السلام عليكم

ياشباب أبي اسئلكم سؤال طموحي أدخل اعلام تنصحوني ولى لا

بعض الناس قالوا لي مالك مستقبل وظيفي أتمنى تردون علي

الله يعطيك العافيه ووين الشباب الباقين

بالنسبة لي أقوووووول لك:


توكل على الله وادخل إعلام أول تيرم... وإذا جبت معدل طيب حوّل تخصص ثاني...

وإذا ما جبت معدل.. أنصحك تخلي الجامعة وتروح تدور لك أقرب محل خضرة تبيع فيها

(هذا الكلام إذا أنت بتدخل الاعلام علشان نسبة الثانوية ضعيفة)


أما إذا كانت نسبتك حلوة لكن هذا طموحك فأقوووول:

الله يخلف على أهلك

أحد يدور هلاكه بيده؟!!

والله ما أنصحك... أولاً الوظائف محدودة ومنت بمتوظف إلا إذا معك واسطة,,,

وحتى لو توظفت... والله إن تلعن أبو الإعلام..

والدليل أن أكثر المشاهير يشتكون منها ومن المحسوبيات والشللية فيها..

ولعل لك في المرحوم بإذن الله قلم الهلال الأستاذ محمد الكثيري رحمه الله عبرة وعظة...

فهو في آخر أيامه اشتكى من تخلي الناس عنه في أزمته ولم يقف معه إلا القليل.. لأنه كان

نقياً ولم يقبل الشرهات كما قبلها غيره....


وأخيراً نصيحتي الأخيرة:

إذا خلاص ربي بلاك وصرت إعلامي... وخصوصاً صحفي!!!

أنصحك نصيحة محب: إذا أحد عرض عليك فلووس أو أي شي عليه القيمة... لا ترده ترى ما يرد

الكريم إلا اللئيم

أما إذا سويت فيها شريف ورفضت اعتبر أنك انتهيت,,,

وأخيراً مرة أخرى : خلك مع البلوي قلباً وقالباً

تحياتي لك: الــمــشــاغــب

اخوي ابد ما أنصحك أبد

انا شخص تخرجت ولله الحمد من قسم القانون .

اذا نسبتك ضعيفه ولا تدخلك الا إعلام توكل على الله وادخل

اما اذا نسبتك حلوه وتدخلك كلية العلوم الاداريه ادخلها

عندك قسمي المفضل (( قانون )) والمستقبل قدامك بس يبغى لك كرف في بداية حياتك الوظيفيه وراتب مقبول نوعا ما في بدايتك حياتك

الراتب في حدود 4600 الى 4500 ريال على حسب قوة المكتب الي تشتغل فيه .

وراح تكون تكرف في المكتب، وانت مبسوط لانك تشوف الخير قدامك والعروض تشوفها بعينك .

. ((( قسم القانون قسم صعب جدا ،، ويبيله دارسه قوية ،، اما اذا كنت موسع صدرك وتاخذها بالراحه مثلي
(( ست سنوات ونص )) فالله يعينك

هذا كل ما يخص القانون .

______________________________________________

ام قسم المحاسبه : قسم رائع ومطلوب في مجال العمل ، ولكن تحتاج الى لغة انجليزيه في المجال المهني عشان تسلك امورك في الشركات .

ويحاتج الى دراسه والى مدرسين خصوصيين في بعض المواد .

_______________________________________________-

اما القسم الأسهل هو قسم ادارة الاعمال ، قسم رائع دكاتره عسل ، مواد سهل ، يحتاج الى جهد بسيط

لديهم تخصص رائع ومطلوب وهو (( التسويق ))

_____________________________________________\

اي استفسار انا في خدمتك أخوي .

الله يعطيكم العافيه
ـــــــــــــــــــــــــــــــــــــــــــــــ
لاكن بالنسبه للمونتاج والإخراج هل هو مع الإعلام ولى لا

ياليت تعلموني وش اسوي

وهل الاعلام بس صحافه

والله انا سمعت ان الاعلام ما لها مستقبل

يالغــــالي ..

المُستقبل لا يعلمه إلا الله ..

أنت شوف التخصص اللي تحبه .. وشـايف نفسك فيه ..

وتـوكل على ربكـ ..

وكل شيء بيصير كما هو مُقـدر لك ..

كلمه أخيره .. صلي صلاه الإستخاره .. والله بيكون معـكـ ..

انا والله ما اعررف شي بهالاموور

السلام عليكم

ياشباب ابدرس بالخارج ومحتار وش ادخل ياليت تعطوني بعض التخصصات القويه عشان اختار منها وادرسها


رأيك يهمني

الله يسلمك

اممممممممممممممممممم

اولا الله يوفقك .. وين ماحليت وارتحلت ..

ثانيا ... مدري وش أقولك ... لكن يااخي انت ادرى بنفسك ...

مو مهم التخصص بقدر أهمية انك تبدع فيه ...

والأمثلة كثييييييييير...
ولعل منها الدكتور طارق السويدان .. تخرج هندسة بترول .. لكنه ماحبها ولا ابدع فيها ... وهاهو الأن يبدع في الادارة .. ويعتبر علم في هذا العلم ..

وهناك الكثييييييييييييييير...

كل ماسبق ... لتقتنع بنظرية ..

تخصصي ماأبدع فيه لا مايبدع فيه غيري...

<<<<< صاير مهم ويطلع نظريات ..

تحياتي ..
وعليك بتقوى الله فالسر والعلن ..