نادي الهلال السعودي - شبكة الزعيم - الموقع الرسمي - الهلالي محمد + قاهر الهلاليين =عازمكم على موضوع دسم

الفرق بين الهلال و بين النصر خارج المستطيل الاخضر ليس فرق واحد أو اثنين اذا اردتم المعرفه اليكم الآتي 000
منتدى شبكة الزعيم ادارته رجال اما شبكة العالمي يرأسها أطفال
السبب هو 00
ان شبكة الزعيم لا تسمح باعضائها بالخروج عن الخطوط الحمراء مثل سب وشتم ونميمه واي تجاوز يكون من احد الاعضاء قد يتسبب في انذاره ثم طره 0

اما شبكة العالمي حينما تدخلها لا تصدق انك في منتدى ربما يسأل احدكم كيف ترى اللعن والسب والشتم قولوا في من ؟؟ ولا ما يحتاج انا اقولكم في اللاعبين بعد اي خساره في الحكام وبدون اي مبرر وفي اختلاف الرأي شوف وش يسوون الاعضاء في بعضهم وممكن في اعضاء الشرف غير ان قبل يومين خرج احد الاعضاء وسمع اشاعه توقيع بدر للهلال ورفضه للتجديد للنصر وقام يلعن فيه وفي اهله والمشكله اننا في شهر كريم واللي زاد الطين بله اننا في العشر الاواخر

اعضاءشبكة الزعيم عقولهم كبار اعضاء شبكة العالمي عقولهم صغار

ادخل منتدى الرياضه السعوديه اللي في شبكة الزعيم اللي مخصص للانديه السعوديه ممكن تلقى كم موضوع فيه كلام عن النصر لكن ما سبب كتابتهم المواضيع هاذي ؟؟ سألت احد اعضاء شبكة الزعيم وقلت له وش فيه موضوعك كله كلام في النصر قال شكلك ما شفت اللي في شبكة العالمي من سب لسامي ويوسف والهلال فكرت بكلامه شوي قلت مادامنا مارين على طاري يوسف وسامي ابغى نصراوي يرد وش سبب الحقد هذا هل هو سببه اهداف يوسف العظيمه في سالم مروان او سببه سحبات يوسف بحسن حمران ومحيسن الجمعان خلوا السحبات على جنب طيب سامي وما ادراك ما سامي هداف المنتخب في المونديالات الاربع ولا على طاري المونديال نصراوي يقولي اي هداف جاب ثلاث اهداف ضربات جزاء والثالث ما كان فيه احد مراقبه هل هذا كلام انا توني ادري ان ضربات الجزاء ما تعتبر هدف شي مضحك هذا عند النصراويين اما هدفه قدام تونس قال غلط دفاع وماراقبه يعني صراحه كلام لا يحتاج له تعليق ولا راح اضيع موضوعي بكلامهم الفاضي اللي ما يودي ولا يجيب 00

أماأعضاء شبكة العالمي ياعيني :clapping: ياعيني :clapping: صفقوا لهم قبل ما ابدأ موضوعي الحقد واصل حده حاطين موضوع مثبت له 4 شهور هو بعنوان اعتراف محمد بن فيصل في بطولات الزيف من اخراج قاهر الهلاليين الكلام سمعته جيد في البدايه غير واضح ابدا وهذا المقطع كان بعد مباراة الهلال والاتحاد ان لم يخب ظني والاخو مدخل صوته اللي من زينه ويقول من انتاج قاهر الهلاليين ومعنى انتاج يعني انت اللي مصلحه ياقاهر والدليل اي واحد يركز ويسمع الصوت صوت محمد بن فيصل بالبدايه وفي الاخير للاسف صوت مقلد قاهر ابصفطه يمين 00 شوف اخواننا اللي في المنتدى اللي كل مواضيعهم هلال ولا من زين الاداره يحط لك موضوع نصراوي وتحته هلالي والله اصفق لكم عالديكور :clapping: 0 ولا احد الاعضاء يقول بان سامي جنسيته غير سعوديه طيب عطني دليل سامي والدته هي اللي ليست سعوديه 00 لكن ماجد هل هو حقا سعودي اصل وفصل ايضا اثبات 00

المدرجات الشات

الهلاليين يعدون العده لموسم جديد بالتجهز للمدرجات ويتأهبون للمواجهات القويه والناريه مع الفرق السعوديه وقد نلاحظ كثرت مواضيع عن المدرجات والمساندات شي طيب ان جماهير الهلال ينتظرون أسد المدرجات ورابطته الفعاله 00

اما اخواننا النصراويين تذمر من رئيس الرابطه وواحد طالع اسبوع يقول من هو رئيس رابطتنا ؟؟ معقول ما يعرف رئيس رابطتهم ؟ ؟والثاني يقول ماعندنا اهازيج زي الناس كلها سرقه من الانديه لكن للاسف اذا دخلت شبكة العالمي سيظهر لك 6 روابط في الاعلى انظر على الرابط الايسر روحوا شوفوه ورجعوا لي ولا مو لازم انا اقول رابط عن شات ؟؟؟ شوف يعني ان كل تفكيرهم هالشات دخلت الشات مالقيت احد ؟؟ دخلت بعد كم يوم لقيت فيه نصراويين كثير سالتهم وش السالفه يوم مليان يوم فاضي قالوا اذا ملينا من المنتدى جدينا نملأ لك الشات ؟؟ طلعت بعدها وخليتهم وقلت له
ناس تبغى تملأ المدرجات وناس همها كيف تملأ الشات
لاتعليق !!

الهلالي محمد وقاهر الهلاليين

الفرق بين مواضيع محمد وقاهر اشياء كثيره محمد يأتي بأدله ومصادر
اما خوينا قاهر اتحداك لو مره تجيب موضوع في اثبات او مصدر
محمد مواضيعه تكون صحيحه
قاهر جميع مواضيعه ما اروح اقول كذب لكن غير صحيحه والمساكين اللي عنده بالمنتدى يصدقون
محمد والكل يشهد له بان سمعته حسنه ولا يمكن لاحد ان يخدشها
قاهر للاسف يدعي الطيبه في مواضيعه اقرأوا مواضيعه وبتعرفون
واسف عالاطاله