكن تبريرها مثل ماذكرتي ممكن لموقع المحل او ايجاره او ديكوراته او سعر معين محددته الشركة المصنعة ماتنزل عنه لكن بالشكل هذا لاااا طبعا هو جزء منه جشع واستغفال وجزء منه نووووووم من حماية المستهلك ووزارة التجارة والغرفة التجارية وجزء منه جهل وغباء من المستهلك في مجتمعنا فئة مانقدر ننكر وجودها همها الاول والاخير انها تشتري الشىء الغالي حتى لو ماكان زين اهم شىء بس انه غالي واهم شىء اذا احد ساله عن سعره يقول اشتريته بالشىء الفلاني اتذكر قبل كم يوم شفت اعلان بالجريدة لشماغ كان الاعلان بالنص هذا ( لسنا الافضل ولكنا الاغلى ) او كلام قريب من كذا شفتي للدرجة هذه كيف صار الاستغفال فينا ؟؟ صدقيني لو هم مالقوا ناس تستجيب لهم وتنجرف مع التيار كان مااستخدموا الاساليب هذه كلام المدح صار قليل بحقك سندريلا :yes: الف شكر لك :) |
سبق وان حصل معي موقف بأحدى البقالات المسيطر عليها من قبل العماله الاسيويه اردت ان اخذ جبن كيري وخبز صامولي اشتهيته مع كاس شاي :) فقال لي كمسه ريال واللي اعرفه ان الجبن بـ 3.5 والخبز بريال .. ليش قال خمسه نصف مني وريال من غيري وثلاثه من اخر .. المهم قلت له ليش قال هذا سعره قلت عطني فاتوره عليها وخاف وصرفني بعلك ابو نص :d والله يا حنا يالشباب قنوعين على نص وريال مهوب مثلكم ستتلاف وزرق الله يحمينا :d هذا مثال بسيط ولكن من يحمي المستهلك .... لا احد !! |
,,, ,, , سندريـلا الهلال اشراقة متجدده ,, مثلما اشراقة شمسِ هذا اليوم ,, لا تعجبي من قولِ هذه المرأه والتي صادفتيها في احدى المحلات التجاريه ,, ولو كنت مضادا لـ اسلوبها في توعية المستهلكـ ,, ولكن ليس هنا محور الحديث الذي من اجله نزف قلمكـِ هذه الكلمات ,, ولكن يكون المنطلق من فارق السعر تحديدا .. وعند ذاكـَ المبلغ الهائل الذي كان مفارقة مابين اليوم والامس .. ربما هذا الفارق الذي كان .. نعجبه اكثر مما نتعجب لـ ما يحدث في مواسم التخفيض .. فـ كثيرا ما ندخل احدى المراكز التجاريه ونجد ان سعر القطعه مُبالغ فيها .. وحينما نزوره من بعد حين نجد ان هنالكـ تخفيض بـ مقادر 50% من سعره الاصلي .. وهذا يبعث في دواخلنا عدة استفهامات .. عن هل مااذا كان البيع بـ مبلغ زهيد يعرض اصحاب هذا المحل لهذه الخساره ..؟!! وهل اذا امعنا النظر قليلا ان يكون ذلكـ بيعا في سعر له مكاسبه .. اذا ماالمبلغ الذي يكسبه بـ الامس ..؟!! كان لي ان اطلع عن قرب لـ احدى المتاجر الكبرى في الرياض والتي تهتم في بيع الملابس النسائيه ,, وكنت اهيم في حديث مع صاحبه .. وتبين ان مايجلبه من ملابس ماهي الا مخزونة من البلد المورد لها اي انها ( stock ) وان السعر موحد لكل قطعة من القطع ,, وللاسف ان اغلى قطعة لا يتعدى سعرها المائـة دولار .. وحينما نُلقي نظرة على ارخص قطعة متواجدة في المحل نجدها ان لا تقل عن المائه وخمسون دولار .. حينما استفهمت بـ عيني عن سبب ذلكـ .. اجابني بـ انها لو لم تكن كذلكـ لما تلاهفت النساء على عتبة مخزنه .. وللاسف انه يعتبر اسم المحل هو احدى المراكات التي اشتهرت في مدينة الرياض وعلى اهم شوارعها ,, والحقيقة انه ينتقي من كل بحر قطره .. والبركة في الخياط الذي يجلس خلف الكواليس لـ وضع بصمة اسم المحل على كل جلباب فيه .. مايحزن القلب ايضا .. ان هنالكـَ رقابة صارمه على اساسيات المحلات التجاريه من موقع واحتياطات امنيه .. من جميع الجهات ,, ولكن عين وزارة التجاره غائبة هنا .. لان المستهلكـ بات يريد ذلكـ .. ولكن يبدو انه وفي الاونة الاخيره هنالكـ تفتح في عقول المستهلكين .. فـ لم يعد المستهلكـ بذاكـَ الانسان ( الغشيم ) والذي لا يستطيع التفرقة فيما بين مايستحق ومالا يستحق .. الا ماندر وهؤلاء القله عليهم آمال اصحاب مثل هذه المحلات التي لا تجلب سوى مايرده هؤلاء حتى وان كانت جودة الصنع رديئه الا ان السعر هو الاهم .. تبقى هنالكـ اسباب كثيره حول ظهور ذلكـ .. منها اجتماعيه ومنها اقتصاديه ولعل الاهم فيما بين الاول والاخر .. هو ذلكـ الانفتاح الاقتصادي والذي يطغى على هذه الارض المباركه والذي انتج الطبقيه في المجتمع السعودي فـ بات هنالكـَ تفرقه فيما بين النساء او بـ الاحرى فيما بين التكوين العائلي كـ كل ,, لكـِ تحيتي على فتحكـِ زاوية جديده لـ نقاش هادف وموضوع يستحق الوقوف كثيرا ,, ولكـِ امنية ودعوة من القلب بـ ان تكوني قد انتهيتي من شراء مستلزمات العيد في ظل ثورة الزحام في المحلات التجاريه ,, وكل عام وانتي بخير ونبض قلمكِـ المبدع ينزف لنا فكرا نقيا مثلما حضوركـِ في هذا المجلس .. اعتذاري لـ اطالتي وشكري وتقديري لـ شخصكم الكريم ,, ***** كوني بخير ...SoMe OnE... |
تبون الصراحه انتم يالحريم ما تشترون الا الغالي ولا دورون ( بشد الدال مع فتحها ) <<<< قلبها مطالعه :d الا كلمة مااااااااااااااركه ما أدري ليش :wallbash: والمشكله هي وحده بس كلمة ماركه ترفع السعر :d وعندي لكم قصه بعد :clapping: أعرف واحد يبيع اقمشه وانا كنت عنده :clapping: :clap: دخلت علينا حرمه وقالت هالقماش متره بكم ؟؟ والله ما أدري كم قال بالظبط بس نقول 100 ريال وقال في واحد نفسه بس ماركه اجيبه لك ياخاله قالت أيه وراح يجيبه من المستودع وعلى فكره الاقماش مقصوص منه واحد حاطه للعرض وهو نفسه اللي شافته الحرمه وجاب القماش وقال هالمتر ياخاله 200 ريال بس ماركه قالت الحرمه اجل جب الماركه وقص منه على ما أعتقد 5 متر 5 * 200 =1000 ريال والمفروض 5* 100 =500 شفتوا الفرق :yes: |
سندريلا ياوخيتي التسذب واجد هالايام وزيادة الاسعاار مهيب شي غريب اشتري ساعه او نظارات من محل معروف وروحي البطحاء تلاقينها بعشرت اريل:d يقولون في بلدان ثانية :razz: ملابس زارا بريلين وثلاث ريال:d انتي شوفي الصناعه واحكمي على اللبس واتذكر شفت شنطتين مهنا فرق بس وحده بمحل معروف وحده محل معروف بس مو غالي مره الاولى 150 والثانية 35:yes: واحيانا يكون السعر على حسب السووق لانهم يرفعون السعر بسبب غلاء ايجار المحل وممكن تلاقينه بسوق ثاني ارخص لان السوق عادي وايجارة اقل :yes: وشوفي هنود مكه الي يبيعون يقول لك بمئة تقولين تعطينياه بعشرة يقول ايه:d انا مايقهرني الا تخفيض المحلات :wallbash: تشترين ب200 يطلع ب40 :sad: وسندريلا تعالي غرفتي احس انك بتطلعين الاخطاء السبعه :razz: الله يحفظتس ويوفقتس قولي امين ماشاء الله مخليتنا معتس بكل مكان s60s الهنوووف كانت هنا ورحلت |
يعني هل الخلل موجود في طبيعة الحريم اللي عندها استعداد تدفع هالمبالغ في قطعه ممكن تلبسها مره وان كثرت مرتين!! هو الخلل من عند الحرمه اللي تعودوا منها انه تشري اي شي غاااالي ,, ولكن ليس اي حرمه ,, ولا الخلل في عدم تطبيق أنظمه تحمي المستهلك من جشع التجاااار ؟ هذي احد السلبيات .. من جد هالموقف اللي شفته ضايقني كثيييير وآلمني ليه يستغفلونا بالشكل هذا ؟ لأنــه دروا ان فيــه حريم يشرون الشي الغالي ولا يعجبهم الا الغالي .. من جد حقوقنا ضايعه ومبعثره ؟ ومستحيل تلقى جهه ممكن تسمع لشكواك .؟ !! من اللي بيسمع !! |
هلا وغلا بالسندريلا.. شووويه مأساة :( حسبي الله ونعم الوكيـــل ميخالف يطمعوون لكن بحدووود لا وعاد هذي فرصتهم الحريم ينزنقوون فيضطروون يشترووون طبعا مهوب الكل واصلا انا مأأيد المغالاة هذي هي قطعه وحده .. يعني مهوب دايم بتنلبس اكيييد الوحده بتغيير كثير .. ابقوولك شئ صار صديقة خالتي شافت فستان سهره برااا سعره ىتقريبا 1200 سعره معقوول تخيلي شافته امه وابوووووه عند محل بشارع العليا بـ6000 وشوي يعني مهوب صاحييين ادبل مرتييين مثل ماقلتي مهوب ست .. لكن العتب على وزارة التجاره اللي ماتراقب الاسعار وتشووف لنا حل يحمينا من جشع وطمع التجااااار دمتي بخيـــر اختي سندريلا ودام قلمك المتألق ... ,, |
الصراحه موضوع جميل جداا انتم ياهالبنات اسمحولي انكم تتفاخرون بالغالي الاحظ في هذه الفتره قليل من يروح للا اسوق الرخيصه لزم تلبسون ماركت وبشي الفلاني ليه مهب قهر ادفع بتشيرت ثلاث الاف ريال؟؟ مهب معقوله هالاسعار ابداا !!!!! ياخي هذا رتب موضف شهر كامل على العموم انا ودي انها وصلت المعلومه لكم ( (ودي ان سندريلااا تعلق على كلامي وهو ان الحريم هم من يذهبون الى الاسواق الغاليه)) اعتذاري لـ اطالتي وشكري وتقديري لـ شخصكم الكريم اخوكم ( أبو ياسر) |
صح لسانك اختي .. ليه يستغفلونا ويبيعون لنا دبل دبل دبل السعر.. والمشكله بعض الحريم مايهمم اللبس سواء كان حلو ولا مهوب حلو اهم شيء غااااالي .. وانا منهم بس مو بكل الاوضاع.. انا اي شي يعجبني سواء كان ماركه ولا مو ماركه اشتريه اهم شي اخذ اللي يعجبني بس بحدود.. اما اشتري بـ 4300 والبسه مرتين وان طرطعت 3 والله حرام ويعتبر تبذير.. :: اتمنى ان هذا الاستغفال يتوقف من قبل الجهات المسؤله عن هالشي.. :: ومميــزه دائـــماً اختــي سندريلا الهــلال.. :: لاعدمنـــاك.. |
اختي سندريلا اليوم اصبحـ(ن) النساء يتفاخرن بالغالي والباهظ السعر والسبب كلمتهم المعهوده (ماركات عالميه ) هذا مأشاهده في اقاربي امي وخالاتي والبقيه واذا قلتلهم ورا ماتروحون للسوق الفلاني قالو لك:الناس تحظرو وماعاد يروحون لهذي الاسواق الا العجز وتلك المحلات العالميه على زعمهم هي من تتلاعب بنا ونحن لاندري اتمنى ان وجهت نظري اتضحت لديكم |
لم الهجوم يا ابناء آدم؟؟؟ على النساء..... سندرلا قد تكون القيمه خاطئه اي ان السعر الذي وضع للقطعه تم وضعه بالخطا والامر الآخر البظائع الصينه في كل مكان والشخص الي بيشتري حاجه غاليه يشتريها من مكان ثقه تشـــــــــــــاو |
فيه احصائيه لمجله اماراتيه اكثر بنات العالم مهتمين ويصرفون على انفسهم من مكياجات وملابس وغيره توقعوا مين (الخليجيات) وفي مقدمتهم (السعوديات) صراحه البنات هنا ينلعب عليهم زي اللوز مو كلهم اغلبهم مشكوره اختي وكل عام وانتي بخير |
اووووووووووووووووه من هالناحيه يا سندريلا راح نتعب وحنا نتكلم عنهم .. صحيح ان سعر القطعه في محل عادي اقل من سعرها في محل راقي وديكوره حلو .. لو مو بهالمبالغه هذي .. هذي انا اعتبرها افتراء على الناس .. وسلب لاموالهم بطريقه يعتقدون انها مسموحه .. وكل هذا يحدث في ظل غياب المراقب وحماية المستهلك .. الله يخارجنا بس .. لكي الشكر اختي سندريلا على طرح هذا الموضوع الواقعي .. دمتي بخير |
الله يحفظك للمنتدى .. الخلل من الجميع .. و لدي تحفظ على أسلوب المراة فسيأتي غيركم ! لو كنت مكانها طلبت الهاتف أو استخدمت جوالي للاتصال بهاتف حماية المستهلك ؟! و إن كنت أخشى من عدم وجود تفاعل كافي إلا أننا يجب أن نضع أقدامنا على بداية الطريق ! أشكرك .. |
| الوقت المعتمد في المنتدى بتوقيت جرينتش +3.
الوقت الان » 03:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd