مراحب لأعضاء الزعيم عامه.. واعضاء مجلسنا خاصه ..
عندي موضوع بسيط ابطرحه عليكم مثل ما انتم عارفين ان بيئتنا ومجتمعنا
فيه بعض العادات والتصرفات استنبطناها من مجتمعنا ومن تراثنا القديم
وفيه عادات تتصل بجسم الانسان .. شفنا وعايشنا اجدادانا واهالينا يطبقونها
من هذي العادات ......
.. حكة اليد ..
واللي تدل انه بيجيك فلووس بالقريب العاجل <<كأني اشووف كل واحد يقول ليت يدني تحكني
.. حكة الرجل وانتم بكرامه ..
تدل على ان الفلووس بتطير ..:sad: : :sad:
.. طنين الاذن ..
تدل على ان فيه احد يغتابك <<يعني يحش فيك
وكان فيه اشياء اهلنا يحذرونا منها مثل ..
لاتعدون النجووم بالسماء في الليل لانه بيطلع لكم ثواليل
هذي ياكانت مسوويه لي عقده يومني صغيره كنت اخاف من السماء منيب اشوفها
اذا نمنا بالسطح .. بس اقعد اراقب الجدران اخاف يمر بعرصي ولا شئ
وفيه شئ ثاني احس انها نصبه قوويه يومنا صغارينلعب علينا
جدتي الله يحفظها كانت تهاوشنالاشافتنا نجدع العبس في الزباله وانتم كرامه
تقوول ان العبسه تصيح انواع التفقيش .. عاد انحن مانصدق رحومين وهالعبسه مغير بيدينا
وياعبيسه لاتنكتين << على وزن يادهينه لاتنكتين
ومن العادات اللي انا عايشتها .. حكة الدقن او الحنك .. هذي وش تدل عليه ياترى ..؟؟
تدل على ان احد بيزوركم وبيسيّر عليكم .. بصراحه هذي رهييبه ..
تعلّمكم ان فيه زوار بيجوون وتجهّزون لهم ..
حنا كذا ندري عن زوّرانا ااذ مادقوو عن طريق جدتي الله يحفظها << يمديكم على هذي الطريقه
هذي مقتنعه انا منها لأني شفتها بأم عيني مرات عديده ...
اتووقع ان هذي الاشياء تكون غاليا عند كبار السن ويمكن تصير عند احفادهم وراثه
وياليت اللي عنده عـــــادات جديده يقولها لنا عشان نتثقف <<ترى مهوب قصدها شفاحه
وبعد هذي الامثله .. تتوقعون هذي من خرافات واساطير الماضي ولا وجود لها ؟؟
ولا عادات حقيقيه لها اسباب علميه ..؟؟ او عباره عن تقليد وتخيّل لهذي الاشياء ..؟؟
انا عن نفسي اعتبر بعضها حقيقيه ولها وجوود ...
وعلى فكره هذي مالها دخل بالمووضوع تخطيت حاجز الألف نقطه <<مالها علاقه بالاسهم بس اسمع فيها
محدن بارك لي ولا ش << مهيب تشرّه ابد
واسفه على الآطــاله ..
دمتــم بخيــر ..,,
اجل عز الله العبس عـرّد بيدتس تمسكينه طول الوقت ايه والله انا اشهد ان حنا رحومين مانبي احد يتضرر لو على حسابنا
اما طنين الاذن هذا سالفته سالفه المفروض اذا اليمين جاها طنين يصير صدق مهب عدو اخبر كل شي زين باليمين
اما النجوم مسوية لنا رعب مانرفع روسنا ابد تقل محلوف علينا ... اذكر مره نسيت وعديت النجوم . .. يوم انتبهت ولاني يمكن عادتن 48 نجمة شوفوا الاخلاص في العد حاسبتهن صح
ومن رجعت للبيت وانا عند المرايه اترقب الثآليل متى تطلع
اما حكة الحنك ياسنعة تقل الجرس عندنا هالحين اذكر جدتي اذا حكها حنكها راحت تلبس تقول يبي يجينا ضيوف عاد حنا ما نصدق خبر بزران ودنا بأحد يجي نروح نجهز مالذ وطاب من الالعاب
هالحين لذ وطاب العاب اقول ياحبتس للاكل الله يصلحتس
ـــــــــــــــــــــــــــــــــــ
المعلومات اللي ذكرتيها ياهلالية سنعة هي فعلاً موجوده وواقع ان لم يعيشه الكل عاشه البعض
يعني هي مانقدر نقول عنها انها اشياء لازم تحصل للجميع واشياء مسّلم بها هي قناعات يقتنع الشخص بوجودها ان تكررت له فله الحق ان يصدقها ويعمل بها...!
ــــــــــــــــــــــــ
هلالية سنعة مواضيع قيمة وهادفه ومميزه ومختلفة باختلاف ذووق من يكتبها دمتِ رائعة يارائعة
.. حكة الرجل وانتم بكرامه ..
تدل على ان الفلووس بتطير .. :
جعلي ما احكهاااا
..
إقتباس
طنين الاذن ..
تدل على ان فيه احد يغتابك <<يعني يحش فيك
هذي دايم اسمع بهااا كثيبر ,, بس مدري عن مصداقيتها
إقتباس
لاتعدون النجووم بالسماء في الليل لانه بيطلع لكم ثواليل
هذي بعد كنوا يحذرونا منها ,, بس انا من باب اللقافه قصدي الفضول
عديتها مره ولا جاني شي ,, وبكذا تصير خرافات
وفيه شي من عندي دايم اسمعها من جدتي ..
لما الطفل المولود وهو نايم يبتسم يبكي سوي بعدين يبتسم في وقت وجيز
يقولون ان في ثعلب جاه يقول امك ماتت ويبكي ,, لما يقول لا امك ماماتت يبتسم <<خر ابيط
إقتباس
وبعد هذي الامثله .. تتوقعون هذي من خرافات واساطير الماضي ولا وجود لها ؟؟
ولا عادات حقيقيه لها اسباب علميه ..؟؟ او عباره عن تقليد وتخيّل لهذي الاشياء ..؟؟
هي لم تكن خرافات بـ المعنى الحقيقي .. ولم تكن حقيقة يوما ما .. ولكننا كنا نراها كذلكـ ,, لان هنالكـ اعتقاد داخلي بـ صدق مايُقال ,, ومايروى عن كبار السن ,, واحيانا تلعب الصدفه دورها في احداث ذلكـ ,, واحيانا تُعاكس الذي يذكرونه .. ومن ثمَ لا نملكـ الا الابتسامه لهم .. وتمرير ذلكـ على ان شيئا لم يحدث .. اذكر حينها ان ( امي ) حفظها الله من كل مكروه كانت تخيفني في وقت الظهيره ومن الخروج فيها .. وكانت دائما تردد هذا التهديد الذي لن انساه ابدا .. ( ترا ان طلعت تجيكـ حمارة القايله ) كرمَ الله من تقع عيناه على احرفي هذه ,, ولكن هل هناكـَ اساس لـ ( حمارة القايله ) في تاريخ البشريه ومع ذلكـ كنا نصدق بذلكـ ونجلس كي لا يقوم بـ التهامنا هذا الكائن الغريب في مسماه وفي وقت خروجـه ,, ايضا جرت هنالكـ عاده غريبه .. الا وهي حينما يصاب الانسان بـ ( الشهاق ) فـ ان الاتهام الاول والسؤال الذي يطرح هنا .. ( وش انت سارق ...؟!! ) بطبيعة الحال هي مجرد مساعدة له في ان يزول ذلكـ ,, وهو اسلوب التخويف ,, كي تزول عنه هذه الافه الازليه .. ولكن مع الوقت اصبحت عاده ,, حتى ان احدهم بات يقرن ذلكـ مع اخوته الصغار ,, ويصحح هذه النظريه بـ انها تميل لـ الصواب ,,
حقيقية هنالكـ الكثير من الامور التي امتزجت بداخلها الخرافة مع الحقيقه ,, ولكنه امر واحد بـ ان الله وهبنا عقول ندركـ فيها ,, ولربما هي التي تثير بداخلنا السرور ,, لان مثل ذلكـ يُعتز به ,,
اختي الكريمه / اشكركـِ على هذا الطرح الجميل ,, وهي بالفعل امور قد تغيب عن البال ,, لاننا اعتدنا عليها ,, وها انتي حينما خطها قلمكـِ اجدتي في ذلكـ ورسمتي مافي الخاطر بـ اسلوب رائع وجذاب ,, اهنئكـِ على هذه الاحرف ,, وهذا الاسلوب النقي ,, واقبلي حضوري واعتذاري على اطالتي ,,
هلااالية سنعة ..
أولا ..شكرا على الموضوع الرائع و طرحك الأروع..
ثانيا ..هذي العادات أو الاعتقادات تعودنا عليها يمكن لمطابقتها الواقع من باب الصدفة لا أكثر و لا أقل .
جدتي الله يحفظها كانت تهاوشنالاشافتنا نجدع العبس في الزباله وانتم كرامه
تقوول ان العبسه تصيح انواع التفقيش .. عاد انحن مانصدق رحومين وهالعبسه مغير بيدينا
وياعبيسه لاتنكتين << على وزن يادهينه لاتنكتين
وشي العبسة ؟!
إقتباس
بعد هذي الامثله .. تتوقعون هذي من خرافات واساطير الماضي ولا وجود لها ؟؟
ولا عادات حقيقيه لها اسباب علميه ..؟؟ او عباره عن تقليد وتخيّل لهذي الاشياء ..؟؟
بعضها اكيد خرافات ,, ومنها ما يستخدم لتخويف الأطفال من بعض الأمور ,
البعض الآخر قد تكون فعلاً لها علاقة مثل زيارة الأقارب ,, فربما ليس حكة حنك جدتك هو السبب ولكنه توارد خواطر مع الزائرين , فربما جدتك تتمتع بإحساس قوي وعالي جداً ,,
وما اعرفه وأثبته العلم بأن بعض الأمور التي تصيب جسم الإنسان مثل الألم في الجهة اليسرى من جسده أو كثرة الحك مع عدم ثبوت مرض دعاه لفعل ذلك .. له علاقة بنفسية الشخص إتجاه الأفعال التي يقوم بها أو اتجاه الأشخاص الذين يتعامل معهم ,
هلالية سنعة .. أسم على مسمى .. سنعة في مواضيعك يا مبدعة
الامور اللي ذكرتيها بعضها ( سمعت ) فيها وبعضها ماادري عنها ابد
مثل عد النجوم وطنين الاذن هذه قد قالتها لي الوالدة الله يحفظها اما غيرها بصراحة اول مرة اسمعها
لكن تبين الصدق خلاص من اليوم ورايح بحاول اكثر من حكة اليد واترك عني حكة الرجل
إقتباس
وبعد هذي الامثله .. تتوقعون هذي من خرافات واساطير الماضي ولا وجود لها ؟؟
ولا عادات حقيقيه لها اسباب علميه ..؟؟ او عباره عن تقليد وتخيّل لهذي الاشياء ..؟؟
ماادري بس اعتقد انها امور سمعها ابائنا من ابائهم ( مثل مااحنا نسمعها منهم الحين ) يعني تنتقل عن طريق الوراثة
ومااعتقد ابدا انها صحيحة لان اساسا مافي سبب منطقي يبرر حدوثها
إقتباس
بشـــري عسى الشغالة صارت شقردية
مشكورة هلالية سنعة على الموضوع الجميل والله يطول بعمر جدتك