ياشباب رسايلي مدري وين راحت ؟؟؟؟ - نادي الهلال السعودي - شبكة الزعيم

هلالي للغااايه · #1 18/09/2006, 05:53 PM

السلام عليكم ورحمة الله وبركاته

كيف حالكم يازعماء

ياشباب انا عندي جوال N 70 وطلعت الشريحة الاولى وركبت شريحه ثانية وبعد ماخلصت رجعت الشريحه الاولى

وكان فيه تقريبا 100 رساله ماحصلتها مدري وين راحت ياشباب تكفوون والله رسايل مهمه اللي عنده الحل يعلمني تكفووون

مدري الواحد اذا غير الشرايح تنمسح الرسائل اول مره اشوفها انا اخبر المكالمات الصادرة والوارده تنمسح لكن الرسائل اول مره اشوف

تكفون اللي مرت عليه المشكلة طلبتكم ياشبااااااااااااااااب

ويعطيكم العافيه مقدما

figo622 · #2 18/09/2006, 07:38 PM

يالغالي انت رسايلك اول على اي ذاكرة ؟

هلالي للغااايه · #3 18/09/2006, 09:29 PM

انا رسايلي على كرت الذاكرة

عبدالله عبدالرحمن · #4 18/09/2006, 09:49 PM

حول الرسايل على الذاكره وشف

figo622 · #5 18/09/2006, 10:24 PM

رح للرسائل >> خيارات >> الضبط >> أخرى >> الذاكرة المستخدمة

وغيرها من الهاتف إلى الذاكرة

هلالي للغااايه · #6 18/09/2006, 10:42 PM

مافيه شي لاذاكرة الهاتف ولا الميموري كارد --- وحتى لو كانت محفوظه في ذاكرة الهاتف ليش تنمسح اذا غيرت الشريحه بصراحه اول مره تمر علي الحركة هاذي

figo622 · #7 18/09/2006, 11:42 PM

طيب ممكن الرسائل محفوظة على الـ sim !!!

طيب رح للرسائل >> خيارات >> رسائل بطاقة sim

جرب ورد

هلالي للغااايه · #8 19/09/2006, 04:00 PM

اخوي ادري اني اشغلتك وازعجتك معي لكن والله الرسايل فص ملح وذاب اختفت نهائيا جربت كل شي لكن مدر ي وش السبب

لكن انا بسأل سوال لو الرسايل محفوظه في الجهاز تنمسح اذا غيرت الشريحه ولالا؟؟

figo622 · #9 19/09/2006, 04:05 PM

طبعاً لا

ومشكلتك عجيبة !!

لكن العين بصيرة واليد قصيرة

اعذرنا يا أخوي مشكلتك ما لها حل

هلالي للغااايه · #10 19/09/2006, 05:40 PM

والله ماالومك اخوي انت ماقصرت وانا مشكلتي بايخه ومعقده في نفس الوقت لاحول ولا قوة الا بالله

يعطيـــــــــــــــــــــــــــك الف عاااااااااااااااااااااافيه

~SaKaB · #11 19/09/2006, 05:44 PM

لو عندك وصلة الميموري كارد للكمبيوتر يمكن تفيدك في استعادة الرسائل

هلالي للغااايه · #12 19/09/2006, 08:03 PM

هلا اخوي سكب الهلال اذا كنت تقصد الوصله اللي جايه مع الجهاز تراها موجوده عندي بس ابغى اعرف كيف الطريقه الله لايهينك وياليت تفيد ان شاء الله

يعطيك العافيه

نبض المشاعر · #13 20/09/2006, 04:07 AM

هلااااااااااااااااااالي انا بعد قدر صار للي هالحركه

واذكر اني كنت مركبه برنامج يخفي الرسائل

والصور وطقتها ...

دخلت عليه بالصدفه ومدري وش ضغطت عليه

إلا وتختفي الرسائل ولا عاد توصلني اي رساله جديده ابد

المهم انا استغربت هالشيء واجلس احوس بجوالي وضغطت نفس الشيء اللي انا كنت ضاغطتها اول بصدفه

إلا فجأه ترجعععععع رسائلي ومعها رسائل جديده ...

اللي ابي اوصله لك..

يمكن تكون انت مركب برنامج يخفي الرسائل

وتكون ضغطت عليه وانت ما تدري

وهالشيء هو اللي اخفى الرسائل ...

::

شوف البرامج اللي في جوالك والله يرد رسائلك لك,

حمـ(الهلالي)ــد · #14 20/09/2006, 11:39 AM

كلام نبض المشاعر صحيح لان في برنامج مختص للرسايل ويخفيها لكن في حالة ان الجهاز صار له فورمات او برمجة لكن تغير الشريحه مو معقوله
...الله يخلف عليك بالرسايل

هلالي للغااايه · #15 22/09/2006, 12:43 AM

والله ماعرف ذا البرنامج واول مره اسمع فيه وجهازي جديد ماركبت فيه اي شي

الله يعوض علينا بس

يعطيكم العافيه على المشاركة والمواساة