نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   صيـد الإنترنــت (http://vb.alhilal.com/f92/)
-   -   قصة البنت ام ريال ((قصة حقيقية)) (http://vb.alhilal.com/t336378.html)

سامبو 15/10/2006 05:42 AM

قصة البنت ام ريال ((قصة حقيقية))
 
قصة البنت ام ريال ((قصه حقيقه))


أم ريـــال.... " قصة حقيقية " حصلت في المملكه العربيه السعوديه


تقدم سعود لخطبة ريم هي رفضت في البداية بحجة كل البنات انها بتكمل دراستها لكن امها وابوها اقنعوها في الأخير لان الولد اخلاق ومستقيم ووظيفة محترمة ومن عايلة كبيرة والكل يمدح فيه ويتمناه لبنته...
المهم جا وشافها وشافته واعجبو بعض... واخذ موعد من ابو ريم علشان يجي مع ابوه ويتفاهمون على باقي الامور الروتينية... جا الموعد المحدد وحضر سعود مع ابوه واثنين من اعمامه... ومعهم المهر...
قام وفتح علبة المهر واخذ منها ريال واحد فقط ورجع الباقي وقال حنا نشتري الرجال...!!!
عجز ال**** واهله يقنعون ابو ريم فاستسلموا واخذوا فلوسهم ومشوا... مرت الايام وريم ابوها عوضها المبلغ اللي رجعه وجهزت نفسها وجت ليلة العرس...
اول ما دخلت ريم على عريسها استقبلها وقال: (هلا يا ام ريال!!!) البنت طاح وجهها ساعتها بس عدتها... مو حلوة تسوي مشكلة من اول ليلة... ومن ذاك اليوم وسعود ما تعدي ريم من عنده الا يعايرها بالريال... بعدين تطور الموضوع وصار يقارنها بكل شي بريال... لين قال مرة: ( تشوفين علبة البيبسي هذي؟ تراها تسواك كلكم بريال خخخخخ!!!) وكمل ضحك وهي تغلي...
بس ريم كانت كتومة ما تحب تشكي لاحد حتى اقرب الناس لها امها... ومرت الايام وهو ما يناديها الا ام ريال او علبة البيبسي!... هو ما يقصد يهينها بس المزح الثقيل الله يفكنا من شره
المهم راحت لامها مرة وأمها كانت ملاحظة عليها إنها متضايقة من شي فحلَّـفتها تقولها وش فيها...

بعد محاولات كثيرة من الأم فضفضت لها ريم وهي تبكي وقالت لها الشي الوحيد اللي منكد عليها حياتها... وطلبت من أمها إنها ما تجيب سيرة لأبوها...

لكن الأم قالت: (لا يا بنيتي أبوك غلط ولازم يصلح غلطته وياما قلت له إن هذا يقلِّل من قدر بنتك ما يرفعه لان الناس الحين يقيسون بعض بالفلوس بس ما سمعني... خليه يشوف وش سوى...
أنتي يا بنتي لك كرامة وإحنا ما بعناك... تطمني وخلي الموضوع علي) وراحت طيران لزوجها وهي تغلي بتنفجر من القهر وحكت له السالفة...

أبو ريم انهبل من اللي سمعه وحلف ما تطلع ريم من بيتي إلا راد لها اعتبارها... جا سعود بياخذ زوجته عالعادة بس ريم ما طلعت طلع ابوها بدالها وسلم عليه وطلب منه ينادي أبوه وأعمامه يجون يتقهوون عنده...

وانه بعد المغرب حيكون في انتظارهم... الولد ما شك في شي راح ونفذ اللي قاله ابو ريم وجاب أبوه وأعمامه... استقبلهم أبو ريم وجلَّسهم في المجلس بدون ما يحسون بشي...

طلع أبو ريم من جيبه ريال ونادى ولده الصغير محمد وقال له: ( محمد أبوي رح للبقالة وجب لي علبة بيبسي...!) الرجال استغربو وضحكو فيما بينهم على تصرف أبو ريم أما سعود ما وصلته الرسالة لسه...
جاب محمد البيبسي وحطه على الطاولة...
شوي قام وطلع ريال ثاني نادى محمد وارسله يجيب له علبة بيبسي ثانية... سعود بدا يعوّره قلبه... كنه شم ريحة تلميح...
جا البيبسي وحطه أبو ريم جنب الأول...
وعمل نفس الشي مرة ثالثة وجاب بيبسي ثالث وحطه مع الباقين...

وقال: ( الحين الله يحييكم اقدر أقولكم ليه أنا مناديكم... أنا أخذت منكم مهر بنتي ريال واحد...

بس ولدكم ما قدر هالشي وقعد يعايرها بعلبة البيبسي... أنا الحين غيرت رأيي... أنا باخذ بنتي... وانتم خذو بدال ريالكم ثلاث علب بيبسي...!)

الرجال ما يدرون وين يودون وجيههم من كلام ابو ريم تفاجأوا وفشلهم سعود بعمايله بجد أما سعود الله اعلم بحالته شوي ويغمى عليه هو كان يتميلح وريم تبلع بس ما توقع إنها بتكبّر الموضوع...

أبو سعود قال: ( والله ما لي وجه أقول شي بس أتمنى انك تمسحها بوجهي أما سعود أنا بتفاهم معه... وبنتك على راسي... ترجع بيتها معززة مكرمة واضمن لك انه ما راح يعيد اللي سواه
رد عليه أبو ريم : ( كلامك علة عيني وراسي يابو سعود بس والله ما تطلع بنتي من بيتي الا بثلاث مية ألف ريال مهر زيها زي غيرها أنا يوم رفضت أول مرة اخذ الفلوس توقعت أنها بتكبر بعيونه لكن مع الأسف اكتشفت العكس)

طبعا الجماعة ما قدرو يقولون شي الا إن هالشي من حقك وحق بنتك... وجمعو المبلغ وقدموه للبنت وكذا ما عاد فيه شي يضايق ريم بس سعود ما عاد له عين يحطها بوجه أبوها.... .((للأمانة للأمانة منقوووووول ....اخوكم سامبوووو))

9ابراهيم9 15/10/2006 06:03 AM

مشكووور وقصه رائعه

الهلالي النايم 15/10/2006 06:05 AM

خخخخخخخخخخخخخخخخخخخخخخخخخخخخخخخخخخخخخخخ


خله توورط

قااعد يعاايرهاا بالرياال ... دفع 300 الف


مشكوور اخووي على النقل


بس انت ما حطيت فاايده للقصه !!

الذئـــ الأزرق ــــب 15/10/2006 06:06 AM

’’ ... ,, (( اذا أكرمت الكــريم ماكته وإذا أكرمت اللئيم تمرد )) ,, ... ’’

أهذا رد لشخـــص عاقل لما قدمه له والد مرته انه ماقبل المهر .. , .. علشان يعايرها !!

والله ما حبيــت أزوود كلام عن المثل لأنه كفـــى ووفى وهو ينطبق حقاً على زوج البنــت .. لكن موضوعك هو
اللي خلان أتكلم .. !!

سامبو 15/10/2006 06:44 AM

مشكورين على المرور الكريم..... وبالنسبة للفائدة للقصة( اخوي الهلالي النائم..خلك صاحي) اكيد واضحة وهي اننا نكون معتدلين في طلب المهور لا المغالات تنفع ولاحتى التساهل في المهر والضحية عموما في الزيادة والبخس هي البنية المسكينة الي راح تتعير في الطالعة والنازلة.. اذا كان المهر غالي فوق ال100 ألف مثلأ راح يقولها لواشتريت بقيمتك اسهم ازين من مقابل خشتك! وذا كان مهرها قليل راح يعايرها زي اخونا الي بالقصة بعلبة البيبيسي!! وتحياتي للجميع

التمياط 999 16/10/2006 06:49 AM

مشكور على القصة الرائعه
وصحيح يستاهل يوم يخلونه يدفع 300 الف
اجل يعايرها بالريال بدال مايحطها فوق راسه ويريحها بحياتها




اف لو اتزوج بريال بس كان تلقاني اقل شي ماسك المطبخ عن زوجتي
من قدها ام ريال ههههههههههه

باجيـg 16/10/2006 08:11 AM

مشكور


الوقت المعتمد في المنتدى بتوقيت جرينتش +3.
الوقت الان » 12:04 AM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd