مساكم الله بالخير يا زعمااء


مبروووك الفوز على فريق الإتفاق في مباراة اتت متعتها في الشوط الثاني

وبعد أكثر من مباراة من بداية هذا الموسم حبيت أكتب هالموضوع عن مستوا الهلال ..
...

الهلال طلع من بطوله مع بداية هذا الموسم .. والسبب هو كما يقال عدم الجاهزيه وغياب النجووم

بدأت مباريات دوري خادم الحرمين الشريفين وللأسف خساره من الوحده !!!

وثلاث انتصارات لم يكن الهلال بالهلال بكل ما تعنيه هذه الكلمه ..

في مباراة الوحده كان الهلال متقدم بهدف .. وبعدها جا الطرد أخطأ المدرب خطأ لا يخطئه اي مدرب اخر

أخرج المهاجم الوحيد في المباراة .. كيف يلعب الفريق بدون مهاجم .؟؟؟


في الدفاع ... لا يوجد سوا تفاريس والخثران أحيانا ما يبدع واحيانا لا .. اما البقيه

فمستواهم جيد ولكن ليس مستواهم هو الهلال بل يستحق الهلال ماهو أفضل ...

واتمنى اني اشوف العنقري في المباراة القادمه وهو بجانب تفريس وقد يكون هو الصفقه الرابحه

...

الوسط فيه بطء كبير في بناء الهجمه .. المحور يمسك الكوره ويرجع ورا يدور الدفع . ليش ما نحاول نهجم ؟

التمياط ليس التمياط في العامين الماضيين ولا أعرف ماهذا البطء والسكينه التي نزلت عليه..

هل كبر السن أثر على نواف ؟؟؟ ام غير مكتمل اللياقه البدنيه ؟؟؟

نواف يبقى هو من أفضل من انجبته الكره الهلاليه في وسط الملعب ... لكن ليس هذا نواف الذي نعرفه بالسرعه

ودقة التمرير وقوة التسديد .. نواف يحتاج لبعض اللياقه ولا نستغني عن نواف ...

رودريقو بصراحه أبدع بأول مباراة مع الهلال وبعدها مستواه سيء جداً..

أتوقع لو يلعب نواف والشلهوب والتايب يكون أفضل من وجود رودريقو

الهجوم.. مادري كيف راح يفكر الهلال ببطوله والمهاجم الجمعان ؟؟؟

بكل احترام وبكل تقدير لهذا اللاعب الجمعان مستواه سيء جدا جدا جدا ...

الهلال يلعب بمهاجم وحيد وهو الجمعان والجمعان حاليا لا يعرف كيف يتمركز في خط الهجوم

ولاعب بطيء غير جماعي .. أفضل شي سواه عبدالله الجمعان في السنتين الماضيتين

هو هدف من كره ثابته وفي حفل اعتزال الثنيان ...

رونالدو أفضل مهاجم بالعالم عندما قل مستواه وزاد وزنه استغنى عنه البرازيل

واصبح احتياط في الريال... لماذان لا نفعل كما فعل الريال مع افضل مهاجم ..

ليش ما يلعب الصويلح والخراشي ونعطيهم ثقه بالفريق ومن ثم نحصد ثمارهم؟؟؟

المنتخب استدعى الصويلح مع القحطاني وفي الهلال الجمعان اساسي والصويلح والخراشي احتياط

كلنا نتفق على ان القحطاني هو أفضل مهاجم في الهلال واعتقد الكثير يتفق على ان الجمعان

لا يصلح خليفه له في حال غيابه..

نقدر كل من يلبس شعار الهلال من كل النجوم وكلنا نقف معهم يد واحده وكلنا نريد ان يظهر الهلال بالقوه

المطلوبه مهما كانت عناصر الفريق

دونقا مدرب البرازيل قال إن البرازيل هو النجم وليس الاعبين بأسمائهم

وانا أقدر ما قاله هذا المدرب

واتوقع المغزا واضح واتمنى اننا نشجع الهلال بأسمه أولا ومن ثم بأسم من يخدمه

ونقدر كل من يخدم الهلال وعلى العين والراس

واخيراً . . .

مامن صواب فمن الله وحده وإن من خطأ فمن نفسي والشيطان . . .