ماذا تريدون من الجمعان والصويلح
 

السلام عليكم شهر مبارك على الجميع



يا اخوان ايش تتوقعو من الجمعان وهو يلعب مهاجم بلحاله دون اي مساندة وغير كذا بالتحديد امام الحزم كان هو بلحاله مع خمس مدافعين ثابتين بالله ايش بيسوي والله لو تحول زيدان ما راح يسوي شي .

ونفس الشي الصويلح يوم انه نزل كان بلحاله .................

ما ادري ما اعتقد انه خطه 5-4-1 مفيدة في ظل الاسماء الموجودة يمكن لما يرجع سامي والقحطاني تفيد

وما ابي اطول عليكم بس اركدو شوي على نجوم الهلال في النهاية ياما فرحونا بكثير مواقف

ياعزيزي نتمنى منهم اي شي يفرحنا فيهم

مو معقول الجمعان يلعب في الهجوم وكل ماطالت عليه الكوره تركها والا تسبب في فاول

مهاجم ويتسبب في فاولات ؟؟؟؟؟

والصويلح يركض على الاطراف طيب وين المرمى ؟؟

ياسر لعب لوحده والعنبر لعب لوحده والجمعان في فترات سابقه لعب لوحده

وليش مافي دعم

الشلهوب وقوارو والتايب والتمياط كلهم وصلوا كور لهم بس ياعزيزي مافي لاعب يثبت على مستواه

لابد نعترف ان مستواهم في انخفاض

ومافيها شي لو اللاعب يبذل مجهود ويثبت انه فعل المستحيل للتسجيل

لكن الجمعان لما اشوف طريقة لعبه احس انه ماله خلق يلعب ابدا مادري اذا كان سبب

وين الجمعان اللي كان يقاتل ويحتك بقوة لكسب الكرة

وين الجمعان اللي في كل كورة هوائية تلقاه مشارك ؟؟

وين الجمعان اللي يشوت ووجه لمرمانا ويسجل هدف يمتعنا فيه

اتوقع لابد من مراجعة حساباتهم

مثلهم مثل ماقلنا لنواف وقلنا لتفاريس وقلنا للعنبر وقلنا لكل لاعب هلالي

لأن البقاء للأفضل

ولاننا نحتاج رجوع مستواهم مثلما كان وافضل لأن الفترة القادمة ماراح يكون عندنا هجوم غير سامي والجمعان

مين اللي بيشيل عبئ الهجوم ؟؟؟

ما ادري ما اعتقد انه خطه 5-4-1 مفيدة في ظل الاسماء الموجودة يمكن لما يرجع سامي والقحطاني تفيد
صدقت اخي العزيز وانا ماادري وش قصت المدربين مع الهلال من باكيتاالى اخر مدرب
البرتقالي الذي يحوس والله يستر ياشباب من القادم

مشكورين على الردود والله يوفق الجميع

والله خطة 5-4-1 انسب خطة



لان عندنا فائض بلاعبين الوسط

تبي الصراحه وبدون زعل الجمعان والصويلح والعنبر ليس في طموحات الزعيم ونحتاج الى محترف اجنبي بدل رودريقو:confused: :confused: :confused: :confused:

معروف ان خطه 4-5-1 لاتخدم المهاجم وتعتمد على الهجوم من لاعبي الوسط ومرتبطه بدخول لاعبي الوسط للمناطق الاماميه وألا ستصبح الخطه عقيمه عديمه الفائده