07/10/2006, 06:19 AM
|
| زعيــم مميــز | | تاريخ التسجيل: 01/05/2005 المكان: الرياض
مشاركات: 2,411
| |
مالايقل عن 50% من العسكر جهلاء ..
يجب ان يكون هناك رقابة على هؤلاء الحثاله .. يشتغل وكأنه قاعد يمن عليك .. وكأنه لا يدري ان الدولة تدفع له راتب عشان يكون خادم للناس يخدمهم ويؤمنهم بعد الله .. ولكنهم وصلوا الى مرحلة من الغرور وكأنه وزير الداخلية ..
تخليوا انا كنت داخل ملعب الملز مرة من المرات ومعي شال الهلال وعليه صورة محمد بن فيصل وصورة الشلهوب وكماتشو قال لي العسكري ماتدخل الشال ارميه هنا ولا تدخل فيه ممنوع !! .. سألته ليش؟؟ هذا قماش ((خرقه)) يعني ماراح ارمي احد فيها ولا فيها الا صورة الأمير محمد بن فيصل رئيس الهلال .. يعني ماهيب صورة بن لادن ولا صورة الزرقاوي .. قال لي والله لو كانت صورة الأمير نايف وزير الداخلية ماتدخل الشال يعني ماتدخل به..
قمت رميت الشال عليه وقلت الله يمليك بركته.
اقسم بالله الوضع اصبح خطير .. هالعسكري السلتوح النتفه اللي يلحس رجول الضباط صار يتسلط على المدنيين بحكم جهلهم بالإجراءات العسكرية وبحكم عدم معرفتهم بما لهم في قوانين العسكرية ..
ممنوع دخول الولاعات يعني لا تدخنون ؟؟
ممنوع دخول اي علم عليه صورة ؟؟
ممنوع دخول المشروبات ؟؟؟
ممنوع دخول اكياس الحب ((الفصفص)) ؟؟
ممنوع يكون على فنيلتك كتابات ؟؟
ممنوع تلبس سروال سنه ؟؟ (( مابقى الا هذي بعد ))
أشك ان نصف هذه البنود مقرره من قبل هؤلاء العسكر .. وانا واجهت هذه الأسباب .
انا وشلون تبغاني احضر في الملعب وهذي هي شروطهم؟ وشلون أدخن؟؟ وشلون اشرب اذا عطشت وانا اتابع المباراة ؟؟ انا جاي للرفاهية ماجيت عشان اتعذب واموت عطش واتعرض للإحراج من قبل هذولا السلاتيح ..
والله اني كرهت العسكر كلهم بسبب مااراه من استخدامات غير مشروعه للسلطه من قبل هذه الفئة.
متى نستمتع بالحضور للمباريات وهذه طريقتهم .. وكأن الواحد رايح للسجن برجليه .. لا تدخن !! لا تدخل بمشروب !! لا تاكل حب !! مابقى الا يقولون هدوء مانبي ازعاج .
أتمنى ان تؤخذ رسالتي هذي للأمير محمد بن فيصل ويعلم الله ان كل ماقلته فيها صحيح .. |