مرحبا 1000 بكل من دخل


الحقيقه انا من طبعي في قراءة المواضيع أحب آخذ الخلاصه منها وأترك القشور والحشو الي فيها


فعشان كذا بخش باالموضوع على طول وبكون بعيد عن الحشو والمقدمات



_قبل يومين أنا وقريب لي دخلنا أحد المطاعم المشهوره المعروف بأسم (بيت الكباب)


مباشره دخلنا وقعدنا على الطاوله وجاء أحد العاملين با المطعم من أجل أخذ الطلب



طلبنا ورق عنب وصحن مشويات وحمص وحاجه مثل كذا أول الطلبات اللي وصلتنا



هو ورق العنب سمينا وأكلنا وبعد خمس دقايق جا ب المشويات ومع المشروبات الغازيه


طبعا جاب المشروب من غير كاسات وطلبنا كاسات وجاب لنا كاسات بلاستيك!!



وقلت له معقول ما عندكم كاسات قزاز؟ قال هذا الي عندنا والأخ مبين عليه نفسه بخشمه



لكن ليست هنا المشكله ما اعجبنا الوضع حنا وقلنا نتحمل هالمره وبدينا با الأكل



وبعد ما أكلت الصيخ الأول وإذا بحشره من الحجم الكبير تمشي بجنب الخبز



طبعا أنا هنا ما قدرت أكمل وقلت لصاحبي خل عينك عليها وانتبه تطيح من الطاوله



ونقزت أنا مباشرة وأمسك المحاسب بيده واسحبه وأقوله تعال شوف بعينك


أول ما مسكته طبعا تفاجئ من مسكتي له وقال خير أأمرني؟ قلت لا ما عليك تعال بسرعه بس



ولما شافها قلت له شفت بأم عينك ما لك عذر عطني فلوسي ولا وفضحتكم قدام الي قاعدين ياكلون با المطعم


وبصوت عالي والحقيقه أنا وقتها كانت قافله معي ولا خليت مجال لنقاش الموضوع


وبعد أخذ وعطاء بين العاملين با المطعم عطاني فلوسي وقلت تفرج على موقع الزعيم بكرى


(قسم المنتدى العام) وطلعت والمسكين قام يلاحقني لسيارة وحنا طالعين ومعاه الحشره



ويقولي هذي طيره مو حشره عاد مدري وش هي طيره با اللهجه الشاميه ما لقيت له وجه


واستمر يمشي وراي وهو يكلمني وركبت السيارة وقام يطق القزازه يبغى يقنعني


وومشيت وهو يكلم الهواء............



هذا ما حصل معنا با الضبط لكن الشرهه مو عليه الشرهه على البلديه ولا هذا مجرد عامل




فمن باب دعم المطاعم النظيفة......وتشجيعا لها.....رشح المطعم اللي تراه نظيف في منطقتك.... من باب الدعاية لها....وهي دعاية مستحقة......ومن أجل محاربة بقية المطاعم القذرة....