نادي الهلال السعودي - شبكة الزعيم - الموقع الرسمي

هذي اغنية البداية !!
علّي علّي بطل فليد **** هيّا طر ياقرندايزر
بعزم علّي قمم أرسل **** أهتف في الميدان
كافح شراً أقتل مكراً **** في عزم وسداء
أمنع طمعاً اردع جشعاً **** فالخطر كبير
هذي أرض قرندايزر كوكب صغير .............. الخ

على فكره ترى الكلمات ماخذها من أخوي الصغير
<=================== عاش مصرف والحاضرين

على العموم ندخل في القصة
بينما دايسكي مروق مع حبيبة قلبة هيكارو

http://jal911.8m.com/images/minigold-03.jpg
الا يوم قلب القمر أحمر ( عاد هذي معروفه مايحتاج اشرحها )

عاد دايسكي قال : لاحول وش هاليله الي ماهي معديه على خير
هيكارو : وشفيك ياحبيبي ......

<=========== يعلن أم الميانة ودي يطب القزم دامبي عليهم

دايسكي : يابنت الحلال وسعي صدرك أنا حظي نحس كلما جلست انا وياك خرب علي قندال الله يرجه
هيكارو : طيب يعني بتروح صح ...
دايسكي : ايه ابروح أجل اقابل خشتس وبلاكي وقاندال مخططين يسرقون مني القرندايزر وانا اتفرج على شان خشتس
هيكارو : ( وهي تخنقها العبره ) طيب اوريك والله لاقول لابوي دامبي
دايسكي بعد مارسمت على وجهه علامات التعجب والاستفهام : اقول انقلعي انتي وابوتس ذا .... والله مايجيبهم هنا الا هالراديو الي معه على باله يكلمهم
شوي ويجي اتصال من الدكتور أمون ومير يوم دقت ساعة دايسكي
http://www.vex.net/~guru/goldorak/hero2.jpg
الدكتور أمون : أقول يالحبيب وينك فيه أخلص علي ؟

http://jal911.8m.com/images/grendizer_fleed.jpg
دايسكي : داري والله داري وحش فيقا فيقا طلع صح ...
الدكتور أمون : ودامك داري ورى ماتشوف شغلك لاجيب العصا الحين
دايسكي : خلاص لاتقعد تصجنا اصبر علي شوي ابرقم هيكارو واجي الحين
الدكتور أمون : وين الحن وين أنت خل الترقيم بعدين اخلص علي تعال بسرعه تراهم على الرادار الحين
دايسكي : طيب وين كوجي ورى مايطلع أو دايم أنا ... مافيه غيري
الدكتور أمون : دق على كوجي الحين وتعالوا لمي بسرعه تسمع الكلام ولا لاء
دايسكي : طيب
اتصل دايسكي على كوجي بساعته طبعا ..... بعد كذا :
دايسكي : وينك فيه ياكوجي ؟
http://jal911.8m.com/images/mazinger_kouji.jpg

كوجي : متصل علي انت ووجهك تقول لي وينك فيه ؟ وش تبي ...
دايسكي : أقول ترى المكالمات غاليه وذبحتني الفواتير كلها ارقامك انت وهيكارو .....

<================= اخخخخخخخخخخخ حتى عندهم المكالمات غاليه

كوجي : أنا مع قورو قاعدين نلعب أول طش .... ليه في شيء دايسكي
دايسكي : ياحبك والله لهالبزور تلعب معهم
كوجي : أجل مثلك هذا لك سنة وانت ودك ترقم هيكارو
دايسكي : المهم بس ترى قاندال وبلاكي وفيقا الكبير بيجون الليله
كوجي : حياهم الله ..... اجل اروح اجيب الذبايح
دايسكي : مهبول انت ... هذولي هم أعدائنا ياغبي
كوجي : أووووووه نسيت الله يرجك .... طيب تكفى شغل سبايزر خلها تحتمي الين اجي لمك
دايسكي : طيب يالله لاتتأخر علي يالله يمديني اروح اتحول لدوكفليد ثم أحمي قرندايزر وسبايزر لك
كوجي : طيب
بعد كذا راح دايسكي وتحول لدوكفليد
http://web.mit.edu/sseligma/www/images/grand11s.jpg
وهي الي تقزه هيكارو وكانت تجهل واحد اسمه دوكفليد

بس هالمره ثبتت الصوره في عينها
http://goforitsite.supereva.it/ANIME...ake_en_jap.jpg
ثم قالت هين يالسربوت تخبي علي هاه انا اوريك وقامت وقطعت الرقم

<============ خخخخخخخخ عصبية البنية

المهم طلع دوكفليد بقرندايزر مع مخرج سبعه ( يازينه هالمخرج ) وكان حاط صورة هيكارو على الطبلون على شان ماينساها.... وطلع كوجي مع مخرجه الوحيد ( مسكين مزلبينه )
وكلموا الدكتور أمون قالوا هاه وش أسم الوحش هالمرة
رد عليهم وقال : هالمره يقول أن اسمه جن جن وترى معه وحش ثاني أسمه قوروقورو أنتبهوا عاد لاوصيكم ارجعوا لنا سالمين
قال دوكفليد : طيب وش الخطة
قال الدكتور أمون : بلا خطة بلا خرابيط كل واحد منكم يستلم وحش ولايهمونكم مينفو تراهم زلايب
كوجي : على خير انشاء الله
المهم راحوا في ساحة القتال ونزل قرندايزر من طيارته الي فيها الصحن الدوار
http://goforitsite.supereva.it/ANIME...ake_op_jap.jpg

ثم قال : ياجن جن وراك تنفخ هاااااااااااه
جن جن : أقول وش رايك بمطاقه بيننا
ضحك قرندايزر من قلبه وقال : ياجنط أجل وشوله مخلي هيكارو وجاي لمك الا على شان افقع وجهك
جن جن : تخسى والله مابعد جابته أمه الي يفقع وجهي
يوم قاموا يتشالخون وبعدها أطلق قرندايزر الصحن الدوار ومادرى الا يوم جت زبيرية في وجه جن جن
ثم قال : وجع وش جاب الزبيريه حقت دامبي
قال كوجي : أيه امس قاعد يلعب فوق القرندايزر وكسر الصحن مادرى وخاف منك وحط بداله زبيريته وتعرف عاد هي أغلى مايملك
ثم ضحك قرندايزر وقال ميخالف عندي سلاح ثاني
ويوم أطلق رعد الفضاء بس ماش مأاثر في جن جن لانه كان مصنوع من معدن مطاوع ( لاحد يسئلني وش معنى مطاوع )
المهم قال قرندايزر مالي الا ابقسه مع وجه ....... ومع أول بقس أنفجر جن جن والفضل يرجع لزبيرية دامبي الي دوخت جن جن
وماقصر كوجي على طول انهى قورو قورو لانه كان زلابه لانه كان جاي يتفرج ولا معه أي سلاح ههههههههههههههههه
وبعد كذا عاد رجعوا لم بيتهم منتصرين وأنقهر منهم فيقا الكبير وقال هين ميخالف وعدكم بكره:D