#1  
قديم 18/10/2006, 11:13 PM
موقوف
تاريخ التسجيل: 26/06/2005
مشاركات: 564
الله من الزرط في السمبوسه


مسا الخير الشهر عليكم مبارك والعشر الوسطى مباركه والعشر الاواخر مباركه وبالمره عيدكم مبارك>>> للمذكر
مسا الخير الشهر عليكن مبارك والعشر الوسطى الخ الخ وعيدكن مبارك>>> للمؤنث

اللي بيمرالله لا يهينه يعلمنا وين يصلي فيه كان ما به كلافه وكان به كلافه بعد يعلمنا

الله بالخير سهل
بالنسبه للتوصيات مالي شغل هذا الرجال عندكياه بس موضوعي لا تقفله طالبك في هالعشر المباركه

القاضي يقولون انك وصلت الرياض
ترى الزينه اللي بالشوارع لك مهب للعيد كل يوم بوريمان متعلق فوق لمبه يركب لك عقد

خلونا نعود لسالفتنا اللي جاي عشانها قبل القيام
ليله 22 صار لي موقف في المسجد اللي اصلي فيه >>> ماكني كل يوم في مسجد
وخلوني امثل لكم الموقف عشان اضرب عصفورين بحجر
منها تستمتعون باسلوبي في كتابه القصه ومنها تخشون جو مع الموقف >>> صارت رومانسيه

العنا هو الامام
بوريمان العنا
دبل وهلالي سكيورتيه بالمواقف يحجزون موقفي اذا جيت عشاني الامام ويعلمون بوريمان واشكاله وين يوقفون
ابتسام وهنيف ورعب مشرفات بمصلى الحريم
التميميه ومحبوبه بعد مشرفات بس ع كراسي لانهم من الدوله اللي عن مصر جنوب >>> مانبي نغتاب احد في رمضان

بوريمان متحمس يصلي خلف العنا يعني خلفي
يوم سلم العنا من تسليمه قام بوريمان من زود الحماس قبل الامام اللي هو انا لاتنسون وانا اللي آخذ الميكرفون واحكي ويصير بوريمان لحاله واقف في المسجد والعالم جالسين والله يااني انحرجت يومها

والله قال الامام كلام كبير >>> معلق مصري لا من جد عاد كلام والله لو نفكر فيه شوي اكتشفنا انا انواع الدجه مغير ضحك وهبال الله يتوب علينا بس

وبما اني صرت الامام >>>> عادي في المجلس منتدانا كيفي اصير امام اصير مؤذن كيفي :p
خلوني احكي لكم وش قال الامام باسلوبي واحمدو ربكم ع نعمه العنا والاسلوب وترى فيه زيادات شوي تخبرون اموت في شي اسمه استرسال >>> مابغت تطلع

لو دخل واحد منكم بنات او اولاد مكان عام يبي يقضي شغله مراجعه في حكومه يبي يشتري شي قبل ما يدخل هالمكان يفكر من يعرف فيه من يعرف فيه وتلقاه يكلم معارفه من تعرفون في المكان الفلاني
حتى ما يقول باتوكل ع ربي وبييسر اموري لا لازم معرفه او واسطه

ولما يدخل يبدا يدور ما فيه احد اعرفه ما فيه احد اعرفه و لما خلاص يعجز يبدا يتفرس في وجيه الموظفين هذا شكله حبيب بيمشيني لا لا هذاك شكله اقل تعقيد :p

لو ما لقى احد صك الجيب وتعطر وبدا يسوي فيها حركات عشان يمشونه
لو لقى واحد معرفه من بعيد راح وسلم عليه وقال وينك ماشفناك من زمان ولا تسير ولا شي وهو من يومين شايفه في الشارع وصاد عنه :p
ولو لقى زميل يمون عليه ولا ولد عم ولا ولد خال يمون عليه دخل ورمى الاوراق في وجهه وقال خلصني بامشي
لا بعض الناس بعد جايته رخصته في البيت لا اختبار ولا شي
واذا اخوك او ابوك تعطيه الاوراق بالبيت وباكر مرجعها لك

في موقف مختلف
موقف غير
موقف صعب من جد صعب
تلتفت تدور تبي احد تعرفه احد تتذكره مو ما تلقى
الا تلقى بس مو يمك مشغول عنك لاهي
ابوك وهو ابوك لاهي عنك
امك تكذب وتصدق امك ولا ماهي امك لاهيه عنك
تبي تشخص تسوي حركات ما يمديك اصلا انت عاري حتى ملابس ماعليك
ناس ما تعرفهم واللي تعرفه منهم لاهي عنك
وبوقتها ما ينفع تجي تقول ياربي باتوكل عليك

واسطه انسى مافي
واسطتك اللي يحاسبك
صدقني ماراح يظلمك هو اعدل العادلين
يعطيك حقك وافي
وقبل كان يجازيك بالزين الكثييييير
وبالشين مثله
ولو تستغفر وتتوب محاه عنك

موقف مرعب
الله يرحمنا برحمته بس ويتوب علينا نصلي لنا ركعتين برمضان ونقرا لنا حرفين وخر عن دربنا مامثلنا
والله ما ودي رمضان يخلص اقلها نستمر ع فعل الخير

نصيحه
اذا كبرت للصلاه تخيل ان الجنه يمينك والنار يسارك والله قدامك بيحاسبك
تخيل انك ع الصراط والجنه قدامك واعمالك تمشيك توصلك ولا ماتوصلك


&&&&&&&&&&&&&&&&&&&&&&&&&&

قريب لنا يدخن حتى قبل رمضان وكان دايم يقول ودي اتركه بس موقادر
قبل رمضان بايام جا واحد تعرفونه انتم زين وقال له يابوفلان انت صادق ودك تتركه
قال أي والله ودي اخسر وش اخسر بس اتركه

قال يوم واحد رمضان اول شي بتسويه بعد الفطور ويمكن قبل الصلاه وشو
قال بآخذ سيجاره
قال ثاني يوم خلها بعد الصلاه وحاول ثالث يوم تخليها بعد ماتتعشا مره وحده وكل يوم اخرها ساعه واذا انت صادق ما راح يطلع رمضان الا انت تاركها
30 يوم كل يوم تاخر ساعه
الليل كله اصلا 12 ساعه لو تاخر كل يوم نص ساعه تركه قبل نهايه الشهر
انا والله كنت اقول مستحيل لكن ماشاالله عليه كانت آخر سيجاره اخذها يوم الخميس اللي راح يعني من دخلت العشر الاخيره مادخن الله يثبته


فكره العنا
سيناريو وحوار العنا
اعداد وتقديم العنا
كل شي انا



كان معكم انا

:p
وسامحونا
وسلملم
لم
م

شكرخاص لرعبوبه ع دعمها لهذا الموضوع

اخر تعديل كان بواسطة » العنـا في يوم » 18/10/2006 عند الساعة » 11:32 PM
اضافة رد مع اقتباس
  #2  
قديم 18/10/2006, 11:31 PM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
أهلاً بك حبيبنا ...

طالت غيبتك يا أخا العرب فظننت أنك هاجرت إلى بلاد الفرنجة.


إقتباس
القاضي يقولون انك وصلت الرياض
ترى الزينه اللي بالشوارع لك مهب للعيد كل يوم بوريمان متعلق فوق لمبه يركب لك عقد

نعم ، هو ما ذكرت. و لكنني لمتكم على ضعف الإنارة. الله لا يخلينا منك و من الحبيب القريب أبي ريمان.

=====

بعد أن أتممت قراءة الموضوع.

شكر الله لك حرصك على إخوانك و تذكيرنا بذلك اليوم. أسأل الله أن يثبتنا بالقول الثابت في الحياة الدنيا و في الآخرة.

اخر تعديل كان بواسطة » القاضي في يوم » 18/10/2006 عند الساعة » 11:48 PM السبب: بعد التأني
اضافة رد مع اقتباس
  #3  
قديم 18/10/2006, 11:40 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
^
^
^
أنت اقنعه يروح لبلاد الفرنجة و التذكرة على حسابي !
اضافة رد مع اقتباس
  #4  
قديم 19/10/2006, 01:43 AM
زعيــم مميــز
تاريخ التسجيل: 16/10/2005
مشاركات: 15,366
السلام عليكم و رحمة الله و بركاتـــه ..

و الله يا انت مسوي قلق لأبو ريمان !

إقتباس
أنت اقنعه يروح لبلاد الفرنجة و التذكرة على حسابي !

و انا اقول ليش مسميك " الغثـا " شكلك ذابحه ,,

عندي لك اقتراح يا ابو ريمان :_

رح انت لـبلاد الفرنجة .. و خل ذا عند بـلاد البعارين ..

بس اخـاف اذا رجعت من هالبـلاد تبدآ بدال ما تقول " عمتم مسـاءً " تقول " هاي شبـاب ,, مـساء الخير " ..

و تأثر بالقاضي ,,

و يبدآ يدخل المنتدى و هو لابس جنز و شعره كله جـل تقل توه طالعن من مسبح ..

" اذا الكلام اللي فووق ممكن يزعلكم قولوا لي احرر الرد ! " ..

***

العنا ..

موضوعك رجـة و عجزت اقراه او حتى استوعب شي لاني دايخ ,,

لـذا اكتفي بقول " شــُــكرًا لك ! " .. << شبح ابو ريمان ..

***

اخر تعديل كان بواسطة » الكناري الأزرق في يوم » 19/10/2006 عند الساعة » 03:04 AM
اضافة رد مع اقتباس
  #5  
قديم 19/10/2006, 02:05 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544

هلا والله لا اليوم فيه شي العنا يحد ذاته عندنا
افقتدناك يارجل لاتقاطع مرتن اخرى


ياهلا والله فيك والشهر عليك مبارك والعشر والعيد ثلاث بواحد

إقتباس
التميميه ومحبوبه بعد مشرفات بس ع كراسي لانهم من الدوله اللي عن مصر جنوب >>> مانبي نغتاب احد في رمضان

إقتباس

هذا الصراحه جبتها صح ... المشكله دايم انطل كلام عليهم ولكن لاحياه لمن تنادي

وبالنسبه للمدخن الي عنده عزيمة بيقدر يتركة والله يثبت هالرجال




الله يجزاك خير
واحنا مقصرين ونبي الجنــة
رمضان قرب على الانتهى :sad: تونا امس نبارك بقودمه
اللهم يغفر لنا ويتجاوز عنا تقصيرنــا

اللهم تقبل صيامنا وقيامنا واعده علينا اعوام عديده ونحن في افضل الاحوال
والله يجمعنا بكمـ وبمن احبنناه في الجنــة ويرزقنا حسن الخواتيم

حرم الله وجهك عن النيران ورزقك رضى الرحمن







الهنوووف






كانت












هنا









ورحلت

اخر تعديل كان بواسطة » الهنوووف في يوم » 19/10/2006 عند الساعة » 03:40 AM
اضافة رد مع اقتباس
  #6  
قديم 19/10/2006, 04:30 AM
زعيــم مميــز
تاريخ التسجيل: 11/07/2005
المكان: حيثُ يعيشُ الأملْ
مشاركات: 3,080
هـلا والله وغــلا بالعنا,,
اسفرت وأنورت تو مانور المجلس العام
كـل عام وأنت بخير..وعيدك مبــارك..وتقبل الله صيامكـ..

..
موضـوعكـ مدجووج من الدجه الحلوة اللي تليق لك واللي خابرينها من العنا ..
ومفيد في مضمونه لأنه من العنا
وعن المواقف المحرجه يوم عاينتها وقستها اتضح انها محرجه
وخصوصا حقت الامــام ..

..
إقتباس
موقف مرعب
الله يرحمنا برحمته بس ويتوب علينا نصلي لنا ركعتين برمضان ونقرا لنا حرفين وخر عن دربنا مامثلنا
والله ما ودي رمضان يخلص اقلها نستمر ع فعل الخير

اييه والله كلنا ماودنا رمضان يخلص ..رمضان جوه غير جوه مميز يخليك ماودك تطلع
من هالأجواء :sad: الله يعيده علينا:sad:


إقتباس
نصيحه
اذا كبرت للصلاه تخيل ان الجنه يمينك والنار يسارك والله قدامك بيحاسبك
تخيل انك ع الصراط والجنه قدامك واعمالك تمشيك توصلك ولا ماتوصلك

الله يعــطيكـ العافيه على كلامك الحلوو اللي ان دل
على شي يدل على شخــصية صاحبه..


إقتباس
شكرخاص لرعبوبه ع دعمها لهذا الموضوع



العفوو ماسوينا الا الواجب

وتسلم أخـوي العنا على موضوعكـ الرائع.. بس مره ثانيه لاتقطعنا..
اضافة رد مع اقتباس
  #7  
قديم 19/10/2006, 04:34 AM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
وين السمبوسه اللهم اقعل في قلب هالعنا نور
اضافة رد مع اقتباس
  #8  
قديم 19/10/2006, 05:46 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
وأخيراً عاد الحلا بعد غياب

وين السمبوسة بالجبنة والا باللحمة

يعطيك العافية وتصلح إمام بس لاتعيدها رجاءً

ما ابي أستاثم الهم اني صايمة

تسلم الحلا وتسلم رعبوبة على الدعم

بالحب والإشراق
اضافة رد مع اقتباس
  #9  
قديم 19/10/2006, 06:04 AM
زعيــم متألــق
تاريخ التسجيل: 22/04/2006
المكان: حيث التفاؤل...
مشاركات: 1,047


لااااااااااااااااا مش معقول العنــا بعزمة زااااااته<<<مو ضاربها عرق سوداني

بارجع بس بعد ما استوعب


****
رجعت يعني استوعبت


العنـا..
أولاً..
مرحباً بعودتك وأي عودة تلك فعيدنا أصبحنا عيدين بإطلالتك..

ثانياً..
بما أنك أنت من نصبتني مشرفه في قسم النساء فأنا أقبل بذلك وهل مثلك يرد لكن بشرط ضعني في جامع الملك خالد بجوار الكلباني فلا أستطيع أن أتغيب عن الحضور يوماً والعمل الذي وضعتني على رأسه شاق جداً


ثالثاً..
بيني وبينك((لا عمرك تفكر تصير داعيه ثم استغفر الله غير تكفر أمة محمد كلها))..
لكــن وبحق أقول...

ظهرت هنا بجانب رائع وصورة أجمل فلله درك كم وجه جميل تحمل ..

شكـــراً إمامنا الفاضل وجزاك الله خير ما جزى إمام عن مأمومه فحاجتنا لمثل هذا التذكير شديده..



العنـا..

أتعــلم..
لا أملك أمامك سوى الدعاء لك..
فاسأل الله بمنه وجوده وفضله أن يتقبل منك صيامك وقيامك ويكتبك ممن استوجب لهم عتقاً من النار ووالديك ومن تحب إنه ولي ذلك والقادر عليه..


العنــا..


شكــراً إن يكفيك شكري..





اخر تعديل كان بواسطة » سحرالشرق في يوم » 19/10/2006 عند الساعة » 10:25 AM
اضافة رد مع اقتباس
  #10  
قديم 19/10/2006, 06:22 AM
زعيــم فعــال
تاريخ التسجيل: 03/10/2006
المكان: عندما يموت المحار يموت اللؤلؤ داخله
مشاركات: 353
لي اوراق عندكم>>>>>>>أقصد لي عوده ان شاءالله
اضافة رد مع اقتباس
  #11  
قديم 19/10/2006, 07:08 AM
رحمه الله تعالى واسكنه فسيح جناته
تاريخ التسجيل: 13/10/2005
مشاركات: 2,441
إقتباس
وشهو العنا غير انت وجروحك وانا

وانا اقول باليوميات بانتظار العنا وشو العنا ونسيت التكمله مير اقول العنا وشو العنا غير سامي وهنري وانا !! :p

,, (( ههههههههههههههههههههه )) ,, فاصل ضحك ,,

عدنــا اقول وراك ماتيوز عن طبعــك ؟

وش هالحركات هذي انا الأمام خلاص بصير انا الأمام وانت المأمومين !! <== نم ترى اللي يتأخر بالنــوم يكتب مثل هالردود فلذلك ناموا علشان ماتصيرون مثلي ,,

!! العنـــا !! اول مره اشوفك جدي بس بآخر الموضوع ..

والـتـتـن ان شاء الله بعض النــاس يتركونه ,, وبرمضــان خاصة الا انهم يشفطون التتنه بشغف ,, لين يشفطه وتقضي ودي ادري وشلون (( يستسيغون طعمه )) <=== متعوب عليه !

الله يجعلنا من المقبولين ان شاء الله ,,

وتقبل مروري اللي مثل وجهي ..

الزين
اضافة رد مع اقتباس
  #12  
قديم 19/10/2006, 07:29 AM
نبض المجلس العام
وعضو سابق باللجنه الإعلامية
تاريخ التسجيل: 29/08/2001
المكان: بين أوراق مبعثره ..
مشاركات: 2,732
إقتباس
في موقف مختلف
موقف غير
موقف صعب من جد صعب
تلتفت تدور تبي احد تعرفه احد تتذكره مو ما تلقى
الا تلقى بس مو يمك مشغول عنك لاهي

اللهم أعنا على يوم لا ينفع فيه إلا عملنا في دنيا ألهتنا عن غاية خلقنا !
اللهم يمّن كتابنا ويسّر حسابنا ..
وازرقنا توبة تمحو ما قبلها يااارب ..

أحياناً عندما أفكر في تقصيري ..
يأتي مباشرة في بالي قوله تعالى [ ادعوني استجب لكم ] ..
فأعيش تناقضاً في نفسي ..
فكيف أن الله ينتظر منا فقط أن ندعوه ليجيب وهو الغني عنا !
ونحن من نحتاجه نقصر في حقه تعالى !! ..

اللهم اعف عنا .. وحبب إلينا فعل الطاعات يارب العالمين ..

ما أجمل رمضان .. وبإمكاننا أن نجعل أيامنا كلها رمضان !

شكراً العنا ..
فنحن نحتاج دوماً لمثل ما كتبت تصحيحاً وتنبيهاً ..

عوداً حميداً أخي ..
اضافة رد مع اقتباس
  #13  
قديم 19/10/2006, 08:27 AM
الصورة الرمزية الخاصة بـ iq1399
زعيــم مميــز
تاريخ التسجيل: 19/12/2004
المكان: رياض القلب
مشاركات: 3,789
العنا فيذا .. يامرحبا يامرحبا ..

طفوا النور يكفينا نور هالخشه المباركة ..

وينك يا رجل منذ مبطي ماشفناك ..

عسى المانع خير ..

جيت طاير ابلحق على السمبوسة ..

لكن الحقيقة طحت من عيني .. اول مرة اشوف امام مسجد يكذب ..

مافيه سمبوسة .. الله ينور قليبك لاعمرك تشاوف بنا
اضافة رد مع اقتباس
  #14  
قديم 19/10/2006, 08:44 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
هـــلا وغــلا بالعنــا .. ويـــن الناس ..ولا تتغلى ..
يحق لك وسيم ومملوح << تراني من ظمن لجنة الرفع بالمعنويات ..
يقولون انك معتكف .. ماشاء الله عليك ..
كانك تبي المسجد اللي اذا دخلته ماودك تطلع منه من جمال المسجد وروعة صوت الامام ..
مسجد العويضه .. طريق الملك عبدالله غرب ..<الظاهر انه غرب ..
المهم هاه وش قلت نسوي انا وياك يوزر باسمي وباسمك <مانسى ..

في الحقيقه انك يالعنا بموضوعكـ هذا اجبرتني اني اصفق لك
وارفع القبعه احترام لك <واذا لابس كاب الكاب ولايهمك ..

إقتباس
واسطه انسى مافي
واسطتك اللي يحاسبك
صدقني ماراح يظلمك هو اعدل العادلين
يعطيك حقك وافي
وقبل كان يجازيك بالزين الكثييييير
وبالشين مثله
ولو تستغفر وتتوب محاه عنك

ماشاء الله .. كلامكـ حق .. وعين الصواب ..
وكل الكلام اللي قلته اتمنى الكل يقراه ..
وخاصه ان حنا مقصرين كثير في العباده .. الله يغفر لنا بس ..
وجزاك الله الف خير على هالكلمات ارائعه والاسلوب الشيق ..

شكراً العنــا .. دمت في رعاية الله ..
اضافة رد مع اقتباس
  #15  
قديم 20/10/2006, 08:38 AM
زعيــم مميــز
تاريخ التسجيل: 02/12/2002
مشاركات: 3,762
العنا هنا,,,ياللعجب,,!!


وامام أيضأ,,, ياللعجبين,, ونص,,,!!


أثابك الله يا امامنا,, وجعل ما كتبت في موازين حسناتك,,,


تيــــب,, دام السالوفه مجلسنا,, والمناصب على كيفنا,,


خلاص أنا عضو مجلس اداره,,<<خربتــــها,,بقوه,,


العنا الله يهديك فتحت بيبان مغلقه,, ان صار لي شي ,,أنت السبب:p :p ,,


إقتباس
بوريمان العنا

أهااااااااا,,!!

إقتباس
فكره العنا
سيناريو وحوار العنا
اعداد وتقديم العنا
كل شي انا


بما أن العلاقه عكسيه,, فانه اذا كان أبو ريمان العنا,,,

يكون العنا ,,أبو ريمان,,,

ومن هذا المنطلق,,,يتضح أن من كتب الموزوع هو أبو ريمان ,, وليس العنا,,<<


ملحووووزه,,

العنا,, لو سمحت اقرا الرد مرتين,,

مره عني,, ومره عن سديقتي تباتيبو( محبوبه) << عرق الدوله اللي عن البحر الأحمر غرب,, وتقع جنوب مصر,, وتبدا بحرف السين,,,


وووووووووووووووووووبس,,

اخر تعديل كان بواسطة » التميميه في يوم » 20/10/2006 عند الساعة » 09:30 AM
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:55 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube