الكنــــــاري الأزرق وباب الحــــــارة التقــليدي...!!!
 

http://upload.alhilal.com/img/004/M3...M-Y-R-0002.jpg

الكناري الأزرق..

.



***

السلام عليكم و رحمة الله و بركاتـه ..

بسم الله الرحمن الرحيم ..

[ مدخل عربجي ]

يـا هـلا و الله .. المهلي ما يولي .. اسفرت و انورت ..

قربوا خشومكم كل ابوكم ..

" بعد خمس دقايق "

العربجي :_ وراكم ساكتين ؟!

انتم بصوت واحد :d :_ ما تشوف خشومنا صارت زي كورة البسبوول من قوة ضربة خشمك اللي تقل ساطور :d ؟!

***

http://upload.alhilal.com/img/004/M3...M-Y-R-0001.jpg

" قضى المدخل الان ابي اتكلم جد :yes: " ..

اول شي ابي اقولكم وش لون تذكرت ان اليوميات علي ..

كنت قاعد اتصفح يوميات نــ 15 ــمر ,, و الكالعادة جيت ابي ادق سلف و ارجع ريوس لاني كالعادة مالي خلق ارد :D ..

لكن ما انتبهت الا سندريلا تقول غدًا اليوميات مع العضو المتألق الكناري الازرق << تراي ما خقيت عند كلمة المتألق :d ..

و مار اتذكـر ,,

و الحين ابي اقولكم يومي من الساعة 3 الفجر امس ,, لين الساعة 12 الان !

جت امي قالت لي قم ياله جاء السحور ,,

انا :_ الله يحيه وراه تأخر لا يكون صاير لـه حادث :d ؟!

امي عطتن ظهره و لا كأن رجال يكلمه http://www.alhilalclub.com/vb/images...s/ismile07.gif ..

جيت اثر السحور توه ما وصل مبنشر بالقدر يعني امي تتسذب علي تبين اقوم :cry: ..

و مار تجي " باب الحارة " و انا ما شفته عاد كيفت :bigrazz:

و تعرفون الحلقة جـاء السوسة الادعشري و خـلا ابو ساطرو يعصب و صارت المضاربة و ما قصر " ابو شهاب " مسح بوجيههم التراب :d ..

" بعد الحلقة قاموا اخواني الصغار يتهاوشون الاول يقول انا ابو شهاب و الثاني يقول انا ابو شهاب و مار يتضاربون و اجي افك فكهم قلت خلاص لا تهاوشون خـلاص كلكم موب ابو شهاب ,, انا ابو شهاب http://www.alhilalclub.com/vb/images/smilies/vora.gif " ..

لا امزح قلت لهم سنعود بعد الاعلان .. و يقعدون ينتظرون صوت سمبوسه تنقلي و لا دعاية فيمتو و ما جاء شي :d ..

و مار يرجعون يتهاوشون ,, ..

http://upload.alhilal.com/img/004/M3...M-Y-R-0001.jpg

الاول " نواف " يقول :_ انا ابو شهاب غصبن عنك http://www.alhilalclub.com/vb/images.../ismile019.gif << امسك اعصابك و بـلاش طلق رصاص اذا عندك كل هالطاقة رح للشيشان و لا بأي مكان و طلع ابووها موب عندنا :D ..

الثاني " محمد " :_ طيب خلاص انت ابو شهاب ,, اما انا المعلم عمر :d << يحليه هالولد يحب التراث كثير :d ..

نواف :_ لا لا لا خلاص انت ابو شهاب انا ابي المعلم عمر ..

محمد :_ لا يعني لا انا المعلم عمر :wallbash: << يعني بتقعد بدون عيال http://www.alhilalclub.com/vb/images...s/ismile06.gif ..

نواف :_ لا انا يعني انا ..

محمد :_ يا باطل ولاك اسحااااب :d .. << مرة الولد متأثر يقوله اسحب خنجرك :d ..

و يجيك محمد و ياخذ السيف اللي رقصنا بـه بعرس عمي يوم كنا صغار << قايلكم هالولد يحب التراث http://www.alhilalclub.com/vb/images/smilies/vora.gif ,, الله و العالم انه بيسكن عياله ببيت طين http://www.alhilalclub.com/vb/images/smilies/vora.gif ..

و يعطي نواف واحد و ياخذ واحـد ,,

و ما تسمع الا دووي السيوووف http://www.alhilalclub.com/vb/images/smilies/vora.gif << و الله بعد شكلهم شايفين معركة من مسلسل خالد بن الوليد :d ..

و يأتيك محمد و يسقط سيف نواف بالارض و يقول لـه استسلم و الا قتلتك << و لا مانع انهم شايفين لهم بعد مسلسل تاريخي :bigrazz: ..

و مار يجي ابوي و يكمخهم واحد واحد و انا اناظر و ياله ابلع ريقي لان ابوي اذا عصب حتى ولد الجيران يضربه http://www.alhilalclub.com/vb/images...s/ismile06.gif ..

المهم ..

جاء السحور و لقيناه كبسة يحبه قلبك من طبخ الوالدة الله يحفظها ,,



و نسمي و ما وقفنا الا الاذان :d ,, يقول خلاص خلاص مدري متى تبي تجوعون عشان تاخذون اجر الصوم :crybaby: ..

و مار نتذكر اننا ما شربنا لبن ,, و نروح و ندق على الصافي و نقول له ارسل لنا امدادات عشرين جركل لبن http://www.alhilalclub.com/vb/images/smilies/vora.gif ..

http://upload.alhilal.com/img/004/M3...M-Y-R-0001.jpg

و الحمد لله شربنا لين ارتوينا .. " خبر عاجل :_ امريكا سوت جمعية حفظ حقوق البقر بسبتنا :d ,, ما بقينا شي الا و شربناه بسم الله علينا :p ..

و رحنا صلينا و بعدين قعدت العب مع اخوي الدب نواف كورة بالبلاي ستيشن ..

و اصكه لكم 4 / 3 بهدف جـاء بالوقت الاضافي :naughty: << ذا حواجبه تقل ماسكه كهرب :d ..

و مار انـام و لين جت صلاة الظهر و تجي امي و تسكر المكيف و تقولي قم قم قم ,, لكن لا حياة لمن تنادي .. تكلم جدار :p ..

المهم بعد ما استيأست اقوم راحت لم التليفون تبي تدق على الدفاع المدني يجي يقضي الماء حقه على وجهي " الله يجزاهم خير بالمرة اتروش للعيد http://www.alhilalclub.com/vb/images/smilies/vora.gif " ..

لكن ما جوا الدفاع المدني ,, اللي جاء مندوب من مستشفى الصحة النفسية ..

يبي يشوفون امـي لا يكون جايه شي لانـه داقـه 999 و تقول تعالوا كبوا ماء على وجه وليدي :d ..

المهم قمت مدري وش لون و رحت توضيت و صليت الحمد لله ,, لكن فيه سؤال يراودني ..

انا كم ركعة صليت http://www.alhilalclub.com/vb/images...s/ismile05.gif ؟

http://upload.alhilal.com/img/004/M3...M-Y-R-0001.jpg

رجعت انام و هالمرة ردي الحظ اللي جاء يقومني لصلاة العصر ابوي ..

و هي عشرين صرخه و عشرين طقه على الباب و مار اقوم زي الالف من الخوف :d << تراي ما جبت طاري الفلوس اتكلم عن الالف ذاك اللي بالحروف العربية اللي زي كـذا يكتبه الاخ @@@نايف @@@ " آ " :d ..

و قمت و صليت و بعد ربع ساعة كالعادة فيه سؤال يراودني :p ..

هو انا صليت و لا لا http://www.alhilalclub.com/vb/images.../ismile020.gif ؟

و مار اقول يا شيخ فلها و ربك يحلها http://www.alhilalclub.com/vb/images.../ismile036.gif << ترى الدخان يفطر :d

و رحت قعدت اقرآ قرآن على اللوب توب ..

عن طريق هذا الموقع اللي احب اشكر القائمين عـليه لانـه للجهود اللي يقومون بها الله يجزاهم خير ..

و خذوا رابط الموقع للاستفادة ..

ارعص هوون بس شوي شوي على الماوس


و انا متأخر ثلاث اجزاء .. و كل يوم اقرآ جزئين عشان الحق ,,

عـاد اليوم اول ما انتهيت من الجزء الاول جت امي قالت شغلي الشيخ علي جابر ..

و حط لي اللوب توب بالصالة مع السماعات عشان اسمع ..

عاد سويت اللي تقوله على كــُـره لاني مالي خلق :d ..

و تركت اللوب توب بالصالة و مدري هي سمعته و لا لا :d ؟

" برب بأشرب فيمتو نشف ريقي :cry: " ..

بـاك ..

و الله مدري ذا فيمتو لا ماء مابه طعم لكن ياله مش حالك و قل الحمد لله http://www.alhilalclub.com/vb/images.../ismile036.gif ..

المهم رحت شغلت البلاي ستيشن و قعدت اباري الكمبيوتر و ماله داعي اقول النتيجة خلونا حبايب http://www.alhilalclub.com/vb/images.../ismile034.gif ..

نتيجة تفشل بس رغـم ذلك استانست طلعت عـدد جديد توهم ما اكتشفوه ابن امه مدرس الرياضيات اللي يقدر يقراه http://www.alhilalclub.com/vb/images/smilies/vora.gif ..

و اذن و رحت و افطرت و الحمد لله و عينت خير ,,

و كالعادة تبطحت قدام السفرة و منب قادر اشيل كرشتي << الله يخلف بس و الله مهنا كرش عص الله يخلف علي اتـذكر ابوي يوم كنا صغار كان يقولي انا و اخوي الدب ما شاء الله ,, يقول للدب انت يجيك سمك القرش و يقول يا سـلام و يكيف عليك :d ,, بعدين قاله اخوي طيب نايف " انا " وش يسوي به ؟! و مار يقول ابوي :_ نايف يخليه منقاش ابرك :d ..

http://upload.alhilal.com/img/004/M3...M-Y-R-0001.jpg





و كالعادة جاء المؤذن و اقام و انا اقول وش تبي انت منب فايق اقوم :cry: << استغفر بس .. استغفر الله :d ..

و دخلت المسجد و من كثر ما بطني مليان الحمد لله احس الامـام اذا قرآ سورة الاخلاص كأنك قرآ سورة البقرة :cry: ..

و ابشركم ترى الصلاة قضت :d ..

و رجعت و انا مقاطع طاش ما طاش حالها حال المنتجات الدنماركية http://www.alhilalclub.com/vb/images.../ismile036.gif << ايه و الدليل انك شاري سنكولا قبل يومين :p ..

يعني تركت الصالة و رحت على النت لين اقـام المؤذن لـصلاة العشاء و انا قايم و قاعد اكتب رد عشان باقي لي مشاركة و اصل 11,111 و على هالطاري ما قلتوا مبروك :d ..

و على فكرة ,, ترى سيفر الشبكة متنوم بمستشفى التخصصي بسبتي اللي يبي يزوره يتفضل :d

رحت صليت العشاء و مار تجي صلاة التراويح و سلمت مع الامـام تسليمة وحدة و طلعت لان الامـام شكله يختم القرآن يوميـًـا بصلاة التراويح :cry: ..

الله يهديه مرة يطول ,,

و بعدين ناظرت حلقة اليوم لباب الحارة و ابشركم انتهت بدون مهاوشات من اخواني الحبايب ..

و بعد الحلقة دخلت النت و هذاني اكتب اليوميات ..

ان شاء الله تكون اعجبتكم ..

و السلام عليكم و رحمة الله و بركاتـه ,,

http://upload.alhilal.com/img/004/M3...M-Y-R-0001.jpg

ــــــــــــــــــــــــــــــــــــــــــــــــــــــ
يوم رائع من عضـو متألق الله يجزاك خير يارب يالكناري الأزرق والله يخلي لك اخوانك يارب ويحفظهم ويجعلهم من حفظة كتابه..

وتتواصل يوميات اعضائنا وموعدنا وموعدكم غداً باءذن الله مع مشرفنا الصوت الهلالي

عدنا ...

أقول .. وش هاليووووم البايخ ؟؟!

يدل على أنك منت بمهم مثلي :p

تصدق لو أنك مرسل علي (كول مي) أمديني نقلتك ...
مدري وش أقولك .. حاسدك ع البساطة اللي أنت فيها ..

تصدق اليووووم أقصد بعد صلاة التراويح بس .. وش صار ؟؟!

أولا : زرت أحدهم يرقد بمستشفى الملك فهد العسكري بعد أنتهى وقت الزيارة .. لا وطالع بالمصعد حق الموظفين .. ماينفتح الا برقم سري..لكن لاصعب علي..

ثانيا .. ست اشارات اذا ماني بواهم ... وكلها على البحر .. مافيهن اللي قفلت فوجهي .. وجميع التقاطعات الثانية موقفة .. فقط لأني متعدي مع ذاك الشارع ..
ومعي ضيفي وضيف خادم الحرمين ...
الأمير رايحن مكة ... وأنا ملزق في ظهره لين وصلت المخرج اللي أبيه .. تخيل الموقف ... قدامك دوريات ووراك دوريات ...واشارات مفتوحة و لازحمة ولاهم ..

ثالثا ..أبشرك ..دقيت شايب الله اعلم أنه " عتيبي":d معه كامري .. بس بجد مايعرف يسوووق... موقف السيارة على مدخل المحطة ..مايدري أن فيه مطفق مهمين مثلي..:razz: الحمدلله عدت سليمه بغينا نقلبها مطاااااق...
شد نظره في .. وأنا قوي عين ... ماارضى بهالحركة ..شديت في عينه كمان .. <<<<موببسيط..



>>>>>> أمانه ماحطمتك <<<<<<

ع العموم ..يومك أحلى لافيه ..أخوك نواف ذا ومحمد ... ودي أشوفه ..
أما باب الحارة ... الله يرد لك .. عسى مايوووووم .. أشوفها قل أمين ..

بعدين الفيمتو ورا مابقيت لي ؟؟!

شيء أخر .. سواقكم وراه ازين منك .... 3 مرات ياخذ عمره وانت ..خرطي.

على فكرة شكل سواقكم يبي يحطم رقمي القياسي .. لكن معصي;)


قبل لا أذهب ... هو المحمول .. يسمون لاب توب .. والا لوب توب ... أخاف بكرة يصير سن توب .... ههههههههههههه

ختاما.. مدري ليه يانايف أحبك ... وأحس أني أمووووووووووووون ...

ماعليك فهذرتي ترى أهم شيء الأخلاق وعن الزعل عاااااد...:razz:


نسيت أقووووول... ألف ألف مبرووووك عدد مشاركاتك المميز...
وطير ياكنارينا وحلق .. عساني قد شفتك ب 50الف رد...



أخوك.. ومحبك ..
عــــــــــــــــــــــــبدالعزيز...;)

لي عــــوده بإذن الله .. :)

------------------------

بعــــــــد العـــــــــــــوده ..

الله يــرجك يالـغــــــالي .. :D

حبيت أقتبس بعض ( النقــاط ) .. لكن الموضوع كله مُثيــــر ..:yes:

وما بيكفيني الوقت للتعليق على كل نقــطه .. ( مــا شــاء الله ) .. ;)

يوم مليئ بالمشـــاكل .. حتى في النـــادي .. :D

شـُــكراً لكـتــابه يومكـ الرائع ( فعلاَ ) ..

وبإنتـظــار يوم ( مُشــرفنــا ) ..

8 8 8 8 8 8 8 8

اذا عندك نظارة للإيجار تكفين ..ارسليها على جوالي...

^^^^^^^^^

مافهمت ردك !! <=== لا يصير انت المعرفة وبتكتب باليوزر ذاك وكتبته بهذا .. !! <== الله يشفيك :D

ــــــــــــــــــــــــــــــــــــــــــــ

الكنــاري شفت رجفة ابو النار يوم جاء يطعنه ابو شهاب ؟ <=== دخل جو ..


الادعشري قرصة الـ ( حنش ) ياحول .. :(

ـــــــــــــــــــــــــــــــــــــــــــ

ناظر اللي بعده حدائق الشيطــان ومنظوور بيــه تراه حلوووه ...

ـــــــــــــــــــــــــــــــــــــــــــ


المهم :

يالتــسناري لو ما رديت عليك الا قبل الفجر كان شفت الرد بس اللحين صايم ولا ودي اقعد اهزئك ,,

ياخـــي كم مره راجعة قبل لاتــرسل ردك لسندريلا ؟!

ولا خطأ ؟

المهم زين فكيتن من التصحيــح ,,

(( http://www.alhilalclub.com/vb/images...s/ismile07.gif )) ,, <== ازعجتنــا به بالماسنجر وتحطه هنا !! :D

ــــــــــــــــــــــــــــــــــــــــــــــــــ

وترى اسمه لاب توب هذا الخطأ الوحيد ولكن مهب خطأ إملائي هذا خطأ لفظي أو ( سمعي ) :p

ــــــــــــــــــــــــــــــــــــــــــــــــ

يوميــاتك رائعة يالتـــسناري ,,

ــــــــــــــــــــــــــــــــــــــــ

« كَفَّارَةُ المَجْلِسِ »

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ :
« مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ،
أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

وننتظر مشرفنا غداً ..

السلام عليكم

شباااااااااااااااااااااااااااااااااااااااااااااااااااااااااب

تشـــــــــــــاو

فاهم المنتديات غلط يحسبها شات

تشـــــــــاو

لي عووده انت ويوميااتك الطوويله ذي