ياهلا والله بالطش والرش والبيض المرقش مـ ادري المفقش
ويـــــــــا مـــرحـــبــــــآ ألـــــف <==ترحيبة اهل الجنووب ما يحتاج اعلمكم
طفولتنا البريئه..مواقف طفوليه..
الـطـفـوله بـراءه,,
الـطـفــولــه راحـــه,,
الــطــفــولــه مــغـامـره,,
الطفوله وما ادراك مالطفوله,,
<<تنبيه>> انا ما احب اكتب بالفصحى ابدن ابدن<==ترا أنا شاطره في الاملا بالحيل لا يجي استاذنا حق الاملا ويقول عندك غلط املائي
ولا عمري كتبت بالفصحى وترا هالكلمتين اللي فووق بالموت طلعت مني فخلونا ع العامي احسن لي ولكم,,
كلنا عشنا حياة الطفوله,,وكلنا ننتمنى ان ايام الطفوله ترجع لنـــا
مع انه من المستحيل أن هالشي يصير,,
ليتني طفل آخر همومي لعبتي أبكي عشان العصير و الكيك يرجع ضحكتي و أناقز و أبكي فوق السرير و ماما تنشف دمعتي
كل واحد مننا كانت طفولته ..غير شكل..
فيه احد عاش طفوله بريـئه,,
وفيه من عاش طفولته بغباء,,
ومننا من عاشها بشقاوه ومغامره وتخطيط من تحت لتحت
{{وللمعلوميه هذي النوعيه منتشره وبكثره في مجتمعنا هذي الايام وحناعندنا منها حالتين الله يعيننا عليهم}}
خُلاصة هالكلام كله,,وكل اللي ابيه منكم ,,
كل واحد منكم يكتب لنا موقف حصل له في طفولته,,خلوونا نضحك شوي
ترا انا ما احب النذاله ابدن ابدن
فقط حبيت نحيي هذه
الذكرى الجميله,,
بفـصولها المبدعه,,
وأسـرارهـا الشـيقه,,
ومــواقـفـها الـبـريئـه,,
ومـغـامـراتـهـا المزعجه,,
oOoموقف من طفولتي الغبيه oOo
في يوم من الأيام كنا ببيت خالتي ننظف لهم البيت ونزينه لهم لأنهم كانوا مسافرين وصار لهم
فتره طويله مافيه احد دخل بيتهم..فقالت امي خلونا نروح ننظف بيتهم مسـاكين بيــرجعون
تعبانين من طول السفر<==تعرفون فزعات اهل الجنوب مايحتاج..كان عــمـري هذاك
الوقت تقريباً ست او سبع سنوات..
المهم نرجع لمحور حديثنا..كنت انا وأمي بالصاله وبعد ما خلصنا البيت كله ومـــا بقى إلا
نشيّك على بعض الأشياء ..قالت لي امي يـاعسيــريه روحي أشبكي التــلفون وشوفي فيه
حراره ولا لا,,
أكيد كلكم تعرفون وش معنى الحراره{اللي اذا جيتم ترفعون الســمـاعـه يطلع صوت طووط
طووط ..طووط }وش رايكم بالشرح خخخخخخ,,
المهم عاد انا من زود الذكاء الخارق اللي عنـدي على بـــالـي ان حرارة التـلـفون مثل حرارة
البزران اذا سخنوا{اذا مرضوا وصارت فيهم حراره}
وأجيكم واحط يدي على سماعة التلفون ابي اشوف فيه حراره..عاد انا ماحسـيت بـحراره
ولا شي قلت لأمي يايمه مافيه حراره..عاد امي شافتنــي ولا مـــا شـافتـنـي ماتت علي من
الظحك,,
أنا يوم شفت امي تظحك علي كذا على طول اروح لغرفه فاظيه واسـكـر علي البــاب واقــعد
أصيح وأصيح لما تنفخت عيوني وصارت كذا
وإلى يومكم هذا امي فضحتني عند الناس كل ماجاء احد قالت له هالسالفه والمشكله انها ماملت
منها ابدن ابدن<==أبلشتكم فيها صوووح..
يالله عاد عطونا موقف من مواقفكم اللي صارت لكم فــ أيام الطفوله حتى لوكانت مضحكه عادي ترا ><(كـــلــــنـا فــــي الــــهـــوا ســــــــوا)><
أنــتـــظــركــم,,
.:خارج الموضوع:.
همسه اهمسها في اذن كل شاب وشابه اغتنموا العشر الأواخر واجعلوا ختامها مسك في هذا الشهر الفضيل
واذا انتهى شهر الخير فصوموا الست من شوال <(من صام رمضان ثم اتبعه ست من شوال فكأنما صام الدهر كله)>
الطفــووولة لها عالمها ومحيطها الخاص حياة بسيطــة ماجملها من ايــام الا ياطفل لاتكبر.. كذا اجمل..
كذا اطهر..
كذا لا دين يتراكم..
كذا لا ضغط ولا سكر..
ترى اكبر كذبه عشناها..
(( يالله متى نكبر ))
احلم قد ماتقدر..
واذا خفت .. خبي احلامك بدفتر..
ترى الايام سراقه ..
والاحلام.. تتبخر
موقف جا في بالي والا المواقف كثيرتن مره بس مانيب اتذكر منها شي
موقف صار لي بثاني ابتدائي تقريباا بالعاده انا اذا رجعت البيت ارتب دروسي واحطها بشنطة ثانيه يعني الي علي بكره اطلعه من الشنطه والباقي اخليه والي علي بكرة احطها بشنطه جديده يعني فهمتوووو المهمـ رحت المدرسه اثاريني جايبه شنطه امس انهبلتـ وجلست اصيح ورحت للادراه اتصل على ابووي وجاب لي شنطتي عاد الي قهر صديقاتي ان بشنطتي الاولى جايبه علكـ ودهم يقولون خليه بس مستحين لاني اصيح
موقف اخر اختي وولد خالتي اكبر مني يمكن بثلاث سنوات قالو لي اتحداك تروحين البقاله لحالكـ وانا مسويه قووية وقلت تتحدون تيب برووح المهمـ كنت صغيره يمكن ماتجاوزت 10 سنين رحت مسرعه للبقاله واشتري لهمـ وراجع مسرعه الا بالطريق طاحت مني الكيس الي فيها الاغراض وتكسرت الببسيات (ببسي يعني ) وشافني راعي البقاله ورحمني ورجعني وبدل الي انكسر واعطاني جديد
بعد التذكر .. ما اذكر مواقف مضحكة لكن اذكر اني قلبت بدباب انا وأختي لفيت بدون ما أضغط فرامل ..وانا مسرع
المشــكلة كانت قلبة قووويه .. ,, المتضررين .. انا واختي اللي الحين بتتخرج من الثانوي ..
كانـــت صغيرة لا تتجاوز الـ 11 سنة ..
وجينا وحنا نصيح واهلي انواع التعليق ... والضحك آآآآخ يالقهر ..
وياما وياما تقلبت بالدباب بس اقوم ولا أحد يدري بس هاذي كانت (( شنيعة )) .. بعد على الشاطئ بجدة مدري الدمام .
المهم يوم نقلب كان (( حولنا بحر وطارت نعلتي بوسط البحر ))
خلااااص يكفي فضايح منب قايل مواقف ثانية ..
(( يا سلااااااااااااااااام بعد بكر بتجي بنت أخــتـــي ياحبيــلة .. تجنن .. <== زودته عاد .. )) ...
هلا فيك اختي عسيريه .
والطفوله ايام كانت حلوه وجميله وغريبه في نفس الوقت ..
تلقى فيها حب برى وابتسامه مشرقه وبكاء سيزعج ..وافكار احيانا تكون مضحكه ..
انا اعتقد ان اكثر مواقفي مواقف اشقياء يامخلي السياره تنزل مع النزله وانا برا ..
ومره اذكر اني طفيت الكهرب على الحاره كلها << وسويت نفسي طالع منها ..
والمواقف كثيره بس مايحضرني شي الحين .. لما اتذكر موقف قوي قلته ..
وتقبلي خالص شكري ..
دمتي بخير
عسيريه.. وينـــك يا بنت لك وحشة ما نشوفك بالماسنجر يا مغروووووووررره
عسيريه تذكرت موقف لأخوي الصغير الله يرحمه تجلت فيه أجمل صور البراءة...
مره كنت جالسه أنا وأمي بالصاله وجدتي تصلي بدارها اشوي وإلا عباااادي جاي يركض يقول:ابتسام أمي الجوهرة((جدتي)) جالسه بغرفتها تقول:استيف اوستن استيف اوستن((هذا مصااارع معروف)) المهم بعد التمحيص والتدقيق اكتشفنا إن جدتي كنت جالسه على سجادتها عقب الصلاة تقول استغفر الله استغفر الله
غير مره دق التليفون ورد عليه قالت أمي مين اللي اتصل يا عبادي قال: ما أدري بس الظاهر إنها الإتصالات يقولون بنقطع عنكم الكهرباء
ليتني طفل آخر همومي لعبتي أبكي عشان العصير و الكيك يرجع ضحكتي و أناقز و أبكي فوق السرير و ماما تنشف دمعتي
ليـتنـي من جـد
إقتباس
ومننا من عاشها بشقاوه ومغامره وتخطيط من تحت لتحت
{{وللمعلوميه هذي النوعيه منتشره وبكثره في مجتمعنا هذي الايام وحناعندنا منها حالتين الله يعيننا عليهم}}
همسه اهمسها في اذن كل شاب وشابه اغتنموا العشر الأواخر واجعلوا ختامها مسك في هذا الشهر الفضيل
واذا انتهى شهر الخير فصوموا الست من شوال <(من صام رمضان ثم اتبعه ست من شوال فكأنما صام الدهر كله)>
اللـه يجـزاك خيـر
وحـاب أضيـف .. ان هـ العشـر ماتتفـوت ويمكـن تكـون آخـر مـرة تعيشهـا بحيـاتك
فـ لا تجعـلهـا تمـر كـ غيـرهـا ..