فرفشات رمضانية في قصيدة - نادي الهلال السعودي - شبكة الزعيم

النايف النفيعي · #1 29/09/2006, 02:13 AM

مساء الزعامة الابدية

ما اطول عليكم ياشباب

انا صحيت ولقيت نفسي شاعر فجأة

وسويت هالقصيدة الكوميدية اللي تغطي على طاش ماطاش وتغطي على راس غليص بعد

اخليكم معها

بسم الله ابدى منظومي && في شهرنا شهر الصومي && ابعطيكم كل علومي
العلوم الطازجات

وتكفى ياللي بتقراها && عطني رايك في مبناها && هي مصفوفة يامحلاها
والا بيوت بايخات

ليه مع صومي برنامج && احلى من كل البرامج && لاما وسطه شي سامج
الا في بعض الحالات

اطلع مع هذي القوايل && كله من شان الجمايل && سواة عيال الحمايل
كل (ن)يبغي الدوامات

وفي الطريق اعارض زحمة && منها كبدي غدت فحمة && ياربي ارجوك الرحمة
لاجاء كشف الحسابات

وفي المكتب عندي نصراوي && يعني يافاهم فقراوي && جعله مايرقد متساوي
من زود الخسارات

على راسي غير يدلسن && ياحظنا جانا دلسن && دلسن دلسن عاش الدلسن
ومن هذي العبارات

والى طلعت من الدوام && القى هذاك الزحام && نفس الاول بالتمام
ويمكن نفس السيارات

والى مني وصلت الشقة && القى ناس تقل منطقة && يبيك تمزح ثم تدقه
حتى يسوي جنجانات

ثم نسوي في الفطور && وهمنا كله في السحور && شفتو بأخر هالدهور
صرنا مثل الشغالات

السمبوسة ذي نطويها && وهذي على الزيت نقليها && حتى اللقيمات نسويها
ما احلاها من لقيمات

ياخي ياشين العزوبية && حتى لو فيها حرية && ياناس نبغى العبودية
( الزواج) اقصد بالذات

عالاقل أكل ولا اطبخ && ولا اغسل ولا انفخ && ومن الزيت ما اتلطخ
هذي اغلى الامنيات

لكن والله مالي حيله && على المهور الثقيله && ناس ماتعرف فشيله
صارت شغل مزايدات

قالوا نبغى مية الف && وفوق المية خمسين الف && والا ارجع عود خلف
ماعندنا لك بنات

ياوالله لو اعرس بكره

&& لذبح حاشي واذبح بكره && والبس بشتي واحلى غتره

لكن للاسف هيهات

وعقب افطرنا واستانسنا && ومن الله التمسنا && يغفر لنا تقاعسنا
رحت لاحلى تدريبات

تدريبات هذاك النادي && احلى نادي في بلادي&& زعيم على الكل سادي
ساد بكل الدرجات

يوم اشوف الذيب السامي && واشوف ياسر ذاك الرامي && افرح وانسى كل الامي
واحمد رب الكائنات

ثم اتسحر مع رشيد && اغبى اصحابي اكيد && وتبدا القصة من جديد
دنيا ياغافل لحظات

وفي النهاية صلوا على && سيد جميع الملا && والله يهدينا الى
الهدى حتى الممات

وسلامتكم

عندي احساس ان احد المشرفين يجي منبرش من بعيد

ويشوت موضوعي في منتدى ثاني
انا ادري ان مكانه ماهو هنا لكن قلت ابي الزعماء يشوفونه كلهم

تحياتي

عيد العزيزي · #2 29/09/2006, 02:17 AM

حطها في المكان المناسب وبعدين اسمع رأينا

جن الملاعب عشقي · #3 29/09/2006, 02:36 AM

اللهم صلي وسلم على سيدنا ونبينا محمد وعلى اله وصحبه اجمعين
صح لسانك

النايف النفيعي · #4 29/09/2006, 02:41 AM

سراب المدينة
خلاص ماعاد يمديني

سامحني طال عمرك
اشوى انك مانت مشرف والا كان الموضوع انحذف

جن الملاعب عشقي
صح بدنك وشكرا على المرور

الـمـشـاغـب · #5 29/09/2006, 02:51 AM

خخخخخخخخخخخخخخخخخخخخخخ

الله يعطيك العافية يالزاحف ههههههههههههههههه

صح لسانك... واللهم صلي وسلم على محمد صلى الله عليه وسلم....

رديت عليك لأن الأبيات حلوووووووة مرررررررررة...

النايف النفيعي · #6 29/09/2006, 02:59 AM

المشاغب

مشكور على المرووور واهم شي انها اعجبتك

ال(king) · #7 29/09/2006, 03:03 AM

صح لسانك..... والله انك منسم....

قصيده حلوووووووووووووووه.

يعطيك العافيه......

هــــ 100% ـــــلالي · #8 29/09/2006, 03:45 AM

دلسن دلسن دلسن واخرتها الرابع ويمكن الخامس وتمثيل بطولة خارجيه ؟؟؟؟

وصح لسانك

ودمـــ,,ــــــــــتم

ملك البلانكو · #9 29/09/2006, 05:30 AM

ونعم وصح لسانك

ولا تحرمن من جديدك

الرايق الازرق · #10 29/09/2006, 05:42 AM

يشوتونه ولا يثبتونه

والله انه رااااااااااااااااااااااائع

الله يعطيك العافيه

وتكفى لاتقاطع عطنا الجديد

راسب في ماده الفسحه · #11 29/09/2006, 02:28 PM

اللهم صلي وسلم على سيدنا ونبينا محمد وعلى اله وصحبه اجمعين
صح لسانك

النايف النفيعي · #12 29/09/2006, 04:01 PM

صحة ابدانكم جميعا ومشكورين على المرور

الأمل البعيد · #13 29/09/2006, 04:33 PM

صح لسانكـ...

يعطيك العافية

تحياتي

زعيمنا الغالي · #14 29/09/2006, 04:37 PM

ياخي ياشين العزوبية && حتى لو فيها حرية && ياناس نبغى العبودية
( الزواج) اقصد بالذات

صح لسانك ,,