ليييه يا ياسر يا قحطاني تحط من قدرك؟ ونحن نحبك ونقدرك - صفحة رقم 3 - نادي الهلال السعودي - شبكة الزعيم

حبيب روح الزعيم · #31 09/10/2006, 02:10 PM

انا ما شفت شي صراحة

اذا في امكان تحطون الصور اذا فيه

شاكر ومقدر لكم

عالي الشان · #32 09/10/2006, 02:20 PM

إقتباس


	خبر برنامج الحاقد جورج قرداحي لاستضافة حبيبنا المبدع ياسر القحطاني ووقوعه في الاستدراج وجعله في خندق واحد مع اراذل القوم خبر كالصاعقة وحبيبنا من علية القوم من قحطان ولد اصول وولد رجال وهو سيد الرجال

ياساتر استر ... الدعوه فيها خنادق واراذل القوم ومدري ايش

والله لو اني ما اعرف من سيربح المليون كان قلت انه برنامج إباحي !!

كل هذا عشانه بيشارك في برنامج
ثقافي محبوب وله جماهيرتيه !!

سبحان الله

عاشق بيرلو · #33 09/10/2006, 02:33 PM

وش السالفة

محب سامي · #34 09/10/2006, 02:47 PM

سامي سبق وأن شارك بالبرنامج

اما عن تصويره مع هشام .. ربما طلب منه هشام هل يرفض ذلـك ؟؟ !!

محبتي وتقديري للجميع ...

الكايد أحلى · #35 09/10/2006, 02:52 PM

أولا: أعتقد أن مثل هذه المواضيع لاتفيد الزعيم ولاتقدم ..ولاتأخر
بل تثير البلبلة بين الأعضاء فالكل يعتقد أنه على صواب .. وعندها تتغير لغة الحوار ويبدأ البعض بالتطاول ..حتى على الأبرياء !!

فلا تحاولوا التأثير وتشتيت ذهن ياسر فهو لم يرتكب جريمة أخلاقية ..يعاقب عليها الشرع!!
كل مافي الأمر المشاركة في برنامج مسابقات ..فمشاهدت ياسر في البرنامج أفضل من غيره !
لذلك لدى ياسر استحقاقات قادمة مهمة ..!
اتمنى التركيز عليها .

ثانيا : شبكة الزعيم لايوجد بها منتدى واحد نتردد عليه ونكتب فيه كل شيء
فيوجد أكثر من منتدى وكل حسب اختصاصه ..
فهذا المنتدى .. منتدى الجمهور الهلالي
يعني كل مايتعلق بالهلال
ويوجد منتدى آخر منتدى المجلس العام
كل مايتعلق بغير الرياضة
هناك تكتب مثل هذه المواضيع وهناك يمكن الحديث عن كل شيء في حدود !!
كما يقتضيه هذا المجلس .

ثالثا :ذُكرت في الردود أسماء لادخل لها في الموضوع (كهشام )
وخصوصية هذا المنتدى -كونه يتعلق بأمور الهلال -تجعلنا لانتحدث عن هذه الأسماء
ولكن لابد أن نتذكر أن من نتحدث عنه شخص مسلم ..وأن الغيبة مازالت محرمة ولم تباح شرعاً!!
إذا تذكرنا ذلك ارتقت لغة تحاورنا !!

I'm In The Dark · #36 09/10/2006, 03:06 PM

اقول لايكثر بس .. مامنعتوا سامي يوم من سيربح المليون ..

@ABDULAZIZ@ · #37 09/10/2006, 03:42 PM

ياخوان ياسر رجال ويفهم وش هو قاعد يزين

لحد يخاف عليه

هلالي مررره · #38 09/10/2006, 03:48 PM

إقتباس

الرسالة الأصلية كتبت بواسطة متعب الوقت


	<<<<<<<<<<<<<< وبعد ماااافهم شي

^
^
^
وأنا

شعــ الهلال ــلان · #39 09/10/2006, 03:59 PM

والله اني ما فمهمت شي الا ان ياسر بيشارك ببرنامج مع جورج قرداحي والللي اشووفه انه عاااادي انه يشارك

هلالي انتراوي للابد · #40 09/10/2006, 04:01 PM

يا خي ما فيها شيء اذا طلع
خل الرجال بحاله

Cazador · #41 09/10/2006, 04:02 PM

شباب أنا أشور ولا ألزم
انكم تفضونها سيره يكون احسن
من جد موضوع مدري وش يبي وخاصه وان الواحد يقراه وهو صايم

$السكب$ · #42 09/10/2006, 04:06 PM

إقتباس

الرسالة الأصلية كتبت بواسطة الغيم


	والله اقولها وبكل صراحه ماكان ودي ان يظهر ياسر في مثل هذه البرامج لانها برامج سخيفه جدا

يا نــــــــــــــــــــــــــــــــــــــــــــاس تراه برنامج مسابقات

من صدق احس اني في العصر الحجري

سور الهلال العظيم · #43 09/10/2006, 04:09 PM

ماتشوفون شر

الذيب9سامي · #44 09/10/2006, 04:10 PM

الله يشفيك بس ..

انا ما ادري وش العيب في انه يشارك في برنامج مع واحد مسيحي ..

ياخي كل اللاعبين يتعاملون مع ناس مسيحيين او غير مسلمين ..

مدرب الهلال والطبيب واناس كثار يشتغلون في الهلال وهم احد اسباب نجاح الهلال وهم غير مسلمين ..

ولا تبينا نجيب خالد القروني وطقته عشان تستانس ؟؟ ..

بس ما اقول الا :: الله يشفيك

قل امين

$السكب$ · #45 09/10/2006, 04:13 PM

إقتباس

الرسالة الأصلية كتبت بواسطة الســـ الهلالي ـــهم


	للأخوان اللي اقحموا اسم هشام انا ابي اعرف وش دخل الرجال في الموضوع هذا هو الموضوع وماتكلم الا عن جورج قرداحي انا ماادافع عن احد بس الحق حق ولا تغتابون احد سواء كان حاضر او غايب اخواني انا اقتبست هذي الردود علشان افهمكم بس ان الموضوع مافية اي شي يخص المذكور اللي ذكرتوة ياليت نفتح ونصحصح قبل لانكتب اي كلمة اقراء الموضوع وبعدين رد مو ترد على رد وانت ماقريت الموضوع الله يهديكم بس تهاوشتوا على شي مايستاهل اركدوا اركدوا وانا اخوكم ريلاكس

حبيب قلبي الي اعرفه ان جورج قرداحي وهشام بقدمون برنامج وياسر ضيف لهم