#1  
قديم 22/09/2006, 08:27 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
Talking خطة 7 - 10 - نص مهاجم

السلام عليكم ورحمة الله وبركاته



أسعد الله مساءكم أعزائي الهلاليين والهلاليات في هذا الصرح الكبير والملتقى الرائع



مبارك عليكم الشهر .. الله الله بالتعبد والصيام ..


للأسف الشديد لم أشاهد مباراة الوحدة لأني كنت في رحلة عمل <== وش عنده كتاب القراءة

ولكن وصلتني النتيجة المؤسفة عبر الهاتف النقال

ماعلينا .. الحمد لله على كل حال .. مهما كانت الخسارة موجعة .. يبقى الهلالي عالي


^*^*^*^*^*^*^*^


بصراحة بيسيرو مدرب كبير .. واسمه لامع في عالم التدريب .. له انجازاته وسجله الحافل ...

لكن منهجيته في الخطط خاصة مع فريق يعتبر من فرق المقدمة آسيويا بل يتصدر فرق آسيا مستوى وإنجازات منهجية فاشلة..


أنا مادربت أي فريق بحياتي .. حتى فريق حارتنا ماكنت ضمن الطاقم التدريبي ذاك الوقت

لكن دايم أشوف التحليل الرياضي خاصة مع الكابتن ماجد عبدالله .. .. (عشاس ننهي الهجمة .. ولازم يجيب قول عشان يفوز )

خطة 4 - 2 - 3 - 1 .. خطة تعتمد على لاعب الوسط الهداف وسرعة نقل الكورة واللياقة ..

مسألة انك تطبقها مع لاعب يدور خط التماس واذا استلم الكورة يقعد يتحكك لين تنقطع

ولاعب يركض بالكورة تحلف انه كابتن ماجد .. ويمررها كورة طويلة لو قدامه عشر لاعبين من فريقه

ولاعب توه راجع من اصابة ..

غلط .. وأكبر غلط ..

المنطق يقول فريق يملك منتخب كامل من النجوم ... يملك مهاجم منتخب بالاضافة لمهاجم هداف ..

أحمد الصويلح وعبدالله الجمعان ... الخراشي راجع من اصابة بس الى متى نبي نهستر به بالاحتياط .. خلوه يلعب شوي


إنك تقابل فريق يعتبر من فرق الوسط ... بغض النظر عن خط هجوم الدولي ...

أتوقع أنسب طريقة تلعب فيها بمهاجمين .. لأن اللي يبي الفوز مايكسبه بالاعتماد على الدفاع وحظه مع الهجمات المرتدة ..


وين مساعد المدرب ؟ .. مافيه شريط لمباريات الزعيم سابقة يشاهدها المدرب ؟

هل المدرب جاي يتوقع انه يدرب فريق فيتنامي ؟؟ .. جاي يصنع فريق ..!!! .. ليه الفريق وش فيه ؟


ماقول للمدرب اسمع كلام الجمهور ... ماقول للمدرب اذا تبي رضانا سوي اللي نبيه


لأ ... نبي نشوف مستوى .. نبي نشوف خطورة .. نبي نشوف أهداف


ياجماعة ابي كل واحد يترك الي بيده ويفكر معي شوي .. من ناقص الهلال ؟

باقي سامي والقحطاني والتايب ... يعني معقولة مستوى الهلال الهزيل بسبب غياب هالثلاثة ؟


نصبر على المدرب ماقلنا شي ... لكن نصبر ليش ؟

لعب أكثر من سبع مباريات .. يعني لو أنا جاي لفريق مجمعهم من الشارع بعرف مستوياتهم من هالسبع مباريات

بيسوي انسجام للفريق ؟ .. <=== أكثر جملة سمعته بحياتي من عرفت كرة القدم ... أصبروا نبي نسوي انسجام


المدرب لابد أن يحاسب .. لابد أن يكون فيه اجتماع يناقشون فيه قضية الهلال الفنية والتكتيكية ..

اذا الهلال قضيته عجز هجومي .. هذي مشكلة .. لأن محترفيننا كلهم وسط .. وسطنا وش يبي باللاعبين الاجانب ؟

لازم يكون فيه وقفة ... فيه إبداء رأي ... فيه مراجعة مباريات سابقة .. فيه تسجيل لتقدم مستوى لاعب او انخفاضه ...

فيه محاسبه على تقصير .. ومكافأة على شدة الحيل

مايصلح الهلال الي يصير بالهلال أنا مارضى والله يكون الهلال بالشكل العاجز



^*^*^*^*^*^*^*^*^*^


طارق التايب ... في طريقه ليكون فوزي الرويسي

من يوم جاء مصاب .. مرة يقولون بيلعب مرة يقولون هونّا

شوله جاي أبي أعرف !!!؟ ... يالله نصبر وش ورانا .. يكفي لو نشوفه يرفع الكاس


^*^*^*^*^*^*^*^*^*^


الاتحاد السعودي .. العين الأماراتي .. الشباب السعودي ...

ياجماعة الثقة دايم تنقلب عليك ضعف ... اللهم لاشماته

أنا بطالب القادسية الكويتي يفتحون موقع اسمه الزعيم الآسيوي بما انهم فازوا على العين

مبدأ غبي في الزعامة .... ومافيه زعيم الا الهلال والباقي يجمعون قواطي أحسن لهم


^*^*^*^*^*^*^*^*^*^


صدقوني .. الأمير بندر بن محمد .... والباقي يتفرجون




تحياتي ...... أبوساري




اضافة رد مع اقتباس
  #2  
قديم 22/09/2006, 08:33 PM
زعيــم مميــز
تاريخ التسجيل: 19/07/2006
المكان: ميدان كلية الملك عبدالعزيز الحربيه :D
مشاركات: 1,563
مشكور اخوي ومشكور على تحليلك المنطقي بس بسيرو فاااااااااااشل
اضافة رد مع اقتباس
  #3  
قديم 22/09/2006, 08:42 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,057
يا أخواني أحد عنده علم متى بيفتح التسجيل في الجامعات التيرم الثاني
اضافة رد مع اقتباس
  #4  
قديم 22/09/2006, 08:52 PM
زعيــم مميــز
تاريخ التسجيل: 19/07/2006
المكان: ميدان كلية الملك عبدالعزيز الحربيه :D
مشاركات: 1,563
Talking

^^^^^^^^

تبي يسون لك توقيع خلال دقيقة

حط صورة المفرج واكتب جنبها نستا العرب

ااذا ماجاك خمسين مليون توقيع

سو الي تبي
اضافة رد مع اقتباس
  #5  
قديم 22/09/2006, 08:54 PM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
مشكور ياصديقي الصدوق أبو ساري

بالنسبة للمدرب تراه ذابلن تسبذي

أول ماجاء يقول الهجوم شعاري والبطولات معشوقتي

لاشفنا هجوم ولاشفنا بطولات

يقول هجوم ,, وبالأخير يلعب بخطة 4 ـ 5 ـ 0 <<<< امحق من هجوم

يقول بطولات ,, وبالأخير نطلع من البطولة الخليجية ولامن شاف ولامن دري

أما المنتخب وهرجة المصابين ماأبي أتكلم فيها مراعاة لحالتي الصحية
اضافة رد مع اقتباس
  #6  
قديم 22/09/2006, 08:59 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,057
إقتباس
الرسالة الأصلية كتبت بواسطة العقل@
^^^^^^^^

تبي يسون لك توقيع خلال دقيقة

حط صورة المفرج واكتب جنبها نستا العرب

ااذا ماجاك خمسين مليون توقيع

سو الي تبي

لا والله عاد فهد المفرج والله يعجبني..... على الأقل أحسن الموجود!!! وهذانا الحين نبغى قلب دفاع

جنب تفاريس؟!!!!!!!!!

عموماً: إذا ما نفعت خطتي... أمري لله بأجرب خطتك

تحاتي أخوي العقل
اضافة رد مع اقتباس
  #7  
قديم 22/09/2006, 11:20 PM
زعيــم نشيــط
تاريخ التسجيل: 29/06/2005
المكان: الرياض
مشاركات: 985
تحياتي لقلمك اللاذع ....الممتع

بصراحه كلامك عين العقل ولو بتكلم ماقلت شي


تحياتي كل ودمت مبدعا

ابوعبدالله
اضافة رد مع اقتباس
  #8  
قديم 23/09/2006, 01:59 AM
زعيــم مميــز
تاريخ التسجيل: 08/09/2005
مشاركات: 4,913
عوافي يوسف..


مبروك عليك الشهر..
اضافة رد مع اقتباس
  #9  
قديم 23/09/2006, 02:07 AM
زعيــم فعــال
تاريخ التسجيل: 24/04/2006
المكان: قلب النمر
مشاركات: 297
مشكــــــــــــــــــــــــــــــــــور

اضافة رد مع اقتباس
  #10  
قديم 23/09/2006, 05:21 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
جيت

يالله صباح خير ... جاي برد على صديقيني ثم بروح أنام ..




العقل آت

هلا العقل تسلم والله ما أصّرت ..

عاد بكيفه فاشل والا زين .. أهم شي يفوز .. قسم رفع ضغطي <==

تسلم العقل على المرور العاقل





المشاغب

داخل منتدى وزارة المعارف أنت

المشاغب ياحبي لك امسك لك مبسط هالترم .. بع لك تمر وقرع وطماط ... مش حالك لمين ييسره ربك

تشكر المشاغب على الدخلة العنيفة بالموضوع





محب كامل الموسى

هلا سديقي

ياخي قبل كل شي بهنيك .. والله يا أنت كثير .. قسم بالله اتصفح الهرجة محب كامل الموسى

بكل مكان ماشاء الله عليك

بس تعجبني يابو كامل <=== صرت ابو كامل .. تواجدك له نكهة صدقني ;)

مع انك نشبت لمندوب قناة الزعيم

ياخي الهجوم بالهلال عقيم ... مادري وش العلة .. ياليت يلعب بمهاجمين ويغير تكتيكه شوي ..

على الاقل يطيح اللي بروسنا ونسكت وناكل عسل

تشكر أبو موسى على المرور




كارلتون

تسلم والله ابو عبدالله على الإطراء ..

انت بدون ماتتكلم ذوق شلون لو تكلمت لبى قلبك

تشكر كارلتون على المرور ... ماقصرت






هتلر الرياض

قلهم اسم امي حصه بعد

الله يعافيك يارب ... مبروك علينا وعليك ... الله يضاعف به أجرك ويكفر به ذنوبك

تسلم هتلر على المرور




أبو علي

ماسوينا شي يالغلا




يالله بنام الحين .. نشوفكم بالليل


أبـوسـارـي
اضافة رد مع اقتباس
  #11  
قديم 23/09/2006, 05:54 AM
الصورة الرمزية الخاصة بـ juve1897
زعيــم مميــز
تاريخ التسجيل: 09/07/2005
المكان: ظرف مكان منصوب وعلامة نصبه الفتحة الظاهرة على آخره
مشاركات: 7,956
خلو المدرب توه الى الحين ما أخذ على اللاعبين
اضافة رد مع اقتباس
  #12  
قديم 23/09/2006, 06:00 AM
الصورة الرمزية الخاصة بـ الرايق الازرق
زعيــم مميــز
تاريخ التسجيل: 25/02/2005
المكان: تدري وش اكبر خطاي الله يسامحني )()()( إقفايتي عنك وانت اللي تمـنيته
مشاركات: 12,526
يعطك العافيه على كل النقاط اللي ذكرتها

ومشكوووووووووووور

ومبروك على الجميع الشهر الكريم
اضافة رد مع اقتباس
  #13  
قديم 23/09/2006, 07:46 AM
زعيــم متألــق
تاريخ التسجيل: 30/04/2006
المكان: كوالالمبور - ماليزيا -
مشاركات: 1,367
مشكور اخوي ومشكور على تحليلك المنطقي
اضافة رد مع اقتباس
  #14  
قديم 23/09/2006, 04:08 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,261
الرايق الأزرق

شكرن أخوي

مبارك علينا وعليكم يارب ...



ابوشقراء

تشكرن جدن على المرور

ماقصرت يا أدع
اضافة رد مع اقتباس
  #15  
قديم 23/09/2006, 05:31 PM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
إقتباس
الرسالة الأصلية كتبت بواسطة ابوساري
محب كامل الموسى

هلا سديقي

ياخي قبل كل شي بهنيك .. والله يا أنت كثير .. قسم بالله اتصفح الهرجة محب كامل الموسى

بكل مكان ماشاء الله عليك

بس تعجبني يابو كامل <=== صرت ابو كامل .. تواجدك له نكهة صدقني ;)

مع انك نشبت لمندوب قناة الزعيم

ياخي الهجوم بالهلال عقيم ... مادري وش العلة .. ياليت يلعب بمهاجمين ويغير تكتيكه شوي ..

على الاقل يطيح اللي بروسنا ونسكت وناكل عسل

تشكر أبو موسى على المرور
أبـوسـارـي

هلا والله أبو ساري كيف حالك خويي <<<<<< صار يمون

منهو مندوب الزعيم الي نشبت له <<<< موب داري عن الهرجة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:32 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube