نادي الهلال السعودي - شبكة الزعيم - الموقع الرسمي - عتاب حار لك يا محمد بن فيصل وامل ان تقراء هذه المشاركه شخصيا

نعم العنوان صحيح فبعد المباراة جلسنا نحن افراد الاستراحة نتحسر ونتناقش على المستوى الذي قدمناه ( والحمد لله مالعبنا مع الكرامة السوري ولا صارت سداسية ولا سباعية على هالمستوى )فامام الاتفاق جانا بلنتي كثر عليه الجدل وحفظنا ماء الوجه ولا على المستوى والله مانستاهل التعادل وامام الخليج لو ان لاعبين الخليج مب مرتبكيين وخايفين ولا كان علوم وامام الوحده على قولة بوحة (صبح صبح ياحج)طبعا قبله ببطولة الخليج قلنا ناقصين لاعبيين المنتخب لاكن الدعوه حول بعض
ومن الامور التي نعاتب عليها ( طبعا العتاب دائما بين الاحبه)
1) خلال سنتان تم شراء لاعبان لمركز الظهير الايمن ولم ياخذو فرصتهم فاين الالياس اختفى وهاهو العصفور يبدع والصويلح اعيد من الانقطاع دون دراسة وضع عودتة وهاهو العنقري قادم ونراه في اخر الموسم او الموسم القادم معار الى احد الفرق فما الفائدة من جلبهم اذا كانو يهدون للفرق الاخرى
2 ) نريد لاعب اجنبي يشيل الفريق اذا غاب الدوليين ويبدع بوجودهم اما هذا البرازيلي حتى الفاولات والله اني احسن منه شوت وصناعة لعب مافيه ومجهود داخل الملعب معدوم
3 ) اكثر مافي لاعبي الهلال هم لاعبين الوسط وجابيين محترفيين اثنين اجانب كلهم وسط
4 ) المدرب لاتعليق والمهله شهريين للحكم عليه يعني بعد خراب مالطه وانا باعرض نفسي لتدريب الفريق بالمجان لاني اول مره اضمن اني احسن من الموجود
نبي مدرب وطني وجريء عارف خفايا الدوري وخفايا الفرق وخفايا اللاعبين انفسهم ( حسين الحبشي او عبدالعزيز الخالد او الزياني او العودة )5 )
5 ) سياسة شراء اللاعبين انتقلت من الساحل الغربي الى نجد بكثره فما هو السبب او بصياغة اخرى للسؤال ( ماهو دور الفريق الاولمبي في النادي ككل ؟ ) اين الجري اين الفرج اين لاعبين الاولمبي فهم افضل من ردريقو ام هم بالمستودع الى ان ياتي كاس فيصل بن فهد السنة القادمة
6 ) فلنكن واقعيين فالصويلح يخابط قدام وعلى البركه ( انا ماقول فيه شى ولازم نصبر عليه لانه صغير بالسن ) لاكن مانعطيه اكبر من حجمه الحالي ولا نعتمد عليه ولازم يجي محترف اجنبي مهاجم مكان ريدريقو ( افريقي ) واللبيب بالاشارة يفهم
7 ) في السابق كانت كل الفرق تهاب الزعيم حتى خارجيا اما اليوم الله يستر من الحزم المباراة الجايه
من خفايا الامور في عالم كرة القدم في اوربا ان المدرب عندما يوصي بالتعاقد مع احد اللاعبيين فاحيانا يكون هناك اتفاق بين المدرب واللاعب على نسبه معينه للمدرب وباتت بعض الفرق وضع شرط جزائي على المدرب عند عدم نجاح اللاعب الذي اوصى به و بمناقشة مدربيها عند اصراره اللعب على طريقة معينه رغم فشلها
نحبك ياسمو الامير ونقدر كل مجهوداتك انت واعضاء ادارتك لكن نحن الرقم الصعب ومن حقنا ان نفهم وش السالفة فاذا كانت قناة الزعيم وجوال الزعيم اشغلتا الادارة عن الفريق فالفريق اولا
ونعيد ونكرر ( حسين الحبشي ) او ( عبدالعزيز الخالد) ومهاجم افريقي