السلام عليكم ورحمة الله وبركاته
أصدقائي صديقاتي الهلاليين والهلاليين في هذا الصرح الشامخ وهذا الملتقى الكبير شبكة الملايين ...
عندما ترى وضع , وتتكون عندك فكرة , وتهم في طرحها , تتمنى بالمقام الأول التفاعل من قبل من (
يهمهم الأمر ) بشكل يضمن لك الخروج بفائدة سواء كانت الآراء ضد أو مع ماطرحت .
وأنا بالنسبة لي شفت شي وحبيت أكتبه و يهمني أكون كتبت شي مفيد
^*^*^*^*^*^*^*^
سياسة الهلال الحالية
تمشّي الحال لكن فعاليتها ليست بحجم ومكانة زعيم آسيا وفريق يملك ثالث أكبر قاعدة جماهيرية آسيوية , فالفريق بحاجة لأعداد وترميم خطوط وتسويق بشكل يضمن استقرار الزعيم فنيا ونفسيا وماليا أكبر من الشكل الحالي , ومن يرضيه العمل الحالي هذا نقدر نسميه إنسان قنوع , والقناعة (
كنز ) يوهّقك
جوال الهلال ,
قناة الزعيم .. أفكار تم تطبيقها عمليا ومع ذلك أنا إنسان ماقتنعت بإيراداتها لأن جماهير الزعيم أجزم بأنها تتخطى المليون ومع ذلك أشوف الخلل بتطبيق الفكرتين كبير
قناة الزعيم ماشوف فيها شي يخليك تتابع القناة وتدعمها بالرسايل , قناة أشبه بمواقع (
المحادثة ) مافيها أي شي أقدر أتابعها علشانه , حتى الأهداف واللقطات نشوفها على بوكس لا تتعدى الـ
5 سم ×
5 سم
جوال الهلال أنا شخصيا شفت كثير من الناس تلغيه لأنه
مزعج .. ولو بشرح هالكلمة ممكن تفهموني غلط
.. لكن أتمنى يكون قناة وحدة ترسل أخبار الزعيم بالإضافة إلى الأخبار العالمية (
المهمة فقط )
أتمنى يكون استثمار هالأفكار والمشاريع بشكل أكبر من هاللي صاير .. أتوقع جماهير الزعيم قادرة أن تدعم قناة الهلال بشكل أفضل في حالة لو كانت القناة ممتعة ببرامجها وبالأهداف المعروضة حسب طلبات الجماهير , وبالنسبة لجوال الزعيم أتوقع إنه قادر على تخطي الـ
500,000 بالراحة في حالة كان الإشتراك مفيد والأخبار تكون غير اللي نقراه
بالجرايد والمواقع ^*^*^*^*^*^*^*^
مايفعله رجال الهلال في الوقت الحالي يطلق عليه في المصطلح العامي (
تغلّي ) و (
تدلّع ) .. ناس تلوح بالإستقالة , وناس تطلب إجازة والفريق في حاجة لوجوده , وناس تجي تقول أقيلوا فلان وحطوا فلان , وناس تلعب ناس على حساب ناس .. وأعصاب تنحرق ووضع يخوّف
استحقاقات تضيع , وحقوق تنهب , وهلال
ساكت .. اتهامات قوية , تجريد ذمة , و
هلال ساكت , يكيلون ضدنا بمكيالين , وحرماننا من لاعبين , و
هلال ساكت .
لو كان هلالنا هلال البلوي , أو فيصل بن عبدالرحمن , هل بيضيع لنا حق ؟ .. هل سنرى فرق وجماهير تتشمت في بطولاتنا اللي تضيع بسبب غياب لاعبيننا لظروف معسكرات أو إيقافات ظالمة ؟
انشغلنا بأنفسنا ونسينا كيان يجب الوقوف معه وضد الظروف اللي تبعدنا عنه , هل هذا وقت تهديد باستقالة ؟ .. هل هذا وقت إجازة بفرنسا أو بيروت ؟ .. هل هذا وقت تغيير مدرب لأن مجموعة من أعضاء الشرف ماحبوه ؟
لو التفتنا لهلالنا وتحلمنا شوي أتوقع ماكان الهلال بهالمستوى الباهت والمدرب ماتوقع سبب هالمستوى
^*^*^*^*^*^*^*^
ملايين نسمع عنها , وجوال الهلال يدر
25 مليون , وعضو الشرف الهلال يضع مليونين في ميزانية النادي , وآخر يرصد ملايين ريال للاعب الأجنبي .. مع ذلك فريقنا لايملك احتياط نقدر نعتمد عليه بغياب الدوليين و حتى بوجود الدوليين بعض خطوطنا مازالت تعاني .
إذا مانقدر نجيب بحري أو رهيب الإتفاق , وماقدرنا نكسب كامل الموسى كلاعب هلالي , ولا قدرنا نحضر العمري ماجد وش استفدنا من هالملايين ؟
حتى اللاعب الأجنبي اللي مرصود له
3 ملايين أتوقع لو كانت لعيسى المحياني أو مالك معاذ بتكون أفضل وأضمن من لاعب أجنبي نجيبه كتخمين (
ينجح أو لأ )
الهلال ليس بحاجة لاعب وسط .. الهلال عنده
نقص حاد هجوميا .. الجمعان لاعب كبير لكنه مايصلح كلاعب وحيد في خط الهجوم .. الصويلح هبط مستواه لأسباب نفسية وتعدي إن شاء الله .. القحطاني لاعب مرتبط بالمنتخب ويمكن يلعب للمنتخب أكثر من الهلال ... وسامي يلعب في مصر ويقدم مستوى كبير ولكن مع الهلال إجازات وانقطاع عن التمارين
الهلال بحاجة
لمالك معاذ أو
عيسى المحياني .. حتى
عمر كسار فرحنا لإشاعة تفاوض الهلال معه
الدفاع بغياب
المفرج ضاعت هويته , مع احترامي الشديد لمحبي
المرشدي ومعجبيه أتوقع المفرج أفضل بمراحل , تفاريز يقدم مستوى كبير وشايل عبء أكبر من أن يتحمله .
والظهير الأيمن مع
العبدالسلام صار عادي بعدما كان أي فريق يضرب حسابه لهالجهة .
أتمنى وضع ميزانية لجلب لاعبين من فئة اللاعبين الكبار أما اللاعبين اللي نجيبهم عشان ندور غيرهم ماينفعوننا
^*^*^*^*^*^*^*^ بيسيرو مدرب كبير واسم لامع في عالم التدريب , تمنيت يلعب حسب خطته لأن قال إن زخمة النجوم في منطقة الوسط تجبره على إنه يلعب بمهاجم واحد , ولكن مافيه مانع لو لعب بأربع وترك واحد احتياط على حساب انه يلعب بمهاجم آخر بجوار الجمعان
لازم نصبر على المدرب ولكن لازم يكون معه مساعد واستشاري فني , عشان نكسب فريق يقدم مستويات عالمية وفق خبرات عالمية
العيب ليس في المدرب أو طريقته لأن
باكيتا قبله لعب بمهاجم واحد ونجح , ولكن نفسيات اللاعبين وضياع الانسجام هو سبب المستويات اللي ماترضينا كجماهير رغم الفوز .
الصبر قليلا على هذا المدرب
^*^*^*^*^*^*^*^
كلمة أخيرة وهي موجهة
للجماهير الهلالية ..
أتمنى أن يكون تشجيعك وحبك لهذا الكيان العظيم مبني على التضحية والإخلاص .. طبعا تضحية بشوي من وقتك وليس مستقبلك أو مهنتك .. مؤازرتك للفريق في الملعب وتشجيعه سواء خسر أو فاز هو المطلب دائما .
دعم مشاريع الزعيم بالاشتراك والتفاعل لأن تفاعلنا مع بعض يخلق النجاح ويؤمن لنا المتعة
أتمنى حضور الجماهير في مباراة الإتحاد القادمة وعني أنا أتوقع فوز كبير للأزرق في هالمباراة .
والسلام عليكم ورحمة الله وبركاته
~ ~ ـ كلمات ـ في ـ حب ـ الزعيم ـ ~ ~ 
الوضع العادي
