::ياليـــــت سامي يعتدل عن قرارهـ:: السلام عليكم ورحمة الله وبركاته.. قل للرياضة عقب سامي سلامي.. كان اعتزل ياكبرها من خسارة..& مافيه غيره يستحق احترامي.. ومافيه غيره قدوة بالشطارة..& مجده يزيد ودايم في تنامي.. وغيره يمجد كاس فوقه غباره..& حاز الجوايز كلها والوسامي.. نجم تعلى واعتدل في مساره..& قالوا نقارن قلت وصل الغمامي.. من يوصله سامي بعيد مداره..& بداخل الملعب مايقدر كلامي.. عن وصف ابداعه فنون ومهاره..& خصمه على عزه تلين العظامي.. وجمهور خصمه فاقع له مراره..& نجم الدفاع صار نجم هلامي.. وكم حارس خلاه حارس عماره..& هداف حاسم صانع بالتمامي.. الكاس جابه واعتلى بالصداره..& وخارج الملعب عظيم وعصامي.. اخلاق وعلم وذوق معها وقاره..& يشهد لك الفيفا كبير ياسامي.. خلدك اسطورة بجد و جدارة..& عين الحسود جعلها ما تنامي.. ومن كل حاقد قام يقدح شراره..& من لامني فيكم ياسامي يلامي.. ياكيف يحجب شمسها عن نهاره..& وختام قولي فيه وغاية مرامي.. ياليت سامي يعتدل عن قراره..& هذي القصيدة قلتها بعد تصريح سامي الأخير بالعربية والذي لم يستطع فيه اخفاء نيته عن اعتزال الكرة بعد رمضان واعذروني على القصور |
انشاء الله يستمر الذئب |
صح لسانك كلامات جميله ... نابعه من القلب والله قصيده ولا أحلى .... ماقصرت والله ماني قادر أتخيل الهلال بدون ساااامي على العموم تقبل تحياتي |
الله يكتب له اللي فيه الخير |
صح لسانك القصيده اكثرمن روعه الله يعطيك العافيه ليت سامي يعتدل عن قراره |
صح لسانك |
صح لسانك |
إقتباس:
نتمنى ذلك شكرا لك موبايلي 2000 |
صح لسانك صراحة من شدة ماهي حلوه اشك انه مو انت اللي قايلها |
صح ابدانكم جميعا ومشكور على المرور والأخ الزعيم موجود القصيدة لي انا واول تاريخ كتابتها في جوالي بتاريخ 13\9 |
الوقت المعتمد في المنتدى بتوقيت جرينتش +3.
الوقت الان » 02:28 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd