هلا وغلا بالسنـــع كــلة

بشـــري عسى الشغالة صارت شقردية;)

اجل عز الله العبس عـرّد بيدتس تمسكينه طول الوقت ايه والله انا اشهد ان حنا رحومين مانبي احد يتضرر لو على حسابنا

اما طنين الاذن هذا سالفته سالفه المفروض اذا اليمين جاها طنين يصير صدق مهب عدو اخبر كل شي زين باليمين


اما النجوم مسوية لنا رعب مانرفع روسنا ابد تقل محلوف علينا ... اذكر مره نسيت وعديت النجوم . .. يوم انتبهت ولاني يمكن عادتن 48 نجمة شوفوا الاخلاص في العد حاسبتهن صح

ومن رجعت للبيت وانا عند المرايه اترقب الثآليل متى تطلع

اما حكة الحنك ياسنعة تقل الجرس عندنا هالحين اذكر جدتي اذا حكها حنكها راحت تلبس تقول يبي يجينا ضيوف عاد حنا ما نصدق خبر بزران ودنا بأحد يجي نروح نجهز مالذ وطاب من الالعاب
هالحين لذ وطاب العاب اقول ياحبتس للاكل الله يصلحتس
ـــــــــــــــــــــــــــــــــــ
المعلومات اللي ذكرتيها ياهلالية سنعة هي فعلاً موجوده وواقع ان لم يعيشه الكل عاشه البعض

يعني هي مانقدر نقول عنها انها اشياء لازم تحصل للجميع واشياء مسّلم بها هي قناعات يقتنع الشخص بوجودها ان تكررت له فله الحق ان يصدقها ويعمل بها...!

ــــــــــــــــــــــــ
هلالية سنعة مواضيع قيمة وهادفه ومميزه ومختلفة باختلاف ذووق من يكتبها دمتِ رائعة يارائعة

,,,
,,
,




اختي الكريمه / هــلاليــه سـنعـه



هي لم تكن خرافات بـ المعنى الحقيقي .. ولم تكن حقيقة يوما ما .. ولكننا كنا نراها كذلكـ ,, لان هنالكـ اعتقاد داخلي بـ صدق مايُقال ,, ومايروى عن كبار السن ,, واحيانا تلعب الصدفه دورها في احداث ذلكـ ,, واحيانا تُعاكس الذي يذكرونه .. ومن ثمَ لا نملكـ الا الابتسامه لهم .. وتمرير ذلكـ على ان شيئا لم يحدث ..
اذكر حينها ان ( امي ) حفظها الله من كل مكروه كانت تخيفني في وقت الظهيره ومن الخروج فيها .. وكانت دائما تردد هذا التهديد الذي لن انساه ابدا .. ( ترا ان طلعت تجيكـ حمارة القايله ) كرمَ الله من تقع عيناه على احرفي هذه ,,
ولكن هل هناكـَ اساس لـ ( حمارة القايله ) في تاريخ البشريه
ومع ذلكـ كنا نصدق بذلكـ ونجلس كي لا يقوم بـ التهامنا هذا الكائن الغريب في مسماه وفي وقت خروجـه ,,
ايضا جرت هنالكـ عاده غريبه .. الا وهي حينما يصاب الانسان بـ ( الشهاق ) فـ ان الاتهام الاول والسؤال الذي يطرح هنا .. ( وش انت سارق ...؟!! )
بطبيعة الحال هي مجرد مساعدة له في ان يزول ذلكـ ,, وهو اسلوب التخويف ,, كي تزول عنه هذه الافه الازليه .. ولكن مع الوقت اصبحت عاده ,, حتى ان احدهم بات يقرن ذلكـ مع اخوته الصغار ,, ويصحح هذه النظريه بـ انها تميل لـ الصواب ,,

حقيقية هنالكـ الكثير من الامور التي امتزجت بداخلها الخرافة مع الحقيقه ,, ولكنه امر واحد بـ ان الله وهبنا عقول ندركـ فيها ,, ولربما هي التي تثير بداخلنا السرور ,, لان مثل ذلكـ يُعتز به ,,

اختي الكريمه / اشكركـِ على هذا الطرح الجميل ,, وهي بالفعل امور قد تغيب عن البال ,, لاننا اعتدنا عليها ,, وها انتي حينما خطها قلمكـِ اجدتي في ذلكـ ورسمتي مافي الخاطر بـ اسلوب رائع وجذاب ,, اهنئكـِ على هذه الاحرف ,, وهذا الاسلوب النقي ,, واقبلي حضوري واعتذاري على اطالتي ,,




****




كوني بخير
...SoMe OnE....

هلااالية سنعة ..
أولا ..شكرا على الموضوع الرائع و طرحك الأروع..
ثانيا ..هذي العادات أو الاعتقادات تعودنا عليها يمكن لمطابقتها الواقع من باب الصدفة لا أكثر و لا أقل .

و أنا شخصيا لا أؤمن بها و لكن أسمعها كثيراا...

دمتم بخير ياا زعمااااااااء.

إقتباس وبعد هذي الامثله .. تتوقعون هذي من خرافات واساطير الماضي ولا وجود لها ؟؟ ولا عادات حقيقيه لها اسباب علميه ..؟؟ او عباره عن تقليد وتخيّل لهذي الاشياء

أعتقد بإنهــا لا تمت للحقيقه بصـله ..

بل أكاد أجزم بإنها ( طيرّه ) .. وهو ما حذر منه الرسول صلى الله عليه وسلم ..

والله أعلم ..

شاكراُ لكِ طرح الموضوع ،،،

إقتباس الرسالة الأصلية كتبت بواسطة الكناري الأزرق الـسلام عليكم و رحمة الله و بركاتــــه ,, اجـل خـلاص منب قاعدن ادغدغ اخوي الصغير مع رجلينه .. << يسمع طنين الاذن ! مو معقولة يعني فيه واحد يحش فيني الحين ! لهدرجة انا مكروه :sad: .. اسمع هالطنين اربع و عشرين ساعة الا اوقات الصلاة ! << محظة بنزين هي .. *** طبعـًــا هذي خرافات و لا فيه واحد خبل يغاتبن ؟! ***

محظة كثر منها ,,
يغاتبك أجل ,,
ــــــــــــــــــــــــــــــــــــــــــــــــــــــــــــــ

والله ياكثر ما سمعنا بهالخرافات , , دايم يقولونه العجز ,,
موضوع زريف ولطيف وجميل ’’ سلمت يداكِ ..

والله مع إحترامي (لس)

هذي ميب خرافات

إلا

فقشات محترمة

قبل شوي حكني حنكي (9) مرات <<<< أنا كل شي في حياتي 9 ياحبيلك ياسامي


ولاجانا أحد

بس الوالد الله يحفظه جاء من الدوام حتى ماقعد بالبيت كثير على طول إنطلق للبر

الله يهديه يموت في شيئين في حياته البر والهلال

سلمي لي على جدتك

هلا بك اختي سنعة

بصراحة موضوع جديد وشيق بعد

الامور اللي ذكرتيها بعضها ( سمعت ) فيها وبعضها ماادري عنها ابد

مثل عد النجوم وطنين الاذن هذه قد قالتها لي الوالدة الله يحفظها اما غيرها بصراحة اول مرة اسمعها

لكن تبين الصدق خلاص من اليوم ورايح بحاول اكثر من حكة اليد واترك عني حكة الرجل

إقتباس وبعد هذي الامثله .. تتوقعون هذي من خرافات واساطير الماضي ولا وجود لها ؟؟ ولا عادات حقيقيه لها اسباب علميه ..؟؟ او عباره عن تقليد وتخيّل لهذي الاشياء ..؟؟

ماادري بس اعتقد انها امور سمعها ابائنا من ابائهم ( مثل مااحنا نسمعها منهم الحين ) يعني تنتقل عن طريق الوراثة

ومااعتقد ابدا انها صحيحة لان اساسا مافي سبب منطقي يبرر حدوثها

إقتباس بشـــري عسى الشغالة صارت شقردية

مشكورة هلالية سنعة على الموضوع الجميل والله يطول بعمر جدتك