عزوز الأزرق ويوميات حـــــــــــافلة بالكثير من المواقف..
عزوز الأزرق
بسم الله الرحمن الرحيم
الحمدلله والصلاة والسلام على رسول الله وبعد :
صباحكم عسل وسكر ... ومسائكم ورد مبخر ..
بادئ ذي بدء كما كان يقول استاذنا ةالذي لم ولن يمر على جامعة الامام مثله ...أحب أن اشكر مستشارتنا سندريلا لى مجهودها الرائع بارك الله فيها ..
المهم مالكم بالطويله .. والظاهر ان سالفتي اطول السوالف ... فخلونا نبدء و على باركة الله ...
عاجل وهام /:
صدر عن الديوان الملكي اليوم الأثنين الموافق 16_9 حكوميا " 17 _ 9 طلابيا" ماهو آآآآآآت..
قررنا نحن صاحب القوة والفوذ وقاهر الدهناء والنفوذ
وبناءاً على مارفعه مجلس الشورى تبعنا ... أن نكرمكم بمكرمة عزوزية تقتضي دمج يومين في يومياتي ..لذا العام .. فهنيئا لي ولكم .. انتهى ..
>>>>> كان هذا موجز النشرة واليكم الأخبار بالتفصيل <<<<
بدءيومنا كيووووووم الجميع الساعة 12 صباحا حينها كنت عادا من محاضرة المساء من عند السوري الله يوفقه لان يعطينا اعلى الدرجات ...
من 1 - 3 كنت اتجول في ربوووووع الأنترنت وشبكتكم المرموقة ...
الساعة الرابعة .. كعادتي اقوم بجولة في ربوع الحي تاخذ من 10 الى 15 دقيقة .. كنوع من تغيير الجو ..
بعد كذا تبدء رحلتي الماتعة ...
حيث اني الوحيد اللي صاحي بالبيت .. وبعد ماتنتهي الوالدة الله يحفظها من السحووووور ...
يبدء شغلي .... وتبدء الوناسة ... أقعد اطقطق على رؤس أخواني ... واصحيهم للسحور .. بطرق واساليب مختلفة ... استحالة تجد لها مثيل .. وكل يوم اسلوب وطريقة جديدة ....>>>>ممكن يكشف عنها في موضوع شهر شوال <<
المهم تسحرت ورحت للمسجد ..وبينما انا بالطرقات اجوووووب وامشي فاذا باحد الشباب ... يطلع لي من باب بيتهم ...عاد وشف عزوز ... يالله ..مستصبح بوجهي ..كيف تتقوعون يومه ...
المهم ..انا استقبلته بحركة حلووووة وراعة سويت له كذا
يعني تعال بالاحضان ..واشرت له على قلبي ..يعني وش ؟؟!
أنتم ممكن تقولون عادي ...وش فيه ..لكن مادرتم وش المصيبة ... أبوه خرج وراه على طوووووول ...
عزوز حينها وش سوى ؟؟!
طبعا على طوووول .. مسك الطارة ... ولف للأخير ... وحطها بالأول .. وافحط ..<<<تصرف ممتاز ؟؟!
صليت ورجعت واطقطق شوي في شبكتنا وافقرا الاخبار .. واليوميات .. ثمن الى النوووووم ...
طبيعتي ..اخلي التلفزيون على العفاسي .. واخفض الأنارة ..واطفيء الأنوار واسحب ... <<<اذا ماسوى كذا يجيه ارق...
نمت نوما سعيدا هنيئا تخلله حلم جميل ... ولله الحمد...
ماقطع صفوه الا جوالي ينبح .. واخوي يصحيني ..والوالدة تنادي كذلك ..غير خويي اللي يدق ع الجوال... وانا ههههههههه ....جلا ...ساحب عليهم وناااايم حتى كلمة ماني بقادر اقولها لهم ...امي تقول عندك دوام ... وانا مارد ..<<<<هي قالت لي بعد ماصحيت ع السالفة ...
المهم ماصحيت الا الظهر اصلي... وارجع بكمل الحلم ..لكن الوالدة الله يحفظها (قولوا امين ) قالت يله امش.....طبعا انا كنت مواعدها انا نروح الحرم ...
بالفعل رحنا أنا وهي واخوي الشرقاوي .. " شتغل بالشرقية" هناك احتجزنا بين صفوف المصلين الله يهديهم ... حتى فالممرات يصلون ... المهم بدينا طوااااااف بعد الصلاة ... وكنت انا القائد ..في المقدمة ..
المهم قاعد الف واناظر فالأرض.. خلصت الشوط الأول التفت ..الا ماحد فييييييييييه ..؟؟!
يؤؤؤؤؤؤؤه وين راحوا ....
لايطلع غبي يقولي من الناس ؟؟!
لا الماما .. وخيو ضيعتهم مدري هم اللي ضيعوني <<نعم القائد ..
صراحة أنا كنت اتمنى هالشيء...
المهم اخذت ورعي " الجوال" واحط فيه رقم الشوط ..واكمل طواف ..كل ماخلصت شوط ..اقفل اكتب رقمة الين خلصت ...
رحت وسعيت من الدور الثاني ... وهناك حصل شيء رهيب .. فضيع ...
فالشوط السابع ... وبينما انا مدردح راسي .. واقرا قراااااااان ... الا وذاك الحضن الدافئ ..يالله ..يالروعته ... ماني بواصف اكثر علشان مايشيلها المقص ..
توقعوا مين ؟؟!
ماما الل مضيعتني ؟؟! والا اخوي الشرقاوي ؟؟!
مالكم بالطويلة ..التفت الا وذيك اليد .. و الل ماسكني ملتفت بوجهه الى الجهة الأخرى .. حينها دار بخاطري..ماذا لو كان مايعرفني ومشبه علي....
ههههههه ... ياهو بينقلب وجهة خمس قلبات وبيتعدل ...
التفت فاذا به ولد عمتي اللي ماشفته منذ مبطئ..وفالاحضان ..وكمن بوسة ... ثمن اسلم على خوية اللي معه ..واهب له هو الأخر كم بوسه ..
مشينا شوي واخيرا سويت حركة وافترقنا ...
خلصت قبل المغرب ب 40 دقيقية ... طلعت السطوح واكمل قرائت القران ...بجوار مصارية وجزائريين ..
قريت الى الأذن والتمر والرطب والقهوه جت الى حدي الله يوفقهم يااااااااارب....
المهم خلصت قراءة واقلب الصفحة ..الا وفيها " طسم "
هههههههههه هذي السورة انا قاريها من زماااااان ..
يعني وشلون .. كل هالقوت كنت اعيد قرائتي هههههه..
وهكذا تاخر عزوز في ختمته ..
صليت المغرب..ونادني ياخوي ...والجوال يقرب البعيد .. وينزل المرتفع... وبالفعل انزل من السطوح ..ونحلق ...
مابقولكم ..وش صار مع المصرية الشحادة ... وكيف اخوي هزائها ... وقالها ... ترى اجيب لكم الشرطة ... فكونا خلاص.. مو عطينا وحده .. تجووون كلكم ...
المهم دخلنا محل ... ولما طلعنا لقينا هالمصريات متجمعات سوا .. ومعهم اللي عطيتها ... في تلك اللحظة ..
قلت في نفسي.. اثاريك ياخوي مانت بهين ...
>>>> كل اللي فوق ومايبي يقولكم <<
المهم رجعنا للرصيفة .. ومنها الى جدة ..بعد مامرينا بمطعم واكلنا مدري تعشينا ...
وصلنا البيت والناس تصلي التراويح .... تكيت بالبيت ...
وجاني الشاي واشرب واروق راسي .. وتبدء الوناسة ..
ماقولكم اني انسان ليلي...
المهم هدء الصداع .. بفضل الله ثم بمفعول شاي ام عبدالله -الله يحفظها -..
قعدت ادردش مع الوالدة بعد ماذلف اخوي ...
المهم قاعد امزح معها واخطط لها .. كيف تشبك السورية زوجت جارنا ... لكنها هي صمختني بكلمة ...
مابقولها لكم .. علشان ماتعلقون علي...
أنتم تدرون اني اليوم الصباح مادومت .. وضامن الدكتور بالجيب... لكن عندي محاضرة باليل .. كل يووووم ..
ومشتاق للجامعة .. >> قايلكم انسان ليلي<< المهم رحت غرفتي واخذ الكتاب حينها كان ولد خالي ( ثلاث سنوات الا تكة ) بالبيت عندنا ... وانا راجع من ماي رووم ... قاعد انشد ..انشودة سعد طلحة .. وينك يايمة ..عاد الورع ..الضعيف .. فطسني من الضحك .... لما سمعن انشد .. واقول وينك ييمه ... قالي امك هناك ويأشر باصبعه.. انا فاطس ضحك ... واقوله طيب.. واغادر الى ماي اونيفرسيتي .. هناك تاخرت على الدكتووور كعاجتي عند هالسوري.. على فكرة محاضرته كل يوم ويستلم على الوحده 400 ريال <<<<توه معلمنا..يقول انا ماقدر اغيب...
عاد جيته متاخر .. وقعد يضحك .. ويقولي كمن ... انا محرج من كرم سيادته .. لكن ماعليه سعودييين مانعطي وجه..
تكيت عنده .. وخلصت المحاضرة وارجع .. الى الماي هاوس...الساعة 12 ....طبعا بعد مالقيت ... حادث فالطريق.. ومريت وشريت عصير برتقال طازج ...
وبدء يوم جديد الأثنين 16 حكوميا 17 طلابيا ....
كعادتي تكتكت على النت ... الى الفجر ... اصلي وانااااام .. بعد ان نبهت على اخوي والوالدة ان ماعندي دواااااااام ... <<<< حتى اخوي الصغير بثالث ثانوي غاب ... ههههههههههه كيف ماني قدوة حسنة ؟؟!
المهم شفت حلم برضه حليو مو بطال...
>>> كأني ب الذئب الأزرق يقول .. كل يوم انت تتحلم ..واحنا يادوب بالسنة حسنة ...
شخصيا انصحه بانتظار موضوعي خلال شهر شوال .. "اكتشافات واختراعات عـزوز الأزرق"
مالكم بالطويلة ..نووووووم الى صلاة الظهر..اصلي واقرا شوي قران .. واتمدد شوي بالمسجد حيث لااحد الا انا واحدهم من شخصية اجنبية ... طلع الرجال وخلاني.... انا لحقته .. واروح اكمل الأشواط الاضافيه بالبيت على امل اني اصحى اصلي العصر.... لكن هيهات ....
ماصحني الا هدف خالي الذهبي... واللي جاء فالوقت بدل الضايع .. دق علي ... وينك ؟؟! صليت والا بعد ؟؟!
طبعا بعد .. منت بسامع صوتي ... ولا لبنانية ... متربية في نيجيريا ..
المهم ..حجز موعد عندي.. بعد 10 دقائق ..صليت اثناءة وقعدت اتصفح الجريدة شوي... جاني هو واللاب توب حقه ... يبيني اصلحه له... مباشر حق الأسهم ماعاد تجي عنده ...
صلحتها ... ولقيت برنامج الحماية تبعه يبي له تحديث..قلت له .. خله عندي وانا احدثه لك ... قال تم ...
اللاب توب موجود عندي.. وكتبت منه نصف اليوميات .. اثناء تحديث البرنامج ..
لكن النذل ..بعد ماانتهى من التحديث سوى اعادة تشغيل.. قبل لا ارسل الرد للسندس ..سندريلا ..:sad:
وهانا الان قابع اكتبه من كمبيوتري الشخصي....
محمل رسالتي هذه اعتذاري واسفي وشكري للسندس سندريلا ... بارك الله فيها ... وااااااااسف على التأخير...
لكن اتمنى ان تقبلي عذري..
فمثليك ادرى ان فارق التوقيت بين جدة والرياض يحكم صلاة العشاء والتراويح ... حاولت اكتب لك بعد التراويح لكن الوقت تداركني... والمحاضرة طلبتني.. وبرضه للمره المليون جيته متأخر .. بعد أن جعلت موتري بين السحاب والتراب على قول اوالدة ... ماشي به طبلونه .. وتجاوزات وعكس دورات ...
وكله يهوووووووووووووون... الا زعلك ياسندس....
تحياتي.. واتمنى انكم استمتعتم معي..في يومي ..
ختاما.. تذكروا ثلاث احداث مهمه في هذا اليوم ...
*-يوميات عــــــزوز الأزرق .
*-اكتمال ازدواج طريق جده جيزان السريع ..
*-تجربة نووية ناجحة في كوريا الشمالية تثير الرعب في امريكا..
والسلام خير ختااااااااااااااااااااااااام....
ـــــــــــــــــــــــــــــــــــــــــــــــ
عزوز الأزرق استمتعنا كثيير بيومياتك والله يحفظ لك الوالدة يارب وتتواصل أبداعات الاعضاء وغداً ان شاء الله مو عدكم مع العضو المتجددSoMe OnE 
كنت أعاني منه ولله الحمد تعالجت بمساعدة أمي -ربي يحفظها-
,, كانك تعنين 
الوضع العادي
