يـــاشبـــاب ملف سويت لــــه إخفـــــاء ومـــاقدرت أسوي لــه إظهــار - نادي الهلال السعودي - شبكة الزعيم

abdulmajeed_1 · #1 16/10/2006, 07:30 PM

السلام عليكم ورحمة الله وبركاته ..

أخواااني .. !

عندي ملف سويت له إخفااء مع كافة المجلدات الفرعيه <<( أعتقد كذا )

وماقدرت أسوي له إظهاار .. علما إن هالملف داخل مجلد والمجدل حالته للقراءه فقط

الزبده إني حاولت ماقدرت .. واذا سويت تحديد للكل داخل المجلد (( يقول : فيه ملف مخفي

رح للوحة التحكم ومن خيارات المجلد سو له إظهار ))

عااد لي يومين بلوحة التحكم أدوور خيارات المجلد بس مالقيتهااا للأسف

اللي يعرف لايبخل جزاك الله خير .. وجهااازي XP عربي

تحياتي

أبوسياف · #2 17/10/2006, 01:23 AM

الحمد لله والصلاة والسلام على رسول الله محمد ابن عبدالله
أخي العزيز
مشكلتك هذي حلها كلاتي:
تروح للوحة التحكم
وتسوي مستخدم جديد
وبعد كذا سجل الدخول في المستخدم الجديد
وروح للوحة التحكم وراح تلاقيها موجوده
والسبب في إن خيارات المجلد أختفت من المستخدم الحالي إلي إنت شغال عليه الله أعلم بسبب فايروس اصاب الجهاز ويقولون هذا الفايروس يجي عن طريق توصيل الجوال بالكمبيوتر
وهذا الفايروس مايصيده إلا برنامج الكاسبر
هذا والله أعلم وصلى الله على نبينا محمد وعلى اله صحبه اجمعين
أخوك أبوسياف

هلالي جدا · #3 17/10/2006, 02:48 AM

أخوي الطريقة سهلة .. لافيروس ولا يحزنون

ادخل على جهاز الكمبيوتر My Computer
اختر من القوائم في الأعلي أدوات Tools
اختر خيارات المجلد Folder Options
ثم ادخل على قائمة عرض View
تجد خيار الملفات والمجلدات المخفية Hidden Files and Folders
قم بتفعيل الخيار عرض الملفات والمجلدات المخفية Show Hidden Files and Folders

بعدين موافق OK

الآن راح تظهر لك الملفات المخفية .. اضغط على الملف المخفي بالزر الأيمن واختر خصائص Properties
قم بإلغاء التأشيرة على الخاصية [مخفي Hidden ]

ودمتم

Coppuccino · #4 17/10/2006, 09:52 AM

اخي الفاضل أبو نورة..اذا مافيه مانع

زودني بأسم الملف المخفي مع ذكر موقعه(في المستندات او سطح المكتب..إلخ) واسم مستخدم الجهاز..هنا أو في رسالة خاصة..

الطريقة مضمونة لإستعادة الملف..اما إذا كنت متخوفاً أو شي من هذا القبيل فلك كامل الحرية في الرفض وتذكر اني لم اتواجد في موضوعك الا للمساعدة وشكراً.

سبحانك الله ربنا وبحمدك لا إله الا انت استغفرك واتوب اليك

رمضان كريم

المرستك دائما · #5 18/10/2006, 06:48 AM

هلا أخوي خذ الحل

هذا فيروس يخفي خيارات المجلد

ومدى خبثه إنه يسوي ملفات مخفيه

ويخفي خيرات المجلد عشان ما تقدرتطلع المخفي

الحل هنا7
7
7
7
7
7
7
7
7777777
المرستك دائما

تقبل تحيتي

ورد على إذا نفع ترى قد حصلتلي

المرستك دائما · #6 19/10/2006, 01:30 AM

هاه نفع
أكثر من سبعطعشر تنزيل
هاه كيف الحل

المرستك دائما

بريماكس · #7 19/10/2006, 07:18 AM

ياشباب والله نفس المشكله انا حصلتلي ... فيه ملفات بالجهاز ومادري وينه الان قمت احوس وبحث لكن مافيه فايده ............ افيدونا مشكورين

ولد وايل · #8 20/10/2006, 07:26 PM

حبيبي جهازك فيه فايروس وهذي تصير عندنا بالدوام وكان يحلها واحد من ربعنا
عن طريق سي دي
فيه طريقه ثانيه انا اسويها بس طويله
يبيلك تغير البروفايل اللي انت تدخل عليه وتحط لك مستخدم جديد وتنسخ بيانات البروفايل الاول وتحطه بالجديد
ثم تمسح القديم وتنحل مشكلتك
بس انتبه يبي له حرص عشان ماتضيع بياناتك

ممدوح مساعد · #9 21/10/2006, 07:37 PM

يعطيك العافية

abdulmajeed_1 · #10 25/10/2006, 04:50 AM

أشكركم أخواني .. خصوصــا ً أبو سياف وطريقتك حلوهـ

أخوي : المرستك دائما ً .. !

منحرج منك مرهـ .. ماقصرت
الله يجزاك خير ويوفقك دنيا وآخرهـ

توني أشوف الرد .. بعد رسالتك الخـــــاصة
ماقصرت شرح وافي ورائع جدا ً .. والله أكتب الرد انا منحرج منك مره
كل عام وأنت بخير وعساك من عوادهـ .. تسلم لي

شكرا ً لكم جميعا