|
حكايتي مع المواتر = 1 = السلام عليكم ورحمة الله وبركاته قبل اسبوع او يزيد قليلا انفتح الموضوع مع العيال الله يصلحهم عن اول سيارة شريتها طبعا عادت بي الذاكرة اثنان وعشرون عاما وبالتحديد في شهر خمسه من عام 1405 هـ كنت أدرس في الصف الثاني ثانوي والسيارة ما جت مثل شباب الحين بارده مبرده بل بعد الحاح وعويل وصراخ وبكاء وبعد وفاة والدي رحمة الله واسكنه فسيح جناته رأى عمي انه لا مناص من شراء سيارة لي حتى اقضي فيها لوازم الأسرة وقضاء حاجياتهم وقرر شراء سيارة لي فقال ماذا تريد طبعا يبي يجي على بالكم اني طلبت لكزس ولا كامري لا لأنها ما بعد جت في ذلك الوقت أول موديل للكامري كان عام 1988 واللكزس بعد ذلك بسنتين طبعا السيارة اللي شريتها الشهيره ( أم عزيز ) يعني ددسن غمارتين طبعا هي محبوبة القصمان ذاك الوقت و من قده اللي يملك ددسن كرفتها سبع سنين ولله الحمد بدون مشاكل بس صدمت فيها مره راعي دباب طبعا هو المخطي:upset: والا وش جاب الدباب للسياره الله يهديه:nono: المهم قعدت معي السياره ثاني ثانوي وثالث ثانوي والجامعة اربع سنين بعد ذلك جاء قرار تعييني في الرياض معلما وتعرفون صعب مدرس وفي الرياض ومعه ددسنs60s فكان قرار التغيير طبعا الكلام هذا في أيام حرب الخليج عام 1411 هـ بعد المشورة والاستخارة كنت متردد بين الكرسيدا http://i4.ebayimg.com/06/i/08/50/5e/31_1.JPG والكابرس http://i24.ebayimg.com/01/a/08/52/9f/87_1.JPG بعد التوكل على الله تعالى شريت الكابرس واخذت العفش ورحت للرياض سكنت عند خالتي الله يحفظها ويخليها وتم تعييني في النظيم في مدرسة عقبة بن عامر الابتدائية وبعد نهاية العام تم نقلي الى مدرسة القاعدة الجوية لاحظو اني جمعت كم ريال خلال السنتين اللي درست فيها طبعا مبطي لا هنا لا اسهم ولا عقل تجاري ولا ولي ناصح يعني كانت أحياء شمال الرياض { حي الصحافة مثلا } جوار جريدة الجزيرة والرياض ونادي الشباب كان متر الأرض تحت ال 200 ريال وشوفو الحين كم وصل المهم جاء نقلي لمنطقة القصيم بعد سنتين في الرياض وخبركم القصيم يبي لها جيب وانا معي فلوس رحت للمعارض وبالتحديد معرض أضواء الباحه لقيت عندهم ذاك الباترول اللي يحبه قلبك زيتي بفضي سوبر سفاري م 93 اذا لقيت صرته حطيته لكم الباترول سياره ينشد بها الظهر طورقت به اربع سنين ثم ثم قررت عاد وش قررت هذا في الحلقة الثانية اخوكم ابو محمد ملاحظة : كتبت في العنوان مواتر وما كتبت سيارات لأني شايب والشيبان يسمونها مواتر |
ما شاء الله قصه حلوه شكلك راعي قصص عن المواتر و تجاربك معها على العموم نتظر جزءك الثاني من القصه |
لكن نحذير للعموم دقو اللطمة خبركم الموضوع يتحدث عن القديم والغبار ماله أمان ربو ولا حساسيه الله يستر على اللي يقرون الموضوع عموما ما اكتبه حقيقة هي من الواقع وكما حدثت تماما |
ننتظر ابو محمد |
تسلم يالغالي ابومحمد .. :) وايام اول تغيرت .. هالزمن تغير .. ! في انتظار قرارك مع الجزء الثاني .. :) تحياتي .. |
يعطيك العافية تحياتي |
لا تظنون القرار لكزس ولا فياقرا القرار حول الكابرس |
منين طلع هالغبار يا ابا محمد :D إقتباس:
الصره >> صامولة او مكبس الزيت بأنتظار الجزء الثاني هنا :thumbup: |
إقتباس:
وجودي على الدنيا فال خير عليكم طلعت سيارات جديده :thumbup: إقتباس:
:upset: :mad: متى الحلقه الثانية يارب تصير بكرة:rolleyes: والله ماحب هالحركه تخليني انوم بسرعه علشان يجي بكرة واشوف وش صار :D يمكن تصير ددسن غمارة وحده :D شكلها كامري اجل لانها طلعت في 1409 الكامري وانت تقوول ان الددسن جلس 7 سنين والكابرس والي بعدها كم سنه يعني امدى الكامري تنشر وتشتريهااا >>>>يازينك ساكته:D إقتباس:
حتى الشباب الحين صارو يقولون مواتر :D بانتظار الحلقه الثانيــة وبجيب اله حاسبة الموضوع فيه تواريخ :D الحين وش دخلني بالسيارات :confused: الهنووووف كانت هنا ورحلت |
ابو محمد ياهلا ومرحبا فيك .. من طول الغيبات جاب المواتر :d بإنتظار الجزء الثاني .. |
ننتظر الجزء الثــاني اتوقع شروكي على اسمك ,, |
يعطيك العافية |
السلام عليكم ورحمة الله وبركاته ... اهلا بك استاذي الكريم شروكي ... اتوقع ان القادم شروكي :d ذكرتني اول مرة اسوق فيه سيارة وكانت كرسيدا بوكس موديلها 81 :d وبعدها اخذت سيارة البيت وبرضو كرسيدا بوكس 88 >>> ادمان كرسيدات ;) وهذي لي معها ذكرياااات s60s عاد كانت سيارة الحارة الاولى اوصل عيال الحارة المدرسة وسيارة الفريق اذا عندنا مباريات نروح عليها :d واذكر اننا كنا نركب فيه خمسة عشر انسان >>> طبعا كنا اجرام صغيرة :d بس كانت نهاية ها الكرسيدا مؤلمة لانها قبت من دون ذكر اسباب ؟؟؟ فكان التشليح اولى بها :d استاذي الكريم شروكي شكر لك واعتذر عن الاطالة :d سلااااامي . |
يعطيك العافية |
شكرا للجميع سهل يا شينك يعني لازم الواحد يراجع موضوعه عشر مرات علشان اللي يتصيدون الأخطاء والا تبينا ما نعتب منتداكم مرة ثانية تدري لقيت الحل اذا كتبت موضوع مرة ثانية ابخلي مدرس اللغه العربية يراجعه ويالله السلامة = ماجد مقبل اثرك شايب ذكرتني بالكرسيدا البوكس هذي الله يسلمك يوم اتعين في الوزارة / ادارة تعليم الرياض كان لازم اراجعهم علشان اخلص بعض الأوراق المهم كانت الددسن الغمارتين راسها مصدع قمت استعرت سيارة عمي حقت السواق ( كرسيدا بوكس 88 ) المهم لما وصلت ادارة التعليم طفيت السيارة وبغيت أنزل ولكن ورطت في المفتاح عيا يطلع منا منا مابه فايده المفتاح ماسك ماسك خليته على السياره ونزلت وكملت أوراقي ولا عرفت كيف يطلع الا بالصدفه لما ضغطت عليه نزل انواع الاحراج ذاك اليوم |
^^^^^^^^^^^^^^^^^^^^^ ماودك تكمل القصـــة :D:D |
مشكووووووووور ابومحمد في انتظاااااار الجزء الثاني :clap: |
أنوور المجلس العام فيك يا شيروكي :yes: من زمااان عنك :d إقتباس:
إقتباس:
|
ياللله يالله يالله يالله يالله يالله كمل كمل تراني خشيت جووو معااااااااااااااااااااااااااااااااااااااااااااااااااااك بس شي التسعاااااوي هع هع |
أجل شكلك وصلت مرحلة البقشة يابومحمد العمر كله يالغالي |
ننتظر الجزء الثاني يا بو محمد بفارغ الصبر هعععع ،،، |
وعليكم السلام ورحمة الله وبركاته تدري أخوي شيروكي أنا كل ما شفت اسمك تنفرج أسارير قلبي :d وبما أن الموضوع عن السيارات فحري بي الآن أن أوضح السبب :d السبب طال عمرك سيارتي شيروكي :d وقبل الشيروكي شيروكي وكلهن عاشن معي في الفترة اللي أنا كنت فيها بشبكة الزعيم معك يعني كل ما شفتك ذكرت سيارتي اللي بالحوش :d :d طبعاً فرق بين السيارة شيروكي والعلم العظيم مشرفنا شيروكي أخوي شيروكي بإنتظار التكملة ماجد مقبل ياحبي للبوقسات أنا أول سيارة سقتها بوقس .. ومازالت تقف عند الباب شامخه أبيه :razz: تحياتي .. |
قصة رهيبــه .. عجل علينا بالثاني يالغالي :D |
هلا وغلا بأبو محمد .. نورت الحتّه << على قولة المصريين .. ماشاء الله عليك .. صبرت وظفرت .. اول الشاب مستعتد يصبر ويصابر على سياره توديه وتجيبه .. اما وقتنا الحين وجيلنا .. كل 3 سنوات سياره جديده .. بس وش معنى فضلت الكابرس على الكرسيدا ,, !! الكراسيدا ماتلف ولا تدور تمشي سيدا خخخ عموماً اخوي حنا بانتظار الجزء الثاني .. وأتوقع انك بتآخذ نصيب من اسمك ,, دمت بخير |
يعطيك العافية اللي اعرفه إن القصمان يعشقون الهايلكس إلا اذا كنت تشوف أي سيارة فيها صندوق تقول ددسن (نفس الوالد) بانتظار الجزء الثاني |
السلام عليكم و رحمة الله و بركاتــــــــــــه ,, هـلا و الله شيروكي .. " من اسمك باين عليك راعي سيارات :d ! " .. و الله انا اشوف اللي يبدآ بددسن احسن من اللي يبدآ ببسكليت :d .. " بـسكليت = دراجـة يا ابو ريمان و الشلة :d ! " .. و انا اشوف لو انك اخذ كورسيدا ابرك لك من الكابرس ,, << تلقاها خيرة ,, امتعتنا بالقصة اضحك الله سنك .. |
لوووووووووووووووووووووول انا اقول شروكي سيارتك الجديده تشـــــــــــــــــــــــــــاو |
والله ياخوي ماودك تكمل القصه :d ترا اسمك بفتح النفس >>> نفس موتري :d الا ان شاء الله الجزء الثاني يصير فيه شروكي بس ياخوي ابيك تمدح فيه الين اللي مايعرف الشروكي يروح يشتريه :d بانتظار تكملة باقي القصه اخوك ابو فيصل |
إقتباس:
والله ياللشيروكي معي قصه شريت منه سيارتين الأولى منهما مأساة بمعنى الكلمة والثانيه لونها أزرق يكفي أن أذكر اللون لتعرف مصدر سعادتي فيها وستأتي في بقية القصة إقتباس:
حياك الله لو لقيت اللي يدلعني بسياره كل شهر ما قلت لا والشباب معذورين اذا غيروا سياراتهم اذا كان الوالد يدفع والأم معلمه وش المانع اما سبب تفضيلي للكابرس على الكرسيدا القراده وبس ولا فيه احد يعاف الكرسيدا ويفضل عليها أمريكي لكن السبب الصحيح انني كنت اكبر اخوتي واحتاج الى سيارة اكبر من الكرسيدا فكان الكابرس هو الحل إقتباس:
ابدا لم يكن للهايلوكس أي ذكر في السوق القصيمي بل كانت الددسن مسيطره على السوق حتى جاء العام 1985 م وتم تغيير شكل الددسن وظهر بها عيوب فانتقل الناس للهايلوكس واكتشفوها ومنه اشتهرت إقتباس:
وعليكم السلام ورحمة الله وبركاته المهلي ما يولي وتحيا وتدوم راعي سيارات صح بس اتوهق واتفرج لكن كخبره فهي قريب من الصفر وقد بدينا بالسياكل خذ هذي طحت مره من السيكل وانكسرت ايدي وكنت في أول ثانوي أصابني حزن ممزوج بالفرج حزن ليدي وفرح لغيابي عن المدرسة اسبوعين وارجع فوق لتعرف سبب اختيار الكابرس إقتباس:
فيه وفيه لكن القرار مختلف إقتباس:
فيه شيروكي ونبي نمدح ونبي نسب راجع ردي على لوحه مميزه لتعرف السبب * * |
السـلام عليـكم ورحمـة اللـه وبـركاتـه الا أقـول : وشهي السيـارات ..:D ماقـد سمعت بـ شيء زي كـذا ..:D |
نبي الجزء الثاني لا هنت :D |
| الوقت المعتمد في المنتدى بتوقيت جرينتش +3.
الوقت الان » 05:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd