بداية مسلسل المصيبيح السنوي - نادي الهلال السعودي - شبكة الزعيم

ابو رغد 2001 · #1 09/10/2006, 03:23 AM

يا جماعة الخير إدارة النادي لازم تشوف حل لتصرفات المصيبيح مع لاعبي الهلال .

المصيبيح لاعب كبير وخدم الهلال وما فيه أحد يقول غير كذا ...
لكن بالنسبة للإدارة الكروية المصيبيح ماينفع .

يوم كان إداري في نادي الهلال نصف لعيبة المنتخب الحاليين كانوا جو قبل كذا
للنادي عشان يسجلون ومع ذلك كان المصيبيح يرفض تسجيلهم بحجج عقيمة .

والدليل على كذا ( رضا تكر ) لاعب الإتحاد , والغنام اللي شريناه ب 7 مليون وغيرهم وغيرهم ...

ولما عرفت الإدارة الهلالية بالمشكلة اللي وقعت فيها من وجوده في النادي قامت مشكوره
بالإستغناء عنه وهذا هو التصرف السليم المطلوب من زمان فعله .

ولما راح لإدارة المنتخب قام أخينا بالله بمحاربة لعيبة الهلال وإيقافهم من لاعب للاعب , والادلة
كثيرة وفي معسكرات مختلفة , والأيام هذي بعد طرد خالد عزيز من مسكر المنتخب والسبب على
كلامه إن الأعذار اللي أعطاها إياه خالد عزيز مو أعذار ( لاعب محترف ) .

زبدة الكلام إخواني إن إدارة الهلال لازم تحط حد للمصيبيح بمخاطبة الإتحاد السعودي ووضع حد
لهذا التعامل .

محب الجوهره · #2 09/10/2006, 03:29 AM

الاخ ابورغد ابسط ياعم انا اول وحد اعلق علي موضوعك ياعمي المصيبيح يربي لاعبين الهلال ويربونه لاعبين الانديه الاخر

White Blue · #3 09/10/2006, 03:30 AM

يارجال احسن الهلال محتاج عــزيــز ومو محتاج للمصيبيح ..

مع التحية · #4 09/10/2006, 03:37 AM

إقتباس

الرسالة الأصلية كتبت بواسطة 〜〇عــبــادي〇〜


	يارجال احسن الهلال محتاج عــزيــز ومو محتاج للمصيبيح ..

صقر الصقور · #5 09/10/2006, 03:44 AM

عزيز جاهل والمصيبيح احمق
فكيف يربي الجاهل احمق هذا هو الحال

Carlton · #6 09/10/2006, 03:48 AM

نعمه الي زعلوا على المصيبيح ....

يبي يلعبونه مع الهند ومدري وشو

المنتخب محتاجه اكثر

تحياتي لك ولطرحك اخي

ابوعبدالله

عابر القارات بالريوس · #7 09/10/2006, 03:51 AM

ياعمي الي يزعل يشوفله أقرب جدار ويضرب راسه فيه لمين
ينطحن الحب الي في راسه

مزاجي رايق · #8 09/10/2006, 04:03 AM

المشكله انه يسعى الآن لأيقافه حتى عن المشاركة مع الهلال !!!

متعب الوقت · #9 09/10/2006, 04:20 AM

ليش عزيز ماااريح مثل غيره والمباره مش مهمه يجربون غيره من الانديه الاخرى

الذئب الهلالي999 · #10 09/10/2006, 04:38 AM

الله يكتب الي فيه الخير

alzaeem only · #11 09/10/2006, 04:49 AM

المصيبيح وهل يخفى .......!!! اللهم أني صايم!!:sad:
هذا الاداري دكتاتوري حرم لاعبي الهلال من الأنضمام لفريقهم في المشاركات المصيريه في كأس آسيا للأنديه(أكيد تذكرون هذا الموقف منه))..

وسلب كل قوة الزعيم مره وحده((علشان مباراة وديه))

وبعدين نفس الظروف(ظروف الطيران,حسب ماسمعت))صادفت لاعبي الاتحاد وخاصة مبروك زايد ومحمد نور ولثلاثة أيام وعدت على الأداره الموقره مرور الكرام ..

وياخوفي ينزل في عزيز ايقاف عن المشاركات المحليه((لعيون البلوي))ولو حتى مباراة واحده((المباراة المقبله أمام الأتحاد))

لكن الله يعطي المصيبيح على قد نيته اللهم آآآآآآآآآآآآآآآآآمين;)

ومشكور أبو رغد على الموضوع

أحمد الغزي · #12 09/10/2006, 05:30 AM

الله يقلعه .. طول عمره نكبة للهلال .. من أيام الاشراف على الفئات السنية الين مسك ادارة المنتخب ,,
من جد مدري وش يبي ,,
خسارة شعبيته و حب الجماهير له اللي كسبه في سنوات لعبه مع الهلال يروح بسبب تعنته كإداري ..