|
Saudi FDA السلام عليكم ورحمة الله وبركاته في البداية وقبل لا أقول الموضوع ابي الفزعة من بنات المنتدى : يابنات اللي تعرف كيف تلف السنبوسة تقولي الطريقة لاني صرت مخربة على أمي عشرين حبة وما هي راضية تضبط معي وفي كل مرة تتشقق معي الشرائح (ملاحظة تراها من نوع سويتز) ما أدري العيب فيني ولا في الشرائح <<<<ياويل اللي يقتبس هالجملة أو يعلق عليها أو يقول ماعندتس ما عند جدتي :nono: ملاحظة ثانية ترى اذا صارت أمي هي اللي تلفها ما تتشقق <<<<قلت لكم العيب ماهوب مني:d أبدأ في الموضوع: قبل شهور سمعنا عن أفتتاح فرع منظمة الغذاء والدواء الاف دي أي (food and drug administration) في السعودية مهمة هذه المنظمة الأشراف على اكتشاف الأدوية ونزولها للأسواق و سحبها منها كما أنها تتولى الأشراف على نشاطات الأطباء والصيادلة في مجال البحث العلمي وتتولى محاسبة المسؤلين عن الأخطاء الطبية والدوائية و فرض العقوبات على شركات الأدوية المخالفة للقوانين الى غير ذلك من المهام ... كنا ننتظر بفارغ الصبر أفتتاح مثل هذا الصرح الطبي الكبير في السعودية لا لشئ الا لنخفف الاعباء المنوطة بوزارة الصحة تلك الوزارة التي لم نعد نحس انها تقدم الخدمات الصحية المقبولة اجتماعيا الأف دي أي (ومقرها ماري لاند ) تعتبر من المنظمات العريقة التي قدمت خدمات جليلة للأنسانية خصوصا في مجال الطب والأدوية والتثقيف الغذائي والدوائي (ولها على الأنترنت موقع يحمل أسمها ) طبعا الأف دي أي ليست أحسن حالا من المنظمات العالمية الاخرى ففضائحها تطفو للسطح بين الحين والاخر و أخرها فضيحة التغاضي عن شركة فايزر الدوائية التي أجرت تجارب دوائية على البشر قبل الحيوانات (فقط لأن البشر من الجنسية الأفريقية) هذا غير تسجيل الكثير من حالات تلقي بعض موظفي المنظمة للرشاوى من قبل شركات الادوية لتمرير أدوية خطيرة في السوق العالمي .... وكما نعلم جميعا ان تجارة الادوية تأتي في المرتبة الثانية (بعد تجارة السلاح) من حيث الربح المادي للدول الغربية لذلك فنحن نسمع كثيرا عن أدوية تسببت في موت الكثير من البشر ثم سحبت من السوق بعد أن حققت ارباحا بالملايين.... لكن نتمنى أن تكون أف دي أي السعودية أفضل من المنظمة الأم وأن تدفع بصناعة الدواء والوعي الصحي في السعودية للأمام وأن تمارس الامانة المعهودة من أبناء السعودية أجمل ما في الموضوع أن الاف دي أي السعودية هي تحت ادارة سعودية 100%s13s و أسوأ ما في الموضوع ان احنا ما عندنا الا شركة واحدة للأدوية وهي التي تنتج الفيفادول وسهمها دايما أحمر في سوق الأسهم السعودي<<< تراني تسذوبة ما أتابع أصلا الأسهم ... ألا تهقون نلاقي لأخوي فيها وظيفة حتى لو يشتغل حبة فيفادول<<< فاهمة غلط (صورة واحد يقول الحمد لله على نعمة العقل الله لا يبلانا.) ملاحظة : الموضوع لا يعبر الا عن رأي كاتبته ولا يمت للرأي العام بصلة:d أنت يا وطني مو مثل أي وطن حفنة من ترابك تساوي وطن .... سبحانك اللهم وبحمدك أشهد ان لا أله الا أنت أستغفرك وأتوب أليك ........ تحياتي لميــــــــس |
,,, ,, , اختي الكريمه / لميس الهلاليــه بـ صمت كان الحديث عن ولوج هذه المنظمه ,, وبـ صمت كان الحديث ايضا عن ذلكـ التواجد اليتيم في قطاع انتاج الادويه ,, وبـ صخب كان الحديث عن اسوأ مافي الامر حينما دبت صيحات الملامـة على وزارة الصحه لـ تقصير يلامس عملها ,, او نقص قدرات واكبت محاولة احياء مايمكن احياءه ,, وجود مثل هذه المنظمات في المملكه ,, والسعي وراء كافة النجاحات التي لامسها الاخرون في عملهم .. يجب ان تلاقي منا الترحيب ,, وبالذات من المسؤلين ,, ولكن للاسف حقيقة ان هنالكـ اكثر من مشروع من صالحه خدمة هذه الارض ولكن قبل المصافحة بـ المواقفه يتوقف كل شيء .. والاسباب .. بـ الكاد تبرر نفسها لـ الظهور على سطح واقعية الموضوع .. وحينما يكون تواجد فرع لـ منظمة الغذاء والدواء في المملكه .. من المتوقع بل ولربما المأمول ان يكون خط سير الانتاج من مواد غذائيه وادويه ملامسا لـ ماهو مأمول ,, وان تكون الرقابه اكبر من ذي قبل .. ولكن ربما يكون الحديث عن سعة الانتاج مبكرا لذا سـ يرجى ذلكـ لـ الايام القادمه ,, في ختام الامر .. لكـِ مني كل التحايا والتقدير ,, على هذه الاسطر حتى وان استعصت ( العجينة ) عن واقعية يمينكـِ .. فـ لن يكون ذلكـ مع قلم خط الجمال هنا ,, :) لكـِ جُل الشكر والتقدير على هذه الاطلاله ,, وكل الاماني لكِـ بدوام التوفيق ,, ***** كوني بخير ...SoMe OnE.... |
SoMe OnE لحظة كتابتي لهذا الموضوع كانت هناك الكثير من الاشياء التي تدور في ذهني (وأذا أستثنينا منها طريقة لف عجينة السمبوسة) فأن هذه الأشياء لم تكن سوى التفكير في متى سنصبح أكثر وعيا في مجال الصحة حتى لا نكون يوما تحت رحمة أحد من الامم..... عودا الى ردك .... مرورك أسعدني و ما أسعدني أكثر نظرتك المستقبلية التي تلونت باللون الاخضر المتفائل لمستقبل الصحة في بلاد الحرمين أسأل الله أن يأتي ذلك اليوم الذي نكتفي فيه بأطبائنا السعوديين و بالأنتاج المحلي للأدوية على حد سواء Some one….. لك مني خالص التقدير والأحترام ..... ... لميـــــــس |
ما فهمـــت من الموضوع ولا شــي , :D:D الا انتس ماتعرفين تلفين سمبوسة ,, بس هالمنظمة قد سمعت بها ولا ماادري وشي ,, تقبلي مروري اللي ماله داعـــــي :D |
مشكورة على الموضوع وان كنت اشك في انك لمستي السمبوسة اصلاً :p بالنسبة لمنظة FDA فدخولها للملكة كان دخول على استحياء ... لو سُئل أي مواطن عن هذه المنظمة فبيكون رده على الأرجح انها وكالة استخبارات او مباحث امريكية او اجنبية لأنه ماكان هناك اعلان عن اهداف هذه المنظمة او كانت هناك حملة تعريفية وهذا سبب تواريها عن الأنظار قلة المعرفة بها ينقصنا التعريف بمثل هذه المنظمات لإيصال الهدف السامي لها وعلى طاري السمبوسة اذكر قبل 4 سنوات تقريباً كانت عندنا عزيمة فقلت في نفسي الهمام ياولد وصلح السمبوسة .. تكفلت بالسبموسة وياليتني ماسويتها .. دبلت الرقاق مرتين فكان المعزومين يقشرونها مثل الموز علشان يخف الرقاق :d :d :d <<<< شيف درجة اولى :p :p مشكورة على الطرح وان شاء الله جايب مواضيع مثل هذي بس افضى شوي << وش عندي يالوليد :p |
هلا اختي وعليكم السلام ورحمة اللله وبركاتة تبين اعلمكـ وشلون تلفين:d >>علمي نفسك صدق السمبوسه مع انها صغيره بس صعبه والله تقهر :wallbash: انا لفيت الصغار الي بالجبن :clapping: :clapping: والكبار فيها طريقه حلوة توني شايفتها عند ناس وصرت اسويهاا صح العجينه مدري الشريحه:D مستطيله فوووق بالسكين قصي جزء مايل مثل المثلث وابدي لفي وبالهنا والعافيه هذا الي عندي للاسف ماني محترفه باللف:no: اتركي اللف وسوي حلويات اصرف s60s تونـي ادري عن هالمنظمه :wallbash: ورى ماقلتو لي اسمها كشخه كانها ذيك حقت الشرطه في اي بي:D خطوة جيدة تلك المنظمــة s60s الله يوفق بلادنــا ويديم الخيرات عليهااا :) شكرا لكـ :) الهنووف كانت هنا ورحلت |
انا فهمت من الموضوع الآتي 1- انك ماتعرفين تلفين السمبوسه 2- انكم تستخدمون عجينة سويتز 3-وانك خربتي عشرين سمبوسه 4-وفهمت ان امك باله طويل عليتس اللي الى الحين ما صكتس بالملاس 5-وان اخوك يدور وظيفه 6-وان حبة الفيفادول تستلم راتب عموما كاتب الرد قبل اذان المغرب بشوي يعني ياويل اللي يشره |
الذئـــ الأزرق ــــب إقتباس:
لا بس حياك يا الذئب الازرق وتسلم على المرووور ..... .... .. FrOzEn InSiDe إقتباس:
هذا اللي بغيت أقوله إقتباس:
هههههههههه لا بس اهم شي انك لفيتها تصدق ما ادري ليش تطلع معي شكلها مربع مع ان الناس تطلع معهم مثلثة FrOzEn InSiDe يا مال العافية على المرور .... ... ... الهنوووف يعطيك العافية على الطريقة الجديدة طيب تعرفين كيف نسوي الفيمتو<<<, ما تنعطى وجه الهنوف يعطيك الف الف عافية وتسلمين يالغالية على المرور .... .... ... لمـيـــــــس |
يا ناس لها الدرجة الموضوع صعب طيب ورا some one و frozen inside فهموه ...... أخوي ابــــ عمرــــــــــــو خل عنك لو الموضوع مو عاجبك كان ما رديت قبل الفطور:d بس أشوى انك منت أمي شكلك ما عندك تفاهم,,, ابو عمر ... تكفى لاعاد تكتب وانت صايم >>>> علمي نفسك أجل فيه حبة بندول تاخذ راتب >>> هذا كله من الرد قبل الفطور بخمس دقايق عموما تسلم يا بوعمر و الله لايهينك على الرد ...... .... .... للبقيــــــــــة أعتذر اذا كان الموضوع طلع للبعض بصورة غير مفهمومة و أوعدكم أني في المرات الجاية أحاول أوضح أكثر بس عندي طلب اللي ما يفهم الموضوع لا يرد تكفوووون:d ..... ... لميــــــس |
إقتباس:
كيف الحــال ؟! :D |
انا اعرف الف السمبوسه !! لي عوده بأذن الله .. |
لميس الموضوع جداا رايق بس للأسف ما أحد أعطى هالمنظمة أي انتبااه و أنا عن نفسي والله ما دريت عنها الا بعد الافتتاح بأسبوعين ويمكن أكثر مع ان المفروض منظمة مثل هذي يكون الاهتمام فيها و تفعيلها شيء ضروري مو من بدايتها ما فيه أحد جاب لها سيرة.. و بعدين اذا ما تفعلت و صار لها دور في مجالها و الا ما فيه فايدة من افتتاحها خصوصا انها تتعلق بأهم شيء اللي هو صحتنا و صحة المجتمع السعووووودي.. و مشكووورة على موضوووعك و فيه ثلاثة أشياء أعجبوني في الموضوع : 1- اختيارك للموضوع و طرحك الرااائع. 2-أنت يا وطني مو مثل أي وطن حفنة من ترابك تساوي وطن. 3-المرأة مهما اجتهدت في تقليد الرجل ..فغاية ما تصير اليها أنها لا تصبح رجلا..ولا تعود امرأة. وسوووري على الاطاالة................ |
إقتباس:
تشـــــــاو |
مثل ماقت لي عوده ,, والحين رجعت ,, من ناحية السمبوسه انا لي خبره لازم اسوي درس خصوصي عبر البورجيكتر ادرسكم فيها ,, اما من ناحية المنظمه فاعتقد اننا سمعنا الكثير ولم نرى الا القليل ,, وكثير مانسمع بدراسة الموضوع الفلاني ,, ولكن سرعان ماننساه ,, واعتقد ان المنظمه راح تفيد المواطن قبل اي شخص ,, اتمنى ان اراها في عهدنا ,, لاني اعتقد انها مطوله ,, لك الشكر ودمتي بخير |
منظمه جديده اجل انا احس ان احد اسباب انشائها مالقوا لواحد من جماعتهم وظيفه قاموا واستحدثوها علشانه :D المنظمات امثال هذي شغلها هامشي مثلها مثل مكافحة التسول وحماية المستهلك وغيرها من المنظمات اللي على غير سنع ما اقول الا الله يخلف بس ====== اما بالنسبه للسمبوسه فا اذكر قبل كم سنه يوم سافرت الخدامه كنت الف السمبوسه في وقت الفراغ >>ايه هين وقت الفراغ :D س ماكانت تنشق معي ابد الله العالم يبيلك دوره في لف السمبوسه :D شاكر لك هالموضوع الاكثر من رائع دمتي بود |
| الوقت المعتمد في المنتدى بتوقيت جرينتش +3.
الوقت الان » 04:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd