#1  
قديم 02/10/2006, 05:35 AM
زعيــم مميــز
تاريخ التسجيل: 21/04/2006
المكان: الرياااااض
مشاركات: 11,623
عاداتنا وتعصبنا ؟؟؟؟؟؟؟؟؟؟؟؟؟ هي الكارثه .........

بسم الله الرحمن الرحيم
السلام عليكم ورحمه الله وبركاته
جمهور الزعيم العزيز راح اطرق بهذا الموضوع عن شخصين وهما :
1/ المدرب بيسيريو
2/ الاعب عبدالعزيز الهليل
جمهور الزعيم راح اتكلم معكم بالعقل والمنطق واترك التعصب وراح ابدء <بالمدرب >
تعودنا حنا ان نحكم علي المدربين من مجرد مباراه او خمس مباريات وهذا غلط . خلونا نشوف مدرب مانشستريونايتد كم له سنه مع النادي وكم له من سنه ما حقق بطولات ومع ذالك مازال موجود وغيره من الفرق الثانيه الي مازال مدربينهم باقين مع انديتهم ولهم سنين...... راح تقولون اديموس شف وش سوى بالهلال بقولكم ان اديموس فيه فرق بينه وبين بيسيريو والفرق واضح اديموس من جاء للهلال وهو محارب النجوم ومافي احد من لاعبينا ما اذاه لاكن بيسيريو عكسه انسان يوم جاء ماحارب او تعنصر لاي لاعب بالعكس شخص قرب من الاعبين واحتك فيهم وعرف نفسيت وتفكير كل لاعب ...وترا هذه ميزه جدا مهمه,,,,,,,,,,ولا فرق بين نجم ولا لاعب صغير ..... لاكن حنا مستعجلين نبي كل شي بسرعه وهذا غير صحيح ,,,,
اخواني المدرب مظلوم وانا قلتها في موضوع سابق طرحته في المنتدى انه متي اكتمل لاعبين الهلال في معسكرات النادي..... كان وقت حظورالمدرب للهلال نص لاعبينا مع المنتخب وبعضهم اصابات ولاحظ معي اذا اصيب لاعب هلالي من المنتخب رجعوه للنادي يتعالج واخذو لاعب هلالي مكانه ,, وغيره وغيره وغيره............................
ولا ننسي الضغوط الي يواجها المدرب من الاعلام ومن الجمهور كل هاذي الامور تنعكس على عطائه .......فاصبرو ولا تستعجلون بالحكم عليه ,,,,,,,,,,,




ومشكلتنا الثانيه مع الهليل :
جمهورنا العزيز كلنا شفنا ابداع الهليل في مباراه الحزم وكلنا وقفنا وحيناه ما سألتو انفسكم وش سبب ابداعه انا بقولكم وش قصت ابداعه لانه كان يلعب بخانته الاساسيه ....لاكن يوم كان يلعب محور كنا مقومين الدنيا ومافيها ..الهليل يوم كان محور كان افضل الموجود وهذا اختيار المدرب بس يوم رجع لخانته شفنا وشلون ابداعه ومع ذالك قمنا عليه وضايقناه اوقات المباريات ولا فكرتو ان هاشي هذا يؤثر في معنوياته وعطائه وقت المباراه ,,,,,,مافكرتو انه عقب كل الكلام الي قلناه عليه انه راح يبدع بالعكس راح يفقد الثقه في نفسه وبدل مايركز علي المباراه راح يشيل هم الجمهور ويخبص .........الهليل لاعب كبير ومع مرور الوقت راح تكتشفون ان كلامي صحيح ,,,, فالمطلوب مننا كاجمهور ان ندعم المدرب والهليل وصدقوني راح تكون النتيجه ايجابيه علي النادي والله الموفق



والسلام عليكم
اخوكم ابو تج 60
اضافة رد مع اقتباس
  #2  
قديم 02/10/2006, 07:53 AM
زعيــم متواصــل
تاريخ التسجيل: 13/04/2006
المكان: Milan
مشاركات: 180
يعطيك العافيه أخوي

أنا أوافقك الرأي ميه بالميه

لأن المدرب بيسيرو مدرب كبير والكل قال هالكلام وأكبر

دليل كلام اللاعبين حين يقولون أن المدرب مدرب

ممتاز بس يبي وقت ....

مشكلتنا في أستعجال النتائج يعني مدرب ماكمل 5 أشهر

ويبون مستوى الهلال المعروف مع انه يلعب بلاعبين معظمهم

شباب وماعندهم خبرة .....

وبالنسبة للهليل أرى أنه أفضل الموجود على الأقل حاليا

في مركز قلب الدفاع ...

وفي النهايه أشكرك أخوي وأقول كثر الله من هالعقليات

الواعيه في هالمنتدى الرائد ...
اضافة رد مع اقتباس
  #3  
قديم 02/10/2006, 09:30 AM
الصورة الرمزية الخاصة بـ الرايق الازرق
زعيــم مميــز
تاريخ التسجيل: 25/02/2005
المكان: تدري وش اكبر خطاي الله يسامحني )()()( إقفايتي عنك وانت اللي تمـنيته
مشاركات: 12,526
انا اوافقك الراي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:14 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube