28/09/2006, 12:19 PM
|
 | زعيــم متألــق | | تاريخ التسجيل: 15/06/2006 المكان: الجوف
مشاركات: 1,344
| |
|
رد الشاعر الهلالي على قصيدة الشاعر النصراوي في ترحيبة بدينلسون
السلام عليكم ورحمة الله وبركاته
بسم الله الرحمن الرحيم
رد الشاعر الهلالي الملقب بشاعر نادي القرن على قصيدة الاخ النصراوي الي رحب بقدوم دينلسون وقال فيها :
يامرحبا حييت يابن البرازيل....ترحيبتن جزله ولاهي هزيله
يامرحباواشرب من البن والهيل.....وكيف دماغك لدروب الطويله
نبغا تشرفنا امام المهابيل....اهل الطواقي الزرق قوم الفشيله
اسحبهم ذوقهم المر والويل....وفهد المفرج لايردك عويله
اللي نداهم لابسات المراييل....الفرد منهم قام يومي شليله
يوم الخميس الوقت سبعه من الليل....دمعة بني الازرق تساقط هميله
ياليل الجمهور الازرق وياليل....ردد معي ياليل ليلي وليله
جاك الهجاد وراح وقت التهاليل....وباذن الله المعبود مالك حصيله
فالمنتدى والصحف والا فالايميل...فشيلتك ياهلال ياهي فشيله
فرد عليه شاعر نادي القرن بقصيده يقول فيها :
اليوم رحب والليال المقابيل.... طالب بطرده ثم دور بديله
بكره تشوفه قدمنا كنه خبيل.... يرجع ورى ويقول وش هالقبيله
اللي ليا جونا تقل جاينا سيل.... سيلن مايرحم كل شي ٍ يشيله
وانته تقول اهل الزعامه هل الخيل....ذولاالهلال اهل الخيول الاصيله
تكفى دنيلسون ياحفيد البرازيل.... لاتخيب الهقوات عن الكحيله
ثم ٍ يقوم يشوش ويحط ويشيل.... ويقول وين الفيصلي وين خيله
انا ماجيت الا برد ثاركم ليل.... ليل ٍ عليه الفيصلي حل ويله
والا الهلال اليوم مالي بهم حيل.... فوز ٍ عليهم هقوتن مستحيله
انتم كديش وعاشقين الغرابيل....خمسة عشر عامن عليكم ثقيله
صال الهلال وجاب كل المحاصيل....وانتم على الونات في كل ليله
اقول يانصرن تردى فها الجيل.... مانتم بويا النصر رحتو بليله
دام الهلال يصول ويجول ويميل.... اسنينكم فالفقر ماهي قليله
ويالنصر والله لوتجيب البرازيل.... فوزك علينا هقوتن مستحيله
وسلامتكم
مع العلم انه قصيدة الاخ النصراوي جت فيها شطحات خارجه عن الروح الرياضيه وهذا ليس بمستغرب ولكن الرد الهلالي جاء بدون تجريح في الجماهير النصراويه وهذا طبع كل هلالي ولله الحمد وان دل فيدل على فرق في العقليات في الجانبين .. |
الوضع العادي
