بين الماضي ,, وبين الحاضر,, - نادي الهلال السعودي - شبكة الزعيم

التميميه · #1 15/10/2006, 09:09 AM

السلام عليكم ورحمة الله وبركاته,,

مبارك عليكم الشهر,,بعد الزحمة,,

وكل عام وأنتم بألف خيــــر قبل الزحمة,,,

أما وسط الزحمة ,,فالله يعينكم,, وما أعرفكم ولا تعرفوني,,<<أبو الجحده,,

بدايتاًً,,,

ما فيه أحد في السعودية,, وما جوارها,, ;)

وحتى المقيمين فيها,,

ما يعرف أنشودة بين الماضي وبين الحاضر,,,

اللي حومت كبد الجميـــــــــــع,, وأنا أولهم,,

ومابقى مجلس أمهات,, أو برنامج أطفال الا وقيلت فيه,,

حتى شغالتنا أول ماجت كانت تدندن,,,سير علينا ياهوا<< والله ما تلعب,,

;)

ويوم جت تروح صارت تدندن ,,بين الهادر ,,وبين المادي,,

و حتى البزر اللي بالشهيرات,,

إذا جو يسكتونه,, بدل ما يقولون ,,

لا اله الا الله منشوره,, ورجل ابليس مكسوره,, وهوها يا هوها,,

وجعل من أبغضك مات,, جعل نسله بنيات,, عمين ومقحطرات,,<<رافعه ضغطي,, والله مشكله غصب الناس يحبون ولدك,,!!

وغير ذلك في ما جاء في تسكيت البزران,,,

صاروا يغنون لهم بين الماضي وبين الحاضر,,

<< وهذي مشكلة السعوديين انهم اذا طاحوا بشي طاحوا بوه طيحتن قشرا,,,

;)

وكأني في هذه اللحظة,, أتذكر مصالتي,, يوم أطيح بيا أيها الانسان هل تبكي لما أبكاني,,

<<يا لايم الصبيان يومك صبي,,

وهاهو التاريخ يعيد نفسه,, مع انشودة سعد الطلحه ,, القلب يحزن,,:sad: <<صيف شتاء وناسه والا ضيقة خلق,,اربعه ساعه وعشرين على لسان بزرانا,,

المهم,, من هنا جا اختياري لهذا العنوان,, بسبب ما تحظى به هذه الأنشووووطه من انتشار واسع في العالم العربي والاسلامي,,,

والسلام عليكم ورحمة الله,,<<خلااااص قصرت,, ما فيني حيل أكمل,,

لااااااااااااااااااااااا أمزح,,, هذي بس مقدمة,,<<اذا هذي مقدمه أجل وشو الموزوع,,

تبعاً مثل ما أنتم عارفين,, مر على فتح الرياض ,,أكثر من مئة عام,,

وفي كل سنة تزداد رووووعة,, وجمال ,,<<الله لا يخلينا منها,,

تيب,, من فيكم تخيل شكلها,, قبل التطور الحاصل الحين,,,

خلينا نشوف مع بعض,,<<تسمع بالتشويق,,,

تنبيه,,

لرؤية الرياض القديمة,,

اغمض عينيك,, وادعكها ثلاث دعكات فقط ,و من غير زيادة أو نقصان,,

مع التركيز على ثلاث دعكات فقط,, لأنها لو زادت,, ممكن توديك للعصر الأموي أو العباسي,, او الجاهلي,,

وذلك حسب الدعكات,, فكن حذراً حفظك الله وردك للمنتدى سالماً بعد هذه الرحلة,,

بسم الله نبدأ,,,

هدي بوابة دخنة,, كانت أول معلم يشوفه اللي جاي للرياض من جهة الجنوب,,,

والآن,,,

صارت وسط الرياض,, وودعت الجنوب من زماااان,,

بس والله حركه,, ما تغير شكلها بعد الترميم,,

وهذا شارع العطايف,, يوم ان الدنيا دنيا,,

واضح انهم بادين يقصون البيوت عشان يزينون الشارع,,

<< مدري ليه أحس ان هالصوره قبل الاسلام,,<<

الله يعافيك لا عاد تحسين,,

وهذي والله العالم,, انها أول فرع لمكتبة لجرير,,

ويقولون والعهده على الراوي,,;)

أن أحد شياب المنتدى,, ما تحلا له القرايه الا فيها,, والله أعلم,,

أما بالنسبه للطب,,, يا هو بلاوي,,

يا حيــــــــــاة الشقا,,

وهذا أحد أشهر المعالم في الرياض,, واللي يقال له,,

جبل أبو مخروق,,,

ويقولون,, والله العالم,, ان فصل حبي تيماوي,,

اذا انتكوا وضاقت صدورهم,, ودوهم رحله لهالجبل,, عشان يلعبون غميمية,,

وهذي صورته حالياً,,

تيب ,,الحين

أتحدى أحد يعرف وشو هذا,,

لأن بسراحه ماااافيه أي معالم,,!!

هااااااااااااه عرفتوا,, والا بعد,,,!!

ما تلاحظون انها بيئة مناسبة للعب الحبشه و ينفع ملعب,, ويأخذ الحاج الداج,,

يعني مناسب لجميع أنواع الألعاب,,

بس تدرون وش صار,,,

حي السفارات,,!!

أما هذي ,, بيوتهم من أول,,سرااااااااااحه مرررررره حلوه,,

وتنفع سطوحهم لهواة القز لأن كل شي مفضوح عند الله وخلقه,,

وهذا بعد توقعوا وشو,,,!!

هذوووولي الظاهر انهم يسمعووون بالدورات,,

بالله ,, كيف يمدي السيارة تديور,,,!!

هذا شارع السويلم,, وعلى يساره قيصيرية أشيقر,,

تيب ويييييين حلة القصمان,, ما لقيتها من ضمن الصور,,<< غااارت,,

أما هذي الصوره فحدث ولا حرج,, :p

صدق نكتـــــــــــه,,

والشاطر اللي ما يلقى فروق بين الطلاب,,

أما البزر اللي خاش,, مدري وش يبي,,,,

الظاهر انه ولد احد هالشياب وناشبن له,,

ووووووووووووووووووووووووووووووووبس,,,

هاهو باص الرحله يحط رحاله في المنتدى,,,

بعد رحلة في أرجاء الرياض,,

وهاهم الأعضاء صاكتهم روسهم,, بعد الدوران في هالشموس,,

بس مايضر ,, فيه اختراع اسمه بندول,,وبلا جواره,,;)

خذوه وردوا,,!!ماااالكم عذر,,!!وأكون شاكره,,<< ما تساااااحركم,, أبــــد,,!!

على فكرة,, الصور شفتها في كتاب,, وأعجبتني,,

فنتقلتها لكم,,

سلااااااااااااااااااااااااااام,,

iq1399 · #2 15/10/2006, 09:18 AM

التميمية شكراً لكِ

اصطحبتينا في جولة ماتعة في ربوع رياضنا الحبيبة ادامها الله لنا

لا اخفي سروري وفرحي وانا انظر إلى تراث مدينتنا العامرة , لكن مازادني فرحاً هو ما آلت عليه حالياً من نهضة شاملة في جميع المجالات .

قفزات هائلة في مجال التطور العمراني ..

بعض تلك الصور لم يمضي على التقطاها اكثر من 60 عام ..

تطور هائل حدث في وقت وجيز ..

اللهم لك الحمد على نعمة الرياض

سحرالشرق · #3 15/10/2006, 09:33 AM

التميمية...
اسمحي لي سأتخلى عن الفصحى هنا والسبب فيك بارك الله في عمرك فقد نافست أبا الأسود الدؤلي في وضع النقاط على الحروف

التميمية..
لا أخفيك حقيقة أنني لأول مرة اقرأ لكِ لكن((ضحكت ضحك من زمااااااان ما ضحكته خصوصا تعليقك على الدوار:p ))!!!

رحلة ماتعة ويكفي أنها تحت شمس الرياض سيدة الحسن الأبدية

..
ويزيدها جمالاً اقترانها بمعرف التميمية المبدعة..

دمت يا آنستي كما أنت مبتسمة تنثرين السعادة أينما تتواجدين...

تحيتي ومحبتي..

الكلاسيكي · #4 15/10/2006, 11:00 AM

التميمه .. عادت فعاد معها غبارها ..

من طول الغيبات جاب لنا الصور المغبره ..
ياهلا فيك . . نورتي ..

وصدقتي والله الانشودتين صار اكل يقولها ..
كل لقاء مع طفل او طفله يرددها ..بس مو كنك نسيتي يامكه ..

حتى لما التقوا بكونزليسارايس وزيرة الخارجيه الامريكيه قالت ان الانشوده هذي
خطفت الاظواء .. وخسرت الفنانين الامريكان اشرطتهم الجديده اللي غبرت في المحلات

<<الله من النصب

اما الصور والله اثاري الرياض اول ساحة تفحيط وكم خرابه ..

والله انك ذكرتينا بايام آآآآآآآآآآآآآه بس <<مسوي اربعين سنه وتوك مكمل ال 19 ..
الصور حلوه مره عاد انا اول مره اشوف صور قديمه للرياض غير المصمك ..
الحين الرياض تعد من اكبر المدن واجملها في العالم .. واكثرها سكان

<هذي البلشه ..

بس دوختينا بهاالباص من ركبنا والشريط ماتغير بين الماضي وبين الحاضر ..
لك الف شكر ع الطله الجميله والصور المغبره الرائعه ..

وتقبلي ارق التحايا ..

دمتي بخير ..

ProudToBeSaudi · #5 15/10/2006, 01:15 PM

أنا مستعجل بس ما أقدر أشوووف موضووع للتميمية و ماا أرد يكفي اسمها يخليني غصب أرد..
لا و يوم قريت التوقيع قلت راد راد لو على جثتي...

إقتباس


	حتى شغالتنا أول ماجت كانت تدندن,,,سير علينا ياهوا<< والله ما تلعب,, ;) ويوم جت تروح صارت تدندن ,,بين الهادر ,,وبين المادي,,

شغالتكم فلللللة تسمع محمد عبده ،، بس قولي لهاا الدنياا رمضااان واستحي على دمك...

أنا أخذت ورقة وقلم و جلست أسجل الأنشوطااات على قولتك لأن كل وحدة أحلى من الثاانية...

التميمية حسبي الله عليك ما صرت أشوووف دعكت عيني و صااارت تعوورني كله منك...

الصور من جد حلوة و مشكوووورة على المجهووووود.

يعطيك ألف عافية على موزووووعك و مشكووووووووورة..

...SoMe OnE... · #6 15/10/2006, 02:39 PM

,,,
,,
,

رياض ازدهرت ..
واراضي بـ لون الازدهـار تلونت ...!!
فـ هم الاجداد رسموا لنا صورة حيه عن تلكـَ التي كانت لهم في الامس ..
وها نحن نواكب هذه النقله ونحمد الله على ذلكـ ,,

اختي الكريمه / التميميــه

استمعنا حيقية بـ هذه الرحله ,, وبـ هذه الاناشيد التراثيه ;)
جهد رائـع ,, لكـِ الشكر والتقدير على هذا التقديم وهذا الاسلوب المميز ,,
كان لـ الصفحة ان تتعطر بـ شذى الزهر حينما لامسها نقاء قلمكـ ,,

****

كوني بخير
...SoMe OnE...

جراح الهلالي · #7 15/10/2006, 03:25 PM

يعطيك العافيه على الموضوع

وريـــــاض الخـــير حلوه بوقتها بماضيها وأحلى وأروع بحاضرها

مدري ليه يلومونا بحبك يارياض العــــز

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــ

إقتباس


	مدري ليه أحس ان هالصوره قبل الاسلام,,<< الله يعافيك لا عاد تحسين,,

الهنوووف · #8 15/10/2006, 04:14 PM

هلا بكـ ترحيبتن طول خط الرياض للامريكا :p
يالله ان تحي هالبنيه الاجوديه
السودانيه

إقتباس


	صاروا يغنون لهم بين الماضي وبين الحاضر,,

ياني كنت اعشقها لدرجه الجنون :p

إقتباس


	<< وهذي مشكلة السعوديين انهم اذا طاحوا بشي طاحوا بوه طيحتن قشرا,,, ;)

وانا اشهد

إقتباس


	وهاهو التاريخ يعيد نفسه,, مع انشودة سعد الطلحه ,, القلب يحزن

جا في بالي موقف عمتي
تقول لما كانت بتروح ديرتنا لحالها مع عيالها الصغار ولدها بالمتوسط تقول وانا اطلع وهو واقف عند الباب
ينشدها تقول ماقد سمعته ينشدها وخافت هي عاد

إقتباس


	والسلام عليكم ورحمة الله,,<<خلااااص قصرت,, ما فيني حيل أكمل,,

عادي انا بصدق لان هالشي مو مستغرب منكـ:p

إقتباس


	وذلك حسب الدعكات,, فكن حذراً حفظك الله وردك للمنتدى سالماً بعد هذه الرحلة,,

وش دعكاته اقول امشي بس لاجلدكـ فيذاا >>هذي اسلوب عرابجه السعوديه

امحق كابتن باص

قولي قولي عاء السفر

كفشتكـ انتي هالحرمه يالي ماتستحين وش مخليك تمرين بجانب الرجال الا تستحي

إقتباس


	<< مدري ليه أحس ان هالصوره قبل الاسلام,,<< الله يعافيك لا عاد تحسين,,

عادي حتى انا احس كلهم مو هي بس :p

إقتباس


	وتنفع سطوحهم لهواة القز لأن كل شي مفضوح عند الله وخلقه,,

ربي ستر وراحت هالتقنيه والا كان شبابنا مايتعدون بيوتهم وسطوحهم :p

يوة وجعني راسي ابي مويه
طررررررراخ تحت (طحت ) بالارض ياربي دننتيني التميميه من شارع لشارع موديتني

بس ورى باصكـمـ خربان ورى مافيه مكيف الحين :p
تسلمين خيتو اسعدتينا برحلتكـ اصبري بروح اضمـ امي وابي روحي في دمي ربي احفظ امي وابي>>دخلت جو مع الانشوده

بروح اسلمـ على اهلي اشتاقو لي الله يقطع شيطانك ماغير مفرفرتن بي من شارع لشارع
وه بس منتس

تسلمين حضوور جميل نتمنى ان لاينقطع

دمتي في حفظ الله

الهنووف

كانت

هنا

ورحلت

الماسه الزرقاء · #9 15/10/2006, 04:55 PM

إقتباس


	ما يعرف أنشودة بين الماضي وبين الحاضر,,, اللي حومت كبد الجميـــــــــــع,, وأنا أولهم,, ومابقى مجلس أمهات,, أو برنامج أطفال الا وقيلت فيه,,

ههههههههههههه والله إنك صادقة ,

إقتباس


	وكأني في هذه اللحظة,, أتذكر مصالتي,, يوم أطيح بيا أيها الانسان هل تبكي لما أبكاني,, <<يا لايم الصبيان يومك صبي,,

نفس الحالة

,, جتني طيحة فيها مو صاحية ,

,, حتى كانوا خواتي صغار وكنت انشدها عليهم كل ليلة وإلى يومك يتذكرونها

أما من ناحية صور الرياض قديماً وحديثاً بصراحة توسع الصدر , ما شاء الله الرياض تُعتبر من أسرع مدن العالم تطوراً ,,
خلال 100 سنة شوفي شلون تغيرت الرياض الله لا يغير علينا

الصور جميعها في طريقها إلى الحفظ

,,

يعطيك ربي العافية يالتميمية على الموضوع الظريف واللطيف والممتع

الهلال موتي · #10 15/10/2006, 05:13 PM

إستـــــمـتــعنـــا و ( كفى ) ..

شـُـكراً لكِ إختي على الموضوع التُــراثي .. الشيّق ..

ღهلابوليღ · #11 15/10/2006, 05:41 PM

ذكرتينا بأيام الماضي

يازين الرياض وبس الا على فكرة ليش ما جبتي حي عتيقة قديما وجديداً هههههههه

<<<<<<<<<<<<<<<<<<<<< من سكان عتيقة أيام الطفر والله ياهي أيام حلوة

بس كيف صالون الحلاقة أول باين أنه ماعنده سنفرة للوجه ههههههههههههههههه

عسيريه · #12 15/10/2006, 09:21 PM

إقتباس


	لا اله الا الله منشوره,, ورجل ابليس مكسوره,, وهوها يا هوها,, وجعل من أبغضك مات,, جعل نسله بنيات,, عمين ومقحطرات,,<<رافعه ضغطي,, والله مشكله غصب الناس يحبون ولدك,,!!

والله انشووده حلووه تصدقين أول مره اسمعها..

التميميه خذيتينا بجوله جميله في تراث رياضنا الحبيبه..

{ومن مننا من لا يعشق رياض الخير قلتها من قبل وسأقولها الان ياحبي لـ الرياض واهل الريااض}

يعطيك العاافيه يالتميميه..

::عــســيــريــه مــصــرقــعــه::

عزوز الأزرق · #13 15/10/2006, 09:33 PM

fhv; hggi td [i,];>>>>أتحداك تترجمينها ...

الف شكر يالتميمية ..

بجد صور رااااااااائعه ...وأحلى شيء هالبزارين اللي بالمدرسة ...
مدري ليه أحس اللي مدخل راسه ذاك .. كأنه سهل .. هههههههه

ع العموم ... تخيلوا لو يوم رجعنا لتلك الأيام ... يؤؤؤؤؤه

فصل زحمة وبدون مكيفات ... والله ماظنتي أحد بيداوم ...

الحمدلله على النعمة اللي حنا بها ..

تحياتي,,,

الذئـــ الأزرق ــــب · #14 15/10/2006, 10:04 PM

^^^^^^^^^^^^^^^^^^^^^^^^^^^^^^^^^^^

fhv; hggi td [i,]; = هد في الله كرابودك !!

اكتـــب زين حست الدنيا !!

ـــــــــــــــــــــــــــــــــــــــــــــــــــــــــــــــــــــ

بصــراحة حسيت ان الموضــوع حلو ودخلت بكل (( شغف )) بدون الريادة

,, والمهم اقرا واقرا واقرا وآخر شي جت الصوور
ويبد الحماس وتطير عيوني وآخر شي يطلع إكســات وما طلعت الــصــور مركز التحميل خربــان شكله .. !!

قهر .. <=== خيـره بغـيره ..

وأخيراً :

(( بين الماضي وبين الحاضر , يله نسمع يله ناظر ................... )) ,,

سندريلا الهلال · #15 15/10/2006, 10:41 PM

التميميه والله وعرفتِ تتنقين الرياض يكفي بس لو تكتبين الرياض هذي ملحمه بحد ذاتها ..

ان شاء الله عقبال مانشوفها من أرقى عواصم العالم علماً وجمالاً وسياحة ..

التميمية الله يعطيك ألف عافية ماقصرتِ