الفتيات ولف السمبوسة .. الطريقة بجهد ذاتي - نادي الهلال السعودي - شبكة الزعيم

FrOzEn InSiDe · #1 30/09/2006, 03:05 PM

بسم الله الرحمن الرحيم

السلام عليكم ورحمة الله وبركاته وبعد،

<<< صح يا اللي رافع خطاب رسمي

شاءت قدرة المولى عز وجل انه يبتلينا ببنات لا يعرفن كيفية لف السمبوسة

وقد ناشدن الجهات المعنية بهذا الأمر وقد تم بحمد الله إنشاء درس مجاني لهن لعل وعسى يفلحن

درس هذا اليوم كيف تلفين السمبوسة اخيتي العزيزة

المقادير :

صفحة من Introduction of Marketing Syllabus
مناديل ورقية ناعمة "يفضل سمايل لأني استخدمتها في لف السمبوسة"

الطريقة :

أولاً : شكل عجينة السمبوسة أول ماتفك من الغلاف راح يكون بهذا الشكل

مستطيل كامل والكامل وجهه سبحانه وتعالى

ثانياً : قومي بقص الجزء الأيمن من الرقاق بهذا الشكل

ثالثاً : بعد كذا ضعي قطع المناديل في الجزء المقابل كما في الصورة التالية

After that : لفي الجزء الفارغ من الرقاق على الحشوة كما في هذه الصورة

والآن قومي بلف الجهة السابقة للزاوية المقابلة كما في الصورة

وهكذا دواليك " حلوة هالكلمة بس وش معناها "

استمري واستمري واستمري "خليك مكافحة "

حتى توصلين لخط النهاية كما في هذا الشكل

لاحظي الجزء الزائد من الرقاقة .. قومي بإدخالها في الفتحة الجانبية من السمبوسة علشان ماتنفل وقت القلي

وبعد كذا يصير عندك هذا الشكل النهائي

هذا هو الشكل النهائي للسمبوسة

ملاحظة : قد يكون الجزء الزائد من الرقاقة في آخر اللف زائد شوي .. اقطعي الزائد منه وتأكدي ان الجزء المتبقي تستطيعين من خلاله ادخاله في الفتحة الجانبية

طبعاً كاتب هالسطور تحمس شوي مع السالفة وقام وكمل الباقي حتى صار بهالشكل

على فكرة لو ماكنت فاضي كان ماكملت الباقي بس وش اسوي قمت الظهر ومارحت للكلية قلت اقطع وقتي بإعطاء دروس مجانية لبنات هالزمن اللي مايعرفن يلفن السمبوسة <<< قام يمن

اتمنى الدرس كفى ووفى وبالهناء والشفاء

الهايلوكس الأزرق · #2 30/09/2006, 03:41 PM

مشكووووووور

..

هلاليه من الرياض · #3 30/09/2006, 03:47 PM

ههههههههههههه شكلك معاني........

شكرا على الطريقه

سهل · #4 30/09/2006, 03:47 PM

8
8
8
يا خوي غير شوي مره حط واوين ومره ثلاث واوات هه علشان نحس
بردك وتفاعلك الرائع

ما شاء الله عليك لقطتها وهي بالمقلى

شرح مصور رائع ينفع ان تعزب الواحد

مشكور

والله لا يهينك نبي طريقة البف

تهاني الهلاليه · #5 30/09/2006, 03:52 PM

ههههههههههههههههه

لالا انا اعرف <<<< طيب يانصابه وش جابك هنا ههههههههههههه

يسلمو ع الطريقه

الهلال موتي · #6 30/09/2006, 03:57 PM

ما شـــاء الله .. الخبـــره واضحه ..

شُــكراً يالغـــالي على التقــرير ..

القققرش · #7 30/09/2006, 04:01 PM

الحقيقه الله يرفع عنك

FrOzEn InSiDe · #8 30/09/2006, 04:43 PM

الهايلوكس الازرق

هلاليه من الرياض

عاشقة بدر الخراشي

الهلال موتي

تشكرات على المشاركة

القققرش

الله يعينك على نفسك

FrOzEn InSiDe · #9 30/09/2006, 04:51 PM

إقتباس

الرسالة الأصلية كتبت بواسطة سهل


	8 8 8 يا خوي غير شوي مره حط واوين ومره ثلاث واوات هه علشان نحس بردك وتفاعلك الرائع ما شاء الله عليك لقطتها وهي بالمقلى شرح مصور رائع ينفع ان تعزب الواحد مشكور والله لا يهينك نبي طريقة البف

هلا بالزين .. هلا بمشرفنا الغالي

<<< بدا يترزز علشان التثبيت

بالنسبة للواوات فأبشر بكثره بس في الموووووووووووووووووواضيع الجاية

اما طريقة البف هذي ماعرفها :sad: :sad:

وش قصدك بالبف ؟؟ <<< بيروح يسأل أمه عنها

أي خدمات تنقصكم في المطبخ اليوم نحن في الخدمة "" والله يا أشياء كثيرة تنقص بنات اليوم في المطبخ بس خلها مستورة

""

شكراً لكل من تفاعل وان كنت فاقد وحدة ازعجتنا بطريقة اللف مابعد قبلت على الموضوع

يالله يالله بأروح اشوف لي شغلة اسويها قبل الاذان

الذئـــ الأزرق ــــب · #10 30/09/2006, 05:12 PM

..,, (( الفاضـــي يعمل قاضي )) ,,.. <=== القاضي ولا ابو ريمـــان ,,

بصـــراحــة لف منتاااز ولا أحلــى ,, بدينا حنا نلف أحســــن من البنــات ,,

ما شـــاء الله عليــك طيب بدال ذولي كان لفيت عجــين , علشان تريح أمك من ( 8 ) حبـــّــات ..

مشكووور , والله يعطيك العافيه على الموزوع الزريف الخفيف اللي يونّس ..

هلالية حرة · #11 30/09/2006, 05:21 PM

مشكوووووررررر على الطررريقه

الكناري الأزرق · #12 30/09/2006, 05:37 PM

السلام عليكم و رحمة الله و بركاتــــــه ,,

حركـات و الله

..

انا من يوم ما شفت اسمك " FrOzEn InSiDe " قـلت هـذاموب راعي ترتيب ناظر وش لون الاسم بسم الله علينا تقل خربـشة دجاج

..

لكن مـا شـاء الله طلعت منظم و تعرف تلف سمبوسه

,,

الا على فكرة انت ولد .. ؟!

اذا كـنت ولد وش عرفك بهالامور

.. ؟!

شكلك متزوج و حرمك ان ما غسلت المواعين ورتك الهوايل

..

الله يعينـكـ ,,

و انا اقول نفتح قـسم للطبخ لان فيه مبدعين هنا مـا شـاء الله ..

بس لا تنسون تحطون " مروحـة شـفط " عشـان ما ندوخ من الروايح

..

الهنوووف · #13 30/09/2006, 06:54 PM

وعليكمـ السلام ورحمة الله وبركاتة

استحيت مدري ليش

ياطويل العمــر انا توني اعرف هذي سالفه اني اقص من اليمين جزء واكتشفت ان هالطريقه تسهل كثير

الله يجزاهم خير الي علموناا

طيب انا عند عقده اذا خلصت يبقى جزء صغير مايدخل

او كبير اذا دخلتها بقوووة تقطعت

ويطلع فراغات بالجوانب يعني لو حطيتها بالزيت بيدخل الزيت داخل عجزت اضبط هالحركة واخليه مثلث مودب بدون فراغات >>>>>>وش حادتس تضبطينها

وعندنا مشكلة قلي اللقيمات ماتتقلب معنا ننتظر الشرح

>>مستانسه

يعطيك العافيــة اخوووي وبانتظار تقليب اللقيمات وتزين الفيمتو

بنوزع على الاعضاااء يحبون الفيمتوو خصوصا صدى الامس

واذا تبي الموضوع يتثبت جيب طريقه السن كويك علشان سهل

>>>>>الحين العصير والفميتو له طريقه يالله انك تخلف على بعض الناس

وتستاهل التثبيت

بس مو على حساب موضوعي اها بس

تريثو شووي قصدي اركدوو

الهنوووف

كانت

هنا

ورحلت

سندريلا الهلال · #14 30/09/2006, 07:20 PM

ماشاء الله تبارك الله شرح وافي للسمبوسة واحيانا سنبوسه

الا الطرايق وشي غوار ولا وردة ولا ابو صالح

الهنوف تبين سمبوسه مثل اللي تطلع بالدعايات مقرمشه ولونها ذهبي يخلي اللي ما ياكل ياكل وهو مايشوف

:لا والله نبيه يشوف

اجل وشوله نبي نخليها مقرمشه ولونها ذهبي

شوفي اذا لفيتها جيبي شوي لبن وحطيه بصحن بعدين جيبي السمبوسه وغطيها فيها بعدين حطيها بشوي دقيق واقليها يبي يزعجونك ويقولون لك وش مسويه بالسمبوسه حقتك وقولي ماقالت سندريلا

الله يعطيك العافية على شرحك لأقدم وألذ أكله رمضانية

...SoMe OnE... · #15 30/09/2006, 07:53 PM

,,,
,,
,

ماشاءالله تباركـَ الله ,,

والله ابدعت يالغالي .. بس ودي اسال ..

الحشــوه اللي فيها لحم غنم .. ولا ابل ...؟!!
بس علشان الوضوء

يعطيكـ العافيه ,, والصفحه هذي مفضله ,,
احتياط يمكن تصير ايام سوداء ولا عندنا احد يصلح لنا سمبوسـه ..

الف شكر لكـ اخوي على الامتاع ,, وبالتوفيق ,,

***

كن بخير
...SoMe OnE....