اليوم هو الخميس كما قال ابن مساعد
كل شيء سعره الى ارتفاع الا المواطن التعيس
وياله من يوم رائع كسائر ايام السنه الشمسيه والقمريه
هذا اليوم الميمون وليس اليمون قد يشتركان في الحموضه والله اعلم
اللي ابي اوصل له ان اليوم مثل امس وامس مثل بكره بستثناء بعض التغيير الطفيف
راح ابداء من الساعة 12 في الليل لأنهم يسمونه اول اليوم بعده يقولون صباح الخير وطبعاً مالها علاقه بالمطربه او المطرب الوارده اسمائهم قبل قليل
سنعود بعد قليل
عدنا...
طبعاً عمتي وعيالها عندنا وخواتي وعيالهم الله لايخليني واخوي وعياله وعمي وعياله انواع الإزعاج والصجه آثرت معها الهروب الى غرفتي لين يروحون
لكن السالفه طولت والربع بيتسحرون عندنا شوي الا وهجوم مباغت على غرفتي
من قبل جماعه مسلحه بالفمتوا يدخلون الغرفه ويعثون فيها فساداً
طبعاً قلت يالله ياماما ننزل معهم وفعلاً جمعتهم بسرعه بعد الإنتشار السريع والمفاجئ وذلك بأن طفيت النور وقلت يالله نتسابق من يحب راس امي الجوهره اول وطبعاً اكتشفت أن ما كان في السباق احد غيري والشله كلهم مانزلوا تعيجزت ارقى وجلست معهم تحت ونسيت امر الشله اللي في الغرفه
بعد ساعه فقدوا عيالهم وهم مايسقطون الا على خراب والا مستحيل يهجدون
بعد بحث لم يكن طويلاً لقيناهم في غرفتي ولكن .........
ما تعرفت على ملامح الغرفه في البدايه من هول الصدمه توقعت زلزال ضرب المكان او بركان او حرب قامت في هذا المكان لاشيء في مكانه المهم دمار شامل طبعاً ما اقدر اقول لهم شي عمتي تزعل لو احد صرخ على عيالها وبما اني ما بهزئهم كلهم تركتهم كلهم والقهر ان عمتي تضحك مبسوطه بعيالها اما خواتي عارفين اني عصبت فكانوا ساكتين تحسباً للكوارث رغم انهم طقوا عيالهم بس ضاق صدري حرام احد ينطق واحد لا
كنست الزجاج لايدخل برجلي عرضوا علي المساعده لكن رفضت لأني مااحب احد يرتب اغراضي يحوس علي وما القى اغراضي لين بغيتها عطيت ابوي المفارش يوديها الغسال بعد ما لعبوا بأبو أبوها ولونها بأرواجي ومكياجي الله يجزاهم خير يبدوا أن الوانها ماعجبتهم وقرروا يغيرونها
ما ابي اتذكر الأحداث لأنه يرتفع ضغطي
طبعاً حطوا السحور لين نفسي مسدوده بعد الكارثه خلوني اشتغل واتحرك لأول مره من زمان ما تحركت صليت الفجر وقرأت قرآن وفتحت النت شوي ورحت انوم
قمت اصلي الظهر ورجعت انوم شوي بعد كذا صليت العصر وجلست اقرا شوي
نزلت قبل الأذان بربع ساعه حطوا الفطور ونفس الروتين تمر <<<أكيد
طبعاً انواع شي بالسمسم وشي بالأقط وشي نص ونص وشي والله ما افهم كثير في هالشغلات لقيمات وسمبوسه بالجبن قشطه وكنافه فمتوا وعصير وطبعاً ماء ولبن<<<وقهوه >>>>سعوديين
كلت حبه تمره وحبه لقيمات وربع كاس ماء ورحت أصلي
انسدحت شوي <<<<يا كثر ما اتسدح ولا الزوله ينافسوني في الكسل
قليت السمبوسه<<<تبي تعلمهم أنها سنعه وست بيت يعتمد عليها
ثم رحت اتفرج على مناحي أنا وشلة البزران اللي معي السيد يزن أحد المشاركين في الحادث المروع بالأمس والسيد محمد والسيد عماد وأبوي وعمي عادل لأنه مرنا بعد الصلاة جابت امي السماط والأكل شوربه وسمبوسه <<<أطباقي المفضله مرق مشكل <<<من صنع الوالد حفظه الله من الصبح يدهر هو وامي بالمطبخ ورز ومكرونه تعشينا مع طاش ورقيه تشتغل بالأسهم على المحمول خطيييره
طبعاً بتقولون اني ماسويت الفطور لأن ابوي وامي ما شاء الله عليهم يبدون من الساعه عشر والله فاضين اقوم على ذا الصبحيه اطبخ رايقين وبما ان فيه من يشتغل عني ما فيه أمل اتعب نفسي هم مخليني طوارئ وآخر من يعتمدون عليه <<<هذا ازين مافيهم ما يحتروني عارفين ما وراي نفع
راحت امي وعفاف يصلون بالمسجد وأنا عياني يزن اروح جلست معه هو وامه بالبيت ولعبنا حبشه وفتحي يا ورده وتطاقينا شوي طبعاً امه جلست تصلي وانا العب مع يزن وصلينا جماعه انا وياه لبسته طرحه وخليته يصلي معي يا حبي له بس يحسبني كبره مستقوي علي هالنتفه
بعد الصلاة أنا فتحت الكمبيوتر وهو نزل مع امي تحت والا ما فيه أمل يخليني أكتب حرف واحد حكم القوي مااحد مكسر راسي غيره إذا ماجانا ضاق صدري
ما فيه احد اضيقه او يرفع ضغطي يصير بيتنا هاجد ماله حس
بعد هاليوم الغبي والمختلف قليلاً عن ايامي لأني انكرفت في ترتيب حوستهم
كتبت لحبيبتنا السندريلا هذا اليوم بكل احداثه الغبيه
واسمع صوت جوجو ويزوني يلعبون باروح اضيقهم شوي
بالحب والإشراق
الله يخلي لك أهلــك وبــصراحة ماله حق يزن ماخلاك تروحين تصلين التراويح
رائـع يومــك يارائدة ...
وتتواصل يوميات أعضائنا وفي الغد الجميل ان شاء الله موعدنا مع المشرف معذبهم
يوميآت مُبدعه من عضوه رآئده ..
ما شاء الله علييك .. الله يخلي لك عآئلتك ويحفظهم لك ,
اكثر ما يميز هذه اليوميآت التلقائيه في الطرح وعدم التكلف ..
دمتِ لنا مُبدعه اختي رائدة الزعيم ودامت لكِ عائلتك
سندريلا .. يعطيك العآفيه ع الجهد اليومي الرهييب
مـــاشاء الله عليك ,, يارائده ..
يومياتك حلوه وتوسع الصدر ,, انا لو كذا كان ماطلعت من البيت ,,
وخاصه اني احب البزارين البثرين ,, اصير بثر معهم
احب اللي يعفس ويرفس :p ويهاوش .. تحس انه بزر صح
اما اللي ساكت ويجلس بالزاويه .. احس انه مو طفل ,,
والله فله وكويس انهم اخذورا راحتهم في غرفتك ,, خلك تتتحركين شوي من
مكانك ,, من خبرتك وانت مكانك تراوحين في البيت ,, لا شغل ولا مشغله .
على قولة امي لي احياناً .. اكل ومرعى وقلة صنعى
وكويس انك قليتي السبموسه .. الدنيا فيها خير اذكرك ماتزينين الا شكشوكه ومالحه بعد
طبعاً عمتي وعيالها عندنا وخواتي وعيالهم الله لايخليني واخوي وعياله وعمي وعياله انواع الإزعاج والصجه آثرت معها الهروب الى غرفتي لين يروحون
حنا ليلة الخميس كنا مجتمعين عند خالتي ونفس الحالة انواع الصخب والصجة <<بس انا من النوع اللي احب الازعاج ما احب الهدوء ابد
إقتباس
لكن السالفه طولت والربع بيتسحرون عندنا شوي الا وهجوم مباغت على غرفتي
من قبل جماعه مسلحه بالفمتوا يدخلون الغرفه ويعثون فيها فساداً
يوووه الله يعينتس على المافيا << عندنا مثلهم كثير وامي تسمي غرفتي مجمع العيال << لانه كله صور لاعبين واعلام الهلال وفيها كرة سلة وقدم ( غرفة رياضية ) عاد عيال خلاتي اول مايطبون غرفتي بس انا حاطة قوانين لازم يتقيدون به واللي يخالف يطلع برا
إقتباس
عمتي تضحك مبسوطه بعيالها اما خواتي عارفين اني عصبت فكانوا ساكتين تحسباً للكوارث رغم انهم طقوا عيالهم بس ضاق صدري حرام احد ينطق واحد لا
المفروض الثانين يتعاقبون هذا يعتبر ظلم ....
إقتباس
تعشينا مع طاش ورقيه تشتغل بالأسهم على المحمول خطيييره
الصراحة كانت خطيرة عجوز 2006 قلنا لجدتي وراه ماتسوين مثلة قالت : يالله حسن الخاتمه ..
إقتباس
طبعاً بتقولون اني ماسويت الفطور لأن ابوي وامي ما شاء الله عليهم يبدون من الساعه عشر
ماشاء الله ابوتس يدخل المطبخ عقبال ابوي ابوي عقدته (المطبخ - السوق) ...
إقتباس
هذا ازين مافيهم ما يحتروني عارفين ما وراي نفع
مثل حالتي مامني فايدة << بلا فضايح
إقتباس
بعد هاليوم الغبي والمختلف قليلاً عن ايامي لأني انكرفت في ترتيب حوستهم
كتبت لحبيبتنا السندريلا هذا اليوم بكل احداثه الغبيه
واسمع صوت جوجو ويزوني يلعبون باروح اضيقهم شوي
بالحب والإشراق
تسلمين رائدة وسلميلي على يزوون << يذكرني بولد خالي سلوم ( سليمان )
رائــدة ماراحــت تصلـي اليــوم !!! 
كما قال ابن مساعد
تعيجزت ارقى وجلست معهم تحت ونسيت امر الشله اللي في الغرفه
.........
طبعاً ما اقدر اقول لهم شي عمتي تزعل لو احد صرخ على عيالها وبما اني ما بهزئهم كلهم تركتهم كلهم 
والقهر ان عمتي تضحك مبسوطه بعيالها اما خواتي عارفين اني عصبت فكانوا ساكتين تحسباً للكوارث رغم انهم طقوا عيالهم بس ضاق صدري حرام احد ينطق واحد لا 
طبعاً امه جلست تصلي وانا العب مع يزن وصلينا جماعه انا وياه لبسته طرحه 
انجن غرفتي فيها مالذ وطاب وغرفة اختي بعد يحبون يحوسووون
وحوس الغرفه له مردود إيجابي عليك ..
الوضع العادي
