|
مـــاركة بــ12000ألف ريال!!! لوحة سيــارة بـ150000 ألف ريال!! تمـيز أم تزييف!! بسم الله الرحمن الرحيم مجـبولة النفــس الأنسانية على حـب التمــيز والجمال الأنسان بطبعه وباختلاف جنسه يجذبه المميز ويعجبه النادر فلذا هو يتمنى الحصول عليه لكن ! هل معنى هذا أن أتميز من أجل التميز نفسه !!أتميز بقيمة شنطة ماركتها غالية حتى يقال عني صاحبة شنطة غالية ! أتميز بساعة ماركتها غالية حتى ينادوني يا صاحبة الساعه الغالية !! اأي تميز هذا !! أي طموح هذا!! أي مصطلح يمكن ان نطلقه على صاحبة هذا المنطق !! أحيانا لاتشتري الشنطه لجمالها !! بل تشتريها لغلاء سعرها فالغالي أصبح المطلوب عوضاً عن جمال السلعه!! يمكن هناك شنطه حلوه بس سعرها عادي ويكون فيه شنطه عاديه لكن سعرها غالي فهذي طبعاً الافضل لان سعرها أغلى ومن كان سعرها أعلى هي من أتباهى بها!! أنا فعلاً أتعجب من عقول تفكّر بهالطريقه!! تنشدين تميز من ساعة وشنطة ومجوهرات!! تنشدين تميز يستطيع الغالبيه ان يمتلكونه!! التمــيز الذي بحثتي عنه اسمحي لي مايندرج تحت مصطلح التميز الذي يعرفه العقلاء!! التميز اللي فعلاً نبحث عنه ونتمى نكون من أهل هالتميز هو التميز الذي نصنعه بأنفسنا بأطبعانا بأخلاقنا بمواقفنا بتعاملنا مع الكل الصغير والكبير القريب والبعيد الصديق والعدو!! تميز لايشترى ولايباع تميز تصنعه نفسي ولا تتصنعه !! من الممكن أن تشتري كل ماتريدين وتغيرين متى ما أردتِ !! لكن من الصعب والمستحيل أن تشتري أخلاقاً وطباعاً وتعملين بها !! لم نخلق كلنا على حق وكلنا بشر ونخطئ ولكن تعلمنا كيف نمارس في حياتنا :) تعلمنا كيف نتعلم من اخطاء غيرنا :) نتخذ من سلبيات الاخرين ايجابيات لنا فسلبياتهم لا نقع فيها !!:) رسالتي الى فتاة مجتمعي الغالي::) يجب أن تكون همتنا وأفكارانا وعقلياتنا أكبر من شراء حقيبه غاليه او ساعه قيّمه فلا ترهقي والدك ولا تتعبي زوجك ولا تهدمي حياتك!! هناك فتيات يطالبن بأسعار خياليه من اجل شراء مستلزمات انا اعتبرها بصراحه بأسعارها المطروحه تافهه سعر شنطه يوازري راتب موظف بالشهر معقوله !! هل يعقل موظف يتعب ويشقى كل يوم صيف شتاء وراتبه يروح في شنطه بصراحه شر البلية مايضحك:D ابحثي عن التميز فمن حقك ولكن ليس على حساب حقوق الاخرين!! تميزي ولكن على حسب القدره !! تميزي ولكن اذا كان فعلا على قدر الاستطاعه!! وان شاء الله كلنا نتميز بطاعتنا لله عزوجل ومن ثم والدينا ومن ثم اخلاقنا وتعاملنا مع الاخرين ومن ثم باغراضنا الحلوة بس اللي ماتكون على حساب ارهاق الاخرين!!:D تمــيز الشباب!! معنا أنت ممــــــــيز : ق م ر 015 للتميز أصولة فابحث عنه لدينا !!! ب150000لوحة سيارة !!!! والمزاد توه مفتوح يعني يمكن يتدبل السعر!!:D حشى والله مهب لوحة هذي هذي معرض سيارات سعرها:D طبعاً عشان التسويق يكون أكثر يرزون هالكلمة للـVIPعاد يتحمسون يشترون :D 055؟05؟؟05 هذا الرقم لا يستخدمه الا النوادر فهل تريد أن تكون منهم !! اتصل لتتميز!! من جد أنا أتسائل ليه صار طموح الشباب لوحه مميزه ورقم مميز ليه!! لو مافيه اقبال ماكان فيه نجاح للتسويق!! مزادات واعلانات ودعايات واللي معه لوحه مميزه معروف واللي رقمه مميز هذا مشهور واللي واللي !! ليه الطموح مهزوز ليه تشكّل لك هالتفاهات جانب من تفكيرك وطموحك !! ليه سيارتك ماتتجمل بروعة اخلاق صاحبها قبل ارقام لوحتها!! ليه جوالك مايتزين بروعة اختيارك لأصحابك اللي تهاتفهم!! ليه تهتم برقم يؤدي نفس غرضه اي رقم!! ليه تتذكر المهم وتنسى الأهم !! كيف أدفع مبالغ خياليه ومبالغ فيها من اجل أمور أنا من وجهة نظري أرى انها تافهه!! ابحث عن التميز حالك كحال من يبحث عنه! لكن لايكون على حساب منهجيتك وتفكيرك كأن تقدّم اشياء على اشياء!! تشتري لوحة سيارة بدل من قطعة أرض !! تشتري رقم جوال بدل من سيارة!! ابداء بالأهم فالمهم حتى تعرف كيف توازن من دون عرقله!! رسالتي لشباب مجتمعنا!! النجاح والأشارة لك بأنك متميز هي ليست بالارقام المتشابهه والمعاني الجذابه!! تميزك هو الاشاره لك في كل مكان من اجل شخصيتك انت !! وليس الاشاره لك في الشارع من اجل لوحة سيارتك !!! نتمنى باءذن الله أن من يفكر من منطلق هذه الزاويه هم قليل وباءذن الله سيكونون من النوادر حتى تختفي ظاهرة التميز المزيفه!!! آسفه جداً لأطالتي ولكن موضوع أحببت طرحه ومناقشته معكم لنعلم ماهي الأسباب الحقيقية خلف كل مايحدث لشبابنا وفتياتنا من الهلوسه بالتميز المزيف !! وكل عام وجميع أحبائنا والمسلمين بصحه وعافية |
ونعم الكلام ياسندريلا والله الصراحة مواضيعك دايم روعة والي يضحك اللي يشتري الأرقام تلقاه مادفع الفاتورة ويعني ش الفايدة ناس دلوووووووووووووووخ واعذريني عالكلمة بس صح |
,,, ,, , اختي الكريمه / سندريلا الهلال من لـ التميز سوى اشخاص تميزوا في محاولة الارتقاء .. ولفت الانظار .. بكل بساطه من يبحث عن ذلكـ .. ويدفع الغالي والنفيس من اجل الحصول على ذلكـ .. يجعلنا نفكر وبكل منطقيه ان هنالكـ نقص في محتوى شخصياتهم ومحاولة ردم ذلكـ بـ اقتناء افخم الاشياء واغلاها .. والتي من خلالها تلفت الانظار اليهم .. هم بـ طبيعة الحال في قمة سعادتهم .. وذلكـ وللاسف اكبر اهتمامهم .. صحيح ان التميز امر مطلوب ,, لكن ليس بـ رقم هاتف محمول .. او لوحة سياره او شنطه .. ولكن التميز الحقيقي هو رقم التسلسل في ترتيب الرقي الفكري في الانسان وذلكـ هو الاساس في كل تميز .. وهو التميز الداخلي لـ الانسان ,, اشكركـِ على هذه الكلمات وحقيقة لم تتركي شيئا الا وجابت احرفكـِ زاويته ,, لكـِ تحيتي .. ولكـِ اعجابي بما تخطه اناملكـِ في هذه الصفحات ,, قلم مبدع .. وقلم مميز يحمل اسمى الاحرف في اناء محبرته النابضة بـ الجمال ,, كوني بخير ...SoMe OnE.... |
شكرا على الموضوع <<<<<< وأهل العقول فراحه>>>>>> |
ههههههههههههههههههههههه والله ناس فاضية .. بجد شر البلية مايضحك .. هذا مو تميز هذا حمااااااااقة والله ... اشتري لوحه علشان يسهل ع الدورية تلقطها ؟؟! الا لو فيه لوحه مخربطة انا اول واحد يبيها <<< من زين لوحة سيارتك .. ان بغيت الحق اختي .. النفس البشرية تحب التميز .. ومع ذلك فهي تزه مافي يدها ... داري ان الجملة كبيره شوي لكن بالمثال يتضح المقال .. مثلا .. الواحد وده يأخذ سياره .. والبنت ودها تاخذ شنطة ..ماركه .. واول ماتملكها تفرح بها كمن يوم .. ثم بعدين تصير شيء عادي .. تحياتي ,,,, |
السلام عليكم و رحمة الله و بركاتــــه ,, هلا اختي سندريـلا ,, ما شاء الله عليتس تعرفين تنقين مواضيع من كثر ما تدورين بالاسواق شكلتس صار عندتس ذوووق بالاختـيار :d .. و الله انتس صداقه بكل كلمة قلتيـه .. يعني شوفـي عمتي .. تـقول شفت فستان ببرج الفيصلية مدري المملكة حقكم ذا :d .. فـستان بــ 24 الف ريـال او بــ 14 الـف ريـال :mad: .. بس عشانه ماركة عالمية و ببرج المملكة مدري صلبوخ حقكم :mad: .. و تـجي و تصـور الـفستان و تشتري نفس انواع الاقمـشة .. و ودتـه خـياط و سواه لـه بمدري كـم و تقـدرين تقولين نفـس الشكل :d .. و لا قبل اسبوعين كنت بمحل ستاير .. و راعي المحل يقول لنا الانواع و قلنا ذا بكم و قال المتر الظاهر بـ 50 ريـال ما اتـذكر :d .. المهم ابي اقول لكم الفكرة ما علينا من السعر .. مثـلاً الصناعة الوطنية المتر بـ 50 ! الامـريكي اللي يحوم التسبد المـتر بـ 300 :mad: ! قـسم بـالله مصخره .. الناس تحب تسوي نفسـها بكل شئ CoOoOoOoOoOoL :d .. الله يهدييهم .. *** السلام خير ختام .. *** |
الي معه خلوه يتمتع لانه لو دفع مليون مو فارقه معه ..!!! الله يرزقه ويرزق الجميع .. |
السلام عليكم اختي سندريلا موضوع متميز ويستحق المناقشه نقطه اولى يوجد مثل يقول الغالي حقه فيه مثلا شريت محفضه بــ200 ريال هل راح تكون جودتها مثل الي بــ50 ريال في الامر هذا نبحث عن الجوده وليس التميز نقطه ثانيه بكل امانه اذا الشخص تميز يامور مثل شنطه سياره لوحه رقم مميز نظره الناس تختلف له ولكن هذه النظره زائفه فهم لا يتقبرون للشخص بعيمه ولكن يتقربون الى ما يملك من مقتنيات تشــــــاو |
مشكورين على موضوعك اختي بس انا اشوف انه فيه ناس ماعندها مشكلة انها تدفع زيادة عن السعر المعتاد عليه ... عشان يتميزون زي ما انتي مثلا ماتحبين انه في المناسبات تتميزين بلبس معين او اكسسوار افضل من الموجودين ... هي نفس الفكره عند اصحاب اللوحات او اصحاب الجوالات .... بشرط ان يكون الفرق معقوووول .... لكن بالنسبة للمبالغ اللي تكلمتي عنها مثل 150000 للوحة سياره او 50000 لرقم جوال فهاؤلاء قله من المرضى في المجتمع وهم قليلون جدا .. ومثل ما قالوا ( الشاذ لا حكم له) ومشكورين على موضوعك |
انا من وجهة نظري المتواضعه :d ارا انه مافيها اي شي ان الواحد يتميز او يميز روحه مثلاًلو اشتري ساعه 3000ريال ماركة وفخمة بس اني اعرف اني لاشريت هالساعه ابي اكرفه وانتم بكرامة كرف حمار (احلل فلوسه) يسير عادي لاني ادري بخسر3000 بس بالمقابل بربح اني اسير مميز معي ساعه غاليه وفخمه وتعيش معي اكثر من5سنين يعني موب متحسف على3000ريال الي راحت بس اني اشتري مثل ما قلتي إقتباس:
ولا يدري من وين تجي الفلوس اهم شي انه الشيءاللي يبيه يسر عنده وخلاص:upset: يحسب ان السماء تمطر عليه فلوس كل مابغى:thumbup: وأخر شي اقولتس شكراً اختي/السندريلا على الطرح الحلو للموضع الاحلا من الحلو |
في الواقع النفس البشرية مجبولة على حب التميز ولكن أعتقد التميز بحدود .. لكن السؤال المفروض ما الأسباب التي أدت إلى ظهور التميز وبشكل جنوني : ~ مظاهر الحياة الزائفة والاعتقاد بأن التميز يقتصر على ماركة معينة أو قيمة معينة ما فائدة التميز المادي دون التميز الأخلاقي .. ~ مجاراة التيار فنظرة الأكبار والاحترام تنقاد لأصحاب الماركات ولا شك هنا مفهوم خاطىء وقاصر فكل نفس تتميز عن الأخرى بتميز فطري سواء من خلال الأخلاق أو المنطق أو الأفعال .. ~ الفراغ لدى الكثير فأصبح الشغل الشاغل كيف يتميز .. ~ حب التقليد والمجاراة لأصحاب المقامات الأكبر والدخول في صراع وحلقة مفرغة بأنه لا فرق بيننا وبينهم وأن هناك عدم تميز طبقي بين الجميع .. ~ تحقيق الشهرة والصيت ومحاولة لجذب الأنظار واعتقد من وجهة نظر محاولة فاشلة فكل شيء مادي طريقه للزوال ويبقى التميز الأخلاقي أولا وأخيرا .. والأهم كيف نتميز عن غيرنا : بالأخلاق والأفعال الطيبة ولا شك هو مطلب كل إنسان عاقل مدرك .. الشكر ينقاد على تميزك في طرح الموضوع :) |
الله يعـطيكم ألف عافية ان شاء الله أثريتوا المـوضوع بارائكم ومداخلاتكم وارائكم الرائعه واللي وضحت كثير من النقاط في الجانب الحسن للتميز والجانب السيء له..!! |
اهلا اختي سندريلا ،، اذكر ان احد اصحاب اللوحات المميزه اشترى لوحه قيمتها ب 200 الف وسيارته قيمتها 140 الف !! :D بس كنت اتوقع موضة الارقام و اللوح موضه و تنتهي وللأسف وجدتها مستمره أكثر .. احد الزملاء يدرس في امريكا وهناك اذا اشتريت سياره يحق لك ان تختار لوحتك " الارقام و الحروف " وكان يريد نفسة لوحته اللي في الرياض !! هذا وهو راح يدرس شفي عقدة اللوح المميزه وين وصلت !! :D على العموم .. وايضا الاسراف هذا برأيي لا يجوز لانك تشتري لوحه مميزه بسعر 20 الف وهناك اطفال ونساء لا يجدون لقمة عشاء أو ملابس في الشتاء .. وانت تشتري لوحه تكفل ربما 50 عائله .. لكن توعية الشباب والبنات مهم جدا لمثل التبذير الذي ليس في محله .. |
سندريلا ماتكتبينه يمثل واقعنا ونبضنا لا املك اي اضافة على ماسطرته اناملك المبدعة يعطيك العافية سندريلا :) |
يعتبر التميز عند بعض الناس شيء ضروري ومهم ويعبر عن حالتهم الماديه اللي هم عليه سندريلا مواضيع تهمنا جميعا بارك الله في طرحك |
| الوقت المعتمد في المنتدى بتوقيت جرينتش +3.
الوقت الان » 11:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd