بـعيـداً عن الكــورة .. كل عـام وأنتــم بـخيـــر - نادي الهلال السعودي - شبكة الزعيم

hilalemooot · #1 28/12/2006, 05:02 AM

اول شـي .. وقبـل الزحـمة .. كل عام وإنــتم بخيــر .. والله يعــيد هالعــيد .. وكل عــيد علــينا وعليـكم بالخــير و الصحــة و العــافية .

طبعا هالمــوضوع راح يكون بعيد تماماً عن الكورة ومشاكلها وهمومها .. يعني اللي يجي ماشي مليون ومطفي النور ويقولي فريقنا أحسن من فريقكم .. ولاعبنا اطلق من لاعبكم بيجية ايقاف ترى

.

من خلال هالموضوع نبي نشوف مواقفكم مع عيد الأضحى و ذكرياتكم .. مواقفك مع خروف العيد .. عمرك ذبحت خروف والا ما تقدر

.. موقف صار معك .. زي واحد من الشباب ][ الله يستر عليه

][ جاي في حدى الأعياد وكاشخ بالثوب الجيد وطاق الكوبرا وجاي يضحّي

.. وما فكر الا كل الدم جاين على ثوبة الجديد يا حبّة عيني :p

وبعد نبي نشوف برامجكم بالعيد .. برنامجك من تصحى الصبح وتتزهب لين ترقـد .. وهل انت من النوع اللي يفضّل السفر في الأعياد .. ويا حبذا لو كنت راعي سفريات تقول لنا وش أحسن مدينــة أو بلـد زرتـة في العيد .. ولية ؟؟ راعين مصــر و سـوريــا ينتبهون لا يجيبون العيد

.

الموضوع مفتوح لكم .. وترى الرسميّة ممنوعة .. واللي يكتبلي مشكور ويعطيك العافية ويمشي بينحذف ردة مالي دخل

.. بالعربي نبي الموضوع للفرفشة و الوناسـة وسعة الصــدر .. يعني لـ تغيير الجو شوي .. بما إن أغلب الدوريّات العالميّة متوقفة ..

فلوّها .. بس بشويش

.

بإنتظار تفاعلكم .. وكل عام وإنتم بخيــر ...

فـ مان الله ,.,.,