اليوم تغديت كالعادة ولاكن ثقلت الغداء شوي(( مثلوثة )) وبعدها كاس( لبن خلفاة) الين دخت (( عادي مواطن سعودي )) ،،،، المهم حطيت راسي ونمت شوي وبدت الحلوم تدهـر ........... واسمع الباب يطق قلت مين

قال أنا هاجس فتحت الباب ودخل قال وشفيك منت ناوي تروح للمباراة اليوم

قلت أي مباراة

قال هاجس ما دريت اليوم مباراة الهلال والنصر في الدوري النسائي الجديد

قلت وشو وش تقول انت صاحي

قال هاجس إيه خلاص الحين صارة عندنا كرة قدم للسيدات ،،،

قلت وش تقول أنت؟؟

قال هاجس امش تعال للملعب مابقى شي على المباراة

قلت يالله ونركب الشبح حق هاجس ونروح طيران للملعب مع وصولنا للملعب والا هذا باص لاعـباة الهلال توه واصل وأنا اجيك طاير للباص نسيت أنها مباراة (( حريم )) وما دريت إلا والهيئة جاريني بتلابـيـبـي (( القلاب حق الثوب )) قلت أسف نسيت قال خلاص جزاك الله خير . المهم وننطلق للمدرجات ونجلس ننتظر دخول اللاعبين قصدي اللاعبات و الا بدت تتعالى اصوات الجمهور (( هلال هلال هو هو هلال هلال هوهو ...... )):p :p

قال هاجس شف شف دخلو اللاعبات وأناظر والا هالعبايات الصفر والزرق يدخلن الملعب قلت وش هذا

قال هاجس إيه هذا القانون شارطين على اللاعبات ما يلعبون الا بالعبايات المهم تقدمت كابتن الهلال وحدة لابس عباية زرقا وكابتن النصر وحدة لابس اصفر وتطلع الحكم علبة مكياج عشان القرعة وترميها على الأرض إذا انكبت القرعة من صالح الهلال وإذا ماانكبت القرعة من صالح النصر المهم وتطلع القرة من صالح الهلال ويختارون الملعب ويسنترن الكرة وتبدأ المباراة ونتحمس أنا وهاجس فاتحين اثامينا
المهم وفجاءة وحدة لابسة عباية عليها رقم (( 15 )) من الهلال لابسة كعب ياطولة طولاه ههههههه وتنطلق والعباة تهفهف وراها وتعدي من الأول والثاني وتذب ذيك الكورة لذيك المندفعة ورقم (( 7 )) وتشوتها قذيفة في زاوية الباب وتطير عليها الحارس (( ام جدايل )) وتمسكها لاكن يااااااااااااااااااااااه تدخل معها في الباب ههههههههههههههه يلهوي هداااااااااااف وتصير النتيجة 1/0 لفريق الهلال و تسنتر الكرة وتنطلق ام عزيز (( بياعة الفـصفــص )) من نادي النصر وتناول (( رفحة التكرونية )) رقم (( 9 )) لاكن تزلق عليها ام محمد رقم (( 4 )) من الهلال وتقطعها ،،،،، يروحي يام محمد وتشتتها ام محمد طويله وتستلمها ام راكان من فريق الهلال وتجنح بها لاكن تطلع ظربه ركنية

ويلتفت لي هاجس ويقول تتوقعها هدف والا لا

قلت والله إنشاء الله هدف <------------- مهوب عاقلين (( الشتالي والوحش ))

المهم وترفع الركنية عالية وترتقي لها رقم ((23)) من الهلال وتظربها راس ويطيح النقاب ويطلع ذاك الوجه المملوح الابيض وتدخل قوووول هدف 2/ 0 للهلال

قلت هاجس تشوف اللي انا اشوفه ولا رد علي والتفت له والقاه رايح فيها

قلت وشفيك قال مافيني شي

قلت منهي هالمملوحة

قال هاجس هذي محترفة لبنانية مع الهلال

قلت ايه اقول هذا الملح مهوب خليجي

المهم مشت المباراة و تجي الدقايق الاخيرة وانفرادة من لاعبة الهلال رقم (( 9 )) ذيـبــتــم ههههههه وكالعادة ماقدرو يوقفونها الا بعرقلة على حدود منطقة الجزاء وفاااااااااااااااااااااااااااااااااااااول ويتقدم لها اللاعبة رقم (( 15 )) وتتعالى الأمواج الهلالية المهم تركض تبي تشوت ولاكن ينكسرالكعب وتفصخ الكعب وتلعب حافية وتتقدم وتشوت الكورة في الزاوي من فوق الحيطة وهدااااااااااااااااااااااااااااااااااااااااااااااااااااف قووووووووووووووووووووول

واطمر على هاجس من الفرح ونطيح من فوق المدرجات وآآآآآآآآآآآآآآآآآآآآآآآآآآآآآآآآآآ ه (( يعني الحين في الهواء طايحين )) ويوم ظربت في الأرض وافتح عيوني والا انا طايح من السرير على الارض واقوم واغسل وجهي عقب النوم واتصل على هاجس قلت متى بتبدا المبارة الثانية قال اقول الفــقه شكلك فاضي وانا ماني رايق لك .

<--------- بس عادي مالقط وجهه



ياخسارة يليت يوم حلمت كان معي( دربـيـل )عشان اشوف زين المباراة

لاكن ملحوقة انشاء الله في الحلم الجاي