25/09/2006, 12:07 AM
|
| زعيــم متواصــل | | تاريخ التسجيل: 23/09/2005
مشاركات: 95
| |
|
تـــــــــــــدرون من اللي أرسل للـوردة الزرقـاء ....!!!
 ,,,  ,, السنبله تتمنى لكم افطاراً شهياً.. ولاتنسوا تقولولها تسلم إيديكي !
المرسل :sunbulah أطيب الأماني بأحلى الأوقات من فيمتو ويديم عليكم فرحة رمضان
المرسل :viumto ^........^ هالرسايل جتني على جوالي ابي اعرف من عطاهم رقمي هااااا  >>اعذروها دلاخة رمضان 
"السنبله ارسلوا لي امس قبل الفطور قريتهاا ورحت للمطبخ وقلت لاختي اليوم مسوين شيءمن السنبله ؟؟
قالت: لاا,, قلت اجل عسى ايديكي بالكسر  
" اما فيمتو كاسر خاطري ماشاف الا يرسل لي  ..انا ما اطيقه ابد حتى اهلي
حنا من انصار عصير البرتقال(( تـانج ))..
 ^^ المقدمة ^^ قبل ما اسرد يومي العسير >بالاخير تعرفون ليه عسير..
احب اباركلكم عائلتي ((اعضاء شبكة الزعيم )) والله يتقبل منا
منكم صالح الاعمال,,وان يشملنا برحمته وان يكتب لنا قيام ليله القدر وعمره في بيته ,,اللهم آمين
تعرفون اليوم هو بداية الدوام في رمضان ,, وبداية دوامي هالترم لأني ما داومت الا يوم واحد بس
تسحرت صليت الفجر وجهزت للجامعه,,وانا عندي محاظرة لكن ما اعرف متى تبدأ خاصه تغيرت المواعيد,, حتى مادخلت موقع الجامعه >>كئيييييب اوف,,
طلبت من صديقتي اذا وصلتي الجامعه اتصلي وخبريني وقت المحاظرة,,
وثم نمت
6:نوم
7:بعد نوم
8:نوم
>>اخلصي
9.30:اتصلت وقالت المحاظرة 12 انا:الحمدالله يعني اكمل نوم 10:
امي:يالا قوومي راحت عليك المحاظرة وفتحت النور وسكرت المكيف
انا :يمه الله يخليك ترى المحاظرة 12 مو اللحين,
ماما: اقول قومي لاتسوين مثل الاسبوع اللي راح ((امي ماصدقت لأني الثلاثاء قلت لها بدري خليني نايمه,,وراحت علي المحاظرة ..بس الحمدالله ماكان في دراسة ))D
واخيرا اقتنعت ونمت.. وانا بعد اخيرا رحت الجامعه وفي السيارة اتصلت على صديقتي >جننتها
ابي اسأل عن مكان القاعة >>وقال ترى المحاظرة الساعه 1 ..
بغيت اقول رجعني للبيت انام خخخخ. ودخلت الجامعه والا مسوين حفله والبنات لابسين اخضر وابيض واعلام وحركات
وانا لابسه الوان لاتمت للوطن بصله
وجلست فترة وصليت الظهر ورحنا للمحاظرة الحمدالله طلعت الدكتورة اخلاقهاعسسسسسسل ,,
واخيرا خرجت من الضنك (الجامعه )
صار لي موقف يقهر وانا نازله من السيارة ومن الذاربه اللي فيني ماسكرت شنطتي
ما ادري الا وجوالي على بعد متر في الشارع ورحت انقذه الا ومرت سيارة بغت تدعسه ,,
وانقذته باصابات طفيفه الشاشه مخربشه ومغبر وحاله,,((المصيبه الأولى الحمدالله مرت بسلام ))
وصليت العصر وحاولت انام ساعه ماجاني نوم’’ورحت المطبخ وسويت سلطة خيار باللبن عاد انا ما احب الأكل وابي احافظ على جسمي خاصة ان معدتي حساسه ما آكل الا سلطات واشياء خفيفه ..
واكل رمضان سمبوسه وشربه وهالأشياء مقاطعتها,, وتجمعنا على سفرة عاد معرووف انا قهوجية البيت ,,
احب اصب لهم الما والعصير واقرب لهم الأكل..>> مثل العجايز الصراحة ابي اجر افطار صائم انصحكم تسوونها واحتسبوا الأجر, وبعد المغرب تركت جمعت اهلي لأنهم يتابعون طاش وانا اكررررهه مره..وما استحمل اشوفهم,.
وتابعت الشبخ عائض القرني الله يحفظه على المجد في برنامج انصحكم تتابعونه (اسرة واحده)
ودخلت النت شوي,,.
وامي طلبت مني شاي على قولها تحبه من يدي ..وسويته وجيت ابي اشيل البراد من على النار
والا انكب نصه:sad: >>> مت قهرررر انا
لكن الحمدالله بقي نص الشاي والا كان سويته من جديد..
وهذه مصيبه اخرى لكن الحمدالله مرت بسلااام ,,
وصارت مصيبه بعد
خالي صار له حادث بس ماصار له شيء بس تعور راسه ورجله ورضوض
>> الحمدالله على كل حال.. وصليت العشاء والتراويح بالبيت ..واللحين اكتب لكم يومي وسولفت مع البنات شوي ..وبعدها ابي احط راسي وانااام... # :اعذروني على هاليوم ادري نكدت عليكم كأنه مو رمضان,,
لكن حظكم شين>>الا حظك اقشر ماجات المصايب الا في يومك عموما انايجيني يوم يكون حظي نايم وعكسي من الصبح الى الليل الحمدالله على كل حال,,
لكن بأذن الله تكفير ذنوب.. قال تعالى  عسى أن تكرهوا شيئاً وهو خير لكم ) # :للأسف الدوام يغيب روحانية رمضان في قلوبنا,,
والله فرق بين امس واليوم ,,  ...جمعنــا الله في الفردوس الأعلى...
أختـكم
الــوردة الزرقـاء رائـعه يومياتـك ياوردتنـا الله يتقبـل منـا ومنـك
شـاكريـن لك إستجـابتــك لدعـوتنا
ومــوعدنا غداً إن شاء الله مع مبــدعنا
ماجـــد مقبــل
اخر تعديل كان بواسطة » رمضانيات في يوم » 25/09/2006 عند الساعة » 03:37 AM |
الوضع الشجري
