أسيرة الزعيم

بسم الله الرحمن الرحيم

لعلها المرة الأولى التي أجرب نفسي بها في سرد أحداثٍ يومية .. فإن فشلت فأرجِـعوا ذلك إلى إجتهاد لم يصب وإن أجدت فهنئوني

نبدأ كما بدأ الـ 23 مطلوباً قبلي من الساعة الـ 12 بعد منتصف الليل ..
ويكون هذا الوقت هو وقت " الغبقة " .. كانت معجنات و كنافة وشي من جيرانا ما أعرف ايش !

وخلال هالوقت استقبلت مكالمة من " بنت خالتي " تخبرني بأن جدتي راح تعيّد عندهم في الرياض ! .. رفضت الفكرة شكلاً ومضموناً فلا طعم للعيد هنا من غير تلك اللمّة حولها ..
قالت لي : احتجيتِ ما احتجيتِ .. أمي بتعيّد عندنا ، تبون أنتوا تعالوا وبالمرة تفتكون من رطوبة الشرقية ولزوجتها !
وبين مد وجزر ..
قالت لي : أقول إذا على العيدية .. لا تشيلين هم أشيل نصيبك
قلت : بس وأخيراً فهمتي اللي أبغى أوصلّه !



سكرت بعد أن استعجلني أخي .. بقوله : لو إنتِ الإمام كان انبسطوا الناس عليك
رحنا للمسجد والحمد لله لقيت لي مكان بالرغم من الزحمة ..
بجانبي طفلة صغيره .. كانت تبكي مع الدعاء ..
تبكي متأثرة .. رافعة يديها الصغيرتين .. تقول آمين بصوت يقطعه شهقات البكاء !
اللهم بارك لها في عمرها وأصلحها ..


طلعنا من المسجد .. وكعادتنا اليومية ناخذ لنا موكا medium sugar " " ونتمشى بالسيارة على الكورنيش .. على الـ 2 وشوي رجعنا علشان نلحق على دعاء مكه 2 ونص ..

قعدنا أنا وأختي نساعد أخي في ترتيب أغراضه لأنه بيمشي مكة الصبح ..
وكتبت في جواله [ قائمة ] من الأدعية لي ولمن أحب وللمسلمين ..
فلما رآها .. قالي : تبين أدعي وأنا أقرا من الجهاز !
قلت له لأ بس احفظهم وأنت بالطيارة وخل صديقك يسمع لك :p !


ثم قريت قرآن ..

بعدين نسيت والله شبكت قبل صلاة الفجر ولا بعده ..
ثم توكلت على الله ونمت ..



صحتنا أمي الظهر .. لأني قايلتلها إن ودي أشتري أشياء .. و هي " تمقت " السوق في الليل أيام رمضان ..
صليت وصحيت أختي .. ورحنا على الوحده ونص ..

وسبحان الله كنا نسولف عن وحده بالسياره .. أول ما دخلنا شفناها !

ما كان فيه شي مميز ..
صلينا العصر هناك .. ورجعنا على الأربع ..

رجعت وشبكت .. لأن أبوي كان يبيني أطبع له موضوع من منتديات أعمال الخليج ..
شيئين في الحياة مالي علاقة فيهم [ الأسهم – الدلوله ] !
ودخلت على الشبكة وشفت رسالة سندريلاتنا ..
جلست الى قبل الأذان ..
وفي هالوقت النايم يصحى .. والشابك يفصل !



فطرنا ..
وحنا من اللي فطورهم على جزئين .. أول شي التمر والقهوة واللقيمات وتبعياتها ..

وبعد الصلاة ..
يحطون العشاء ..
وقبل تناول العشاء لازم أشوف برنامجي الرائع [ خواطر 2] لأحمد الشقيري .
الذي تناول اليوم موضوع ( المهم المستعجل والمهم الغير مستعجل )
وكيف أن تراكم الثاني يؤدي إلى الأول !

تعشينا .. و بعدها ..
المفروض أن هالوقت يكون وقت الشاهي عند التلفزيون وأحاديث عائلية يتخللها تعليقات وتحليلات لبرنامج ما ..
لكن اليوم لم أكن معهم .. فكان لدي كم شغلة كان يلزمني إنجازها ..

أخذت لي " غفوة" وبعدها صلينا التراويح ..

وعلى الـ 9 ونص جاءنا خالي مع البنات و ولد خالي الصغير ..
كانت الجلسة حلوة ..
ولاحظت ولد خالي على غير العادة لابس " كاب"
قلت له : خلودي حركات طالع بالكاب
رد علي وبنبرة [ المنقهر ] : مو على كيفي .. بس أبوي مقرّع لي ..
( يخاف أن أخوي يعايره )
قلت له : ماعليك مايمديه لأنه أساسا قالي اليوم انه حلق في مكه.. يعني صار زيك !
أشوا بعدها " اسفهل " وترك منابت شعره تتنفس !..

وبعد ما طلعوا ..
رحت فوق وكتبت يومياتي وأرسلت لسندريلاتنا

..

:: كلمة حق في هذه الرائعة ::

فكرة ناجحة بكل المقاييس ..
تجدد يومي في كل ليلة من ليالي رمضان ..
عمل راقي تقدمه لنا هذه الانسانه ..
فهي بحق نجمة تضيء شبكتنا ..



أتمنى أني وفقت في عرض ماحصل ..
جعلنا الله وإياكم من عتقائه من النار ..



ــــــــــــــــــــــــــــــــــــــــــــــــــ
الله يعطيك العافية أسيرة الزعيم وترى عيــد الريــاض يهبـل وش زينه مع ان الغالبيه بيسيرون على الشرقية ..

وتتواصل يوميات الأعضاء بتفاعلنا معهم وغداً موعدنا مع يوميات العضو المبدع iq1399..

إقتباس الرسالة الأصلية كتبت بواسطة المنتدى الاستشاري وسبحان الله كنا نسولف عن وحده بالسياره .. أول ما دخلنا شفناها ! ..

يعطيك العافية وهذي دائما تصير اذا سولفت عن واحد غالباً اقابله

او اذا جلست افكر بأحد احصله يدق علي...

وان شاءالله بيوسع صدوركم عيد الرياض

هــــــلا بـ أختي .. أسيـــره ..

إقتباس سكرت بعد أن استعجلني أخي .. بقوله : لو إنتِ الإمام كان انبسطوا الناس عليك

اللهم إني أستغفرك وأتوب إليكـ ..

إقتباس بجانبي طفلة صغيره .. كانت تبكي مع الدعاء .. تبكي متأثرة .. رافعة يديها الصغيرتين .. تقول آمين بصوت يقطعه شهقات البكاء ! اللهم بارك لها في عمرها وأصلحها ..

اللهم آمين .. اللهم آمين .. اللهم آمين ..

تخيلت الموقف ... !

إقتباس قلت له لأ بس احفظهم وأنت بالطيارة وخل صديقك يسمع لك

ذكرتيني بأيــام الدراسه ..

إقتباس المهم المستعجل والمهم الغير مستعجل

حلقه اليوم أستفدت منها كثيراً والحمدلله ..

:: كلمة حق في هذه الرائعة ::

إقتباس فكرة ناجحة بكل المقاييس .. تجدد يومي في كل ليلة من ليالي رمضان .. عمل راقي تقدمه لنا هذه الانسانه .. فهي بحق نجمة تضيء شبكتنا ..

صـَـدقتي ..

إقتباس أتمنى أني وفقت في عرض ماحصل .. جعلنا الله وإياكم من عتقائه من النار ..

اللهم آمين ..

شـُـكراً لكتــابه يومكـ الرائع أختي ..

ننتــظر يوميـــات / Iq1399 بفارغ الصبر ..

وشـُــكراُ للأخت سـنـــدريــلا الهـــــــلال ..

يوووووووووم راااااااااااااائع بروعة صاحبته ...

اااااااااااااااه من البحر ااااااااااااااااااااااااه ...
والله ياني مشتاااااااااااااااق حيييييييييل... لكن الكسل ..

ع العموم .. يومك رائع واراه و المثالية متلازمان...
ماشاء الله عليك ... كل شيء ملحقة عليه ...

تحياتي لك ...

اما سندريلا.. فتعبت وانا اقول الله يطووووول عمرها و يوفقها لخيري الدنيا والاخره .. ====> والله من قلبه...

وبانتظار مقياس الذكاء غدا...

إقتباس ...... تخبرني بأن جدتي راح تعيّد عندهم في الرياض ! .. ... تبون أنتوا تعالوا وبالمرة تفتكون من رطوبة الشرقية ولزوجتها

و الله العالم ، يبدو أنني سأرافق جدتكم الكريمة إلى الرياض لقضاء العيد هناك و ربما آخذ حصة أهل الشرقية من "العيدية" على اعتبار أنني من أهلها فإذا حصل هذا أرسلتها لكم ، لكن قولي لبنت خالتك أن الرطوبة في الشرقية تنتهي بانتهاء شهر سيبتمبر. كل من أراد أن ينتقد الشرقية قال عندكم رطوبة.

إقتباس فكرة ناجحة بكل المقاييس .. تجدد يومي في كل ليلة من ليالي رمضان

نعم و الله ، و تحتاج إلى تنسيق كبير و يبدو أن سندريلا قد كبُرت عشر سنين في هذا الشهر.


شكراً أسيرة على مشاركة الأعضاء بتفاصيل يومك.

إقتباس وإن أجدت فهنئوني

مبروك<<<<<<فاهمه الموضوع غلط

إقتباس " الغبقة "

متى راح تنزل الترجمه

إقتباس تبكي متأثرة .. رافعة يديها الصغيرتين .. تقول آمين بصوت يقطعه شهقات البكاء !

إقتباس اللهم بارك لها في عمرها وأصلحها

مشاء الله عليها
في ناس الله يهديهم مايخلون الواحد يخشع قبل شوي في المسجد جنبي وحده اذا سجدنا تدعي بصوت عالي لدرجه اني من زود الخشوع الي عندي اتلخبط بعدين اسكت واسمعها<<<<<موضوع مب خاش عرض الا صافط عرض

إقتباس أتمنى أني وفقت في عرض ماحصل .. جعلنا الله وإياكم من عتقائه من النار ..

اميييييييييييييييين والله يوفقك

أهــلا بأسيره ..
وأهنئكـ على اتقانك في سرد اليوميه بشكل لطيف ورائع ..
واتمنى أتن تقضي بقية حياتكـ في سعاده مستمره ..
ولكي ارق التحيايا ..

شكراً سندريلا !!

إقتباس يعطيك العافية وهذي دائما تصير اذا سولفت عن واحد غالباً اقابله

شغل المصاريا بدا
يوميات جميله ككاتبتها
سندريلا مجهود مميز

أسـيرة الله يعافيك على اليوميـات ومن حظك اني منب رايق وبي نوم(ن) عظيم ,,

ولا لي خلق أصحح أو بالأحرى الزعيم يمكن يوقفونن لا صححت !!

بس الشكو على الله ,,

ننتظر المبدع محمد بفارغ الصبر وأكيد اليوميات رائعة كروعة عضو مثله يفتخر فيه الزعيم ..

أسيرة..
مبدعة حتى في سرد يومها..

لك تحية لا تليق إلا بكِ..

يقيناً..
سأكون متواجدة غداً من أجل محمد ولمحمدٍ فقط....


دام الجميع بخير..

اسيرة ماشاء الله ياكثر يومك شكل يومك ياهل الشرقيه اطول منا
الا ورى ماتجين الرياض عيدنا حلووو بس زحمــة >>>ترى انا ماتعيد بالرياض خذي وانطلي

ياحبي لكمـ اذا تكلمتو عامي احس انكـ بسيطين

ربي يحفظك خيتووو

إقتباس iq1399..

بانتظارك يالمتالق

مبدعه كعادتك اختي

إقتباس قالت لي : أقول إذا على العيدية .. لا تشيلين هم أشيل نصيبك قلت : بس وأخيراً فهمتي اللي أبغى أوصلّه !

إقتباس طلعنا من المسجد .. وكعادتنا اليومية ناخذ لنا موكا medium sugar " " ونتمشى بالسيارة على الكورنيش .. على الـ 2 وشوي رجعنا علشان نلحق على دعاء مكه 2 ونص ..

اه هذا احلى مافي الدمام انك تاخذ كافي وتهجول حول الكورنيش

إقتباس ولاحظت ولد خالي على غير العادة لابس " كاب" قلت له : خلودي حركات طالع بالكاب رد علي وبنبرة [ المنقهر ] : مو على كيفي .. بس أبوي مقرّع لي .. ( يخاف أن أخوي يعايره )

مشكور ه اختي مره اخرى

وبانظارك يا

إقتباس iq1399