#1  
قديم 05/10/2006, 10:32 PM
زعيــم متواصــل
تاريخ التسجيل: 22/11/2004
المكان: AL-KHOBAR
مشاركات: 99
طراطيــــــــــــــش

بسم الله الرحمن الرحيم
بدايه ابارك للجميع حصد ثلاث نقاط امام الاتفاق وامتلاك الصداره وان شاء الله دوووووم تستمر هالصداره...
ودي اتفلسف واسوي فاهم واقعد احلل المباره مثلي مثل اي هلالي غيووور.. ولكن !!
والله ياجماعه الخير قمه القهر انه تمر مباره لفريقك ولا يمديك تشوفها ...
قولوا امين ان الله يفكنا من شر التشفير ... انا عايش على الله وعلى الرياضيه السعوديه ( الفضائيه ) فقط...
تخيلوا ماتابعت مباره الاتفاق ولا مباره الحزم والله يستر من الجاي.... ماشفت حتى المبدع طارق التايب يلعب لين الحين !!!
الله لا يحرمنا بس من شبكه الزعيم وتغطيتها الرائعه جدااا...

( رودريجو ) ... اسم اشوف انه مضايق كثير من الجماهير واشوف مطالبات كثيره بالآستغناء عنه...
منيب مسوي عاقل واقول اصبروا عليه وتذكروا بدايات كماتشوا وتفاريس... بس تبون الصدق!! والله هذا الكلام السليم ... والله اني متأكد مليون في الميه ان اميرنا الظاهره ماراح يقصرفي خدمه الزعيم.. ولو شاف ان الفائده معدومه من هالاعب مابتلقون الاعب يطق كوره عندنا...
مشكلتنا كجماهير اننا مانبي نصبر .. نبي لاعب مبدع من اول لمسه .. وهذا حقنا كجماهير لآفضل فريق اسيوي..
انا تابعت رودريجو في كم مباره والشهاده لله الاعب لمساته حلوه.. لياقته عاليه.. فاولات... رفعات... يعني مهوب سيئ لدرجه اننا نطالب بألغاء عقده ..
فقط الصبر.. الصبر ولن تندمون بأذن الله...

ياسر.. وماادراك ماياسر .. وربي ماالوم عشق الجماهير لك... لاعب يجبرك انك تصفق له ..
الى ماقبل عوده ياسر كنا بين الجمعان والصويلح ... جاء طويل العمر وقال استريحواااااا ...
شخصيا انا مستغرب من مستوى الجمعان والصويلح وخاصه الصويلح !! يعني الجمعان منذ مبطي ومستواه مدحدر... اما الصويلح اللي كان لاعب الحسم في الهلال استغرب هبوط مستواه بهالشكل!!! خوفي ان مسأله عدم احترافه مأثره عليه!!
اتمنى انهم يراجعون حسابتهم ويرجعون مثل ماعرفناهم واحسن...

العميد محمد الدعيع ... عيني عليه بارده ... اسد حراس اسيا ومهوب نصف الفريق!! الا كل الفريق... مستويات راقيه كما عودنا ابو عبد العزيز وان شاء الله دوووم...

ختاما... هلالكم في ايدي امينه ... فقط شجعوا واستمتعوا واتركوا الاداره تعمل...

ودمتم سالمين...

اضافة رد مع اقتباس
  #2  
قديم 05/10/2006, 10:50 PM
زعيــم فعــال
تاريخ التسجيل: 12/04/2006
مشاركات: 462
صحيح كلامك سليم اخوي بس انا مستغرب من كرههم لدريقو اعتقد في مبارة الاتفاق الفاول كان كافي والركنيات برضو ويعني في مبارة الحزم بدع صاراحه الجمعان اخوي انتهى اعتقد الجسم مايساعد ولا الياقه ولا شي يعني بس يشوت بقوه وغير دقه والصويلح نزل مستواه لكن مهب مثل الجمعان. الجمعان مره نزل مستواه ومحمد الدعيع مبدع ونواف التمياط الذهبي مبدع ايضا وياسر فنااااان ومشكور
اضافة رد مع اقتباس
  #3  
قديم 06/10/2006, 01:17 AM
زعيــم مميــز
تاريخ التسجيل: 03/04/2006
المكان: @ روح الزعيم @
مشاركات: 5,682
نصبر ونشوف
وعسى كلامك صح ياااارب

>> يعني انه متضايق من ردريجو <<
اضافة رد مع اقتباس
  #4  
قديم 06/10/2006, 01:37 AM
زعيــم متواصــل
تاريخ التسجيل: 07/08/2002
المكان: جدة
مشاركات: 190
رودريقو لاعب جيد ولكن ليس بالمستوى المطلوب لانه الفريق فيه لاعبين يقدروا يلعبوا مكانه وافضل منه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:38 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube