السلام عليكم يا زعماء
قبل كم يوم كنت في احد أحياء الرياض أزور أحد الأقارب فالتقيت هناك بنصراويين وأل ما شافونس سألوني عن ميولي فقلت اني نصراوي والعياذ بالله سبب قولتي لهم اني نصراوي لسببين السبب الاول ابغى اسمع سواليفهم السبب الثاني خفت اقولهم اني هلالي ويقومون علي الكثره تغلب الشجاعه سمعت كم اساءه لفريقي وما قدرت اتحمل وقلت لهم اني هلالي وبعدها قلت لهم خلونا نتكلم بعقلانيه بعيد عن التعصب والميول والحمد لله سمعوا كلامي وبدأو يتكلمون عن النصر والهلال وكنت اشاركهم بعد فقالي احدهم ان رئيسكم يطركم تحضرون فقلت له اذا طلب منكم الرئيس بالمسانده هذا يسمى طراره فسكت الثاني قال والله ثم والله لو عندنا مثل رئيسكم نملأ الملعب بدون ما يقول شي في هاذي ما قدرت أرد بشي لاننا مقصرين بعض الشئ في حق المدرج الزرق :sad: الثالث كان اعقلهم واعجبني كلامه قالي ياخي كل تفكير جمهورنا انه يطيحون بالهلال والله بنتدمر وجمهورنا يدورون لكم زله لكن انا قلت له ما توصل لهالدرجه يابوحميد قال الا توصل لهالدرجه ونص انا اعرف شخص كانت فيه مباراتين مهمه للهلال والنصر وكلها في واحد وتوقيت واحد تابع ربع ساعه من مباراة النصر وخلاها وتفرغ لمباراة الهلال عشان يدعي ان الله يهزم الهلال لكن فاز الهلال وسألته اي مباراة فقال لي والله ما اذكرها لانه من 3 سنوات هالقصه لكن الرابع كان مايفهم شي بالكوره ويقولي شفت سحبه فلان وفلان في الهلال فرديت عليه ببيت شعر قلت فيه (( ناس همها سحبات وناس همها كيف تحصل على البطولات )) ووريته بعض السحبات الل يبيها مثل سحبات يوسف بالحمراني وسحبة يوسف بالثنيان وفهد الشمري بطلال المشعل ما راح اعدد السحبات لكم لانه موضوع ما يتكلم عن مهارات يتكلم عن شي ثاني وشكرا لكم