|
هلا سندريلا الهلال .. مشكلتنا اننا ما نعرف نتميز !! دايم تفكيرنا سطحي وظاهري !! بالنسبة للبنات ما اقدر افتي :d البنات ما شاء الله في المنتدى كثروا .. عشان كذا بأترك لهم هالشئ .. اما الشباب بصراحه اعتبر اللي يدفع مبلغ كبير في هالأشياء سخيف ومريض ومخفه وغبي وتافه وحقير ومنحط :d << اعصابك يا صدى :d يعني صح شئ حلو اذا كان رقم جوالي متشابه ومميز والا رقم لوحة السيارة .. لكن اني اروح وادفع مبلغ وقدره عشان هالشئ معصي ومليون معصي !! على الاقل اسافر بها ابرك لي :d << ما ينفع يفكر :d لا جد وش ابي استفيد اذا شريت رقم بذيك القيمة !!؟؟ والا لوحة سيارة بذيك القيمة بعد ؟؟!! مهوب ابرك لي اني اصرفها على اشياء تستاهل ؟؟ صح البعض يستفيد من هالشئ كـ تجارة .. !! لأن فيه كثير من الأرقام هذي اللي تعرض للبيع ناس ماخذينها كـ مكسب لهم !! لكن مثل ما قالوا رزق المهبل على المجانين !! والا وش اللي يخليني ادفع مبلغ وقدرة عشان رقم جوال والا لوحة سيارة !! عشان اصير مميز !! عمري ان شاء الله كله ما صرت مميز :d اذا كان التميز بهالشكل خلوه لكم وما ابيه بكل صراحه :d انا (( واعوذ بالله من كلمة انا )) صحيح اني مميز من يوم ما طلعت على الدنيا .. والدليل انه يوم ولدتني الغالية الله يحفظها من كل شر طفى الكهرب في المستشفى :d !! والدليل على تميز اخلاقي اني الطالب الوحيد اللي ماله شهادة حسن سيرة وسلوك :d !! والدليل على تميز جمالي انهم دايم يهددون الصغار اذا ما عقلوا انهم يجيبون لهم صدى الامس :d !! والدليل على تميز روحي المرحه اني دايم اذا سولفت محد يسمع لي والا يضحك :d !! احس اني طولتها وهي قصيره .. يالله وين الباب بس :d المختصر ان هالأشكال مرضى ربي يشفيهم !! تحياتي لكِ .. *** اعتذر لـ مبلغ وقدره لأني هلكته بهالرد :d |
دائما وأبداً ماتطلين علينا بموضوع نقاشي اجتماعي حسّاس ,, اما عن التميز وعالم التميز , فهم الكثير معنى التميز بمعنى خاطئ التميز من وجهة نظري أن يراك الآخرون متميزاً لا أن تصنع التميز لنفسك ,, ومن الفطره أن الانسان يبحث عن التميز ,, ولكن التميز بعلم او بثقافه او بفكر راقي ..الخ اما التميز الذي ظهر علينا في وقتنا الحاضر تميز مصنّع .. صنع من كانوا يعتقدون أن التميز بلس الغريب او الثمين ,, قال احد علماء النفس ان الشخص الذي يبحث عن التميز بمثل هذي المظاهر شخص يشعر بالنقص في شخصيته فيحاول ان يطمس ذلك النقص باشياء غريبه .. وقال ان الحل مع هؤلاء تجاهلهم فقط .. ولو انه في وقتنا الحاضر مستعد الشخص ان يضحي بماله او ان يستلف من اجل التميز .. هذا حالنا .. نبحث عن التميز بمقومات خاطئه وافكار تائه ,, اتمنى من الله العلي القدير أن يصلح حالنا ,, وان نرجع لصوابنا ,, دمتي بخير ..وكل عام وانتي بالف صحه وخير |
السندريلا وللإبداع بقيه دائماً تنتقين القضايا الحساسه لمناقشتها وهذا مايميزك أيتها المميزه تدرين معك حق لأن الظاهره منتشره وأعتقد هؤلاء عندهم نقص يغطونه بهذا الشي تخيلي ولد عمي بايع سيارته عشان يشتري فستان لزوجته باعها ب24 الف لما عرف عمي وراح بيرجعها لقاها معروضه ب50 الف والقهر أن عمي هو الي شاري السياره هذا اللي مايتعبون على الفلوس ما يعرفون قيمتها لأنه عارف بتجيه سياره ثانيه يعني هذي مشكله الأشخاص الصغار بيبقون صغار لأن هذا مستوى تفكيرهم والا زوج اختي بايع ذهبها يشتري جنوط لسيارته ناس خالين من المسؤليه والتربيه تلعب دور في هذا كل الشكر لك السندريلا مزيد من التميز والتألق غاليتي بالحب والإشراق |
مرحبا سندريلا:) ... إقتباس:
بس يختي مايمنع اتميز في أشياء بإستطاعتي اتميز فيها ;) ... عندك مثلا لبسي:D ... اكره ماعلي أشوف أحد لابس زي لبسي وبنفس المناسبه:upset: ... لذا تلقيني اهج عن المحلات اللي دايم الناس يشترون منها:yes: واكيد أنك تعرفينها:D ... مع أنه بعض الأحيان يجيبون أشياء تعجبني:yes: ... بس ماأفكر اشتريها:no: ... أما من ناحية أني اشتري شي غالي عشان سعره وهو ماعجبني فأنا ضد هالشي:nono: ... والناس اللي تسوي مثل كذا اسمحيلي أقولك أنهم سطحيين:yes: وحتى حقين اللوحات والأرقام المميزة أحس مالهم سنع:no: ... مار الأرقام وشوله مميز:D الحين الحمد لله ماصرنا نحفظ أي رقم:sleep: الله يعافي الجوالات ندق بالأسم لا نناظر الرقم ولا هم يحزنون:D ذاك منول اللي نحفظ الأرقام:yes: ونبيه سهل عشان أسرع للحفظ:D خلاص أحس طلعت حكي واجد :razz: ... يعطيك العافيه سندرلا على هالموضوع:) |
لاهنتي ياسندريلا على الموضوع الرائع وماقصرتي تحيتي لك |
الله يعطـيكم ألف عافية جميعاً رائدة حسبي الله على ابليس ولد عمك وزوج اختك وشو هذولا من جد الدعوه عندهم عادي اجل جنوط:(:(:( الله يهديهم ويثبتنا ان شاء الله |
والله ناس مليانه فلوس مايدرون وين يحطون فلوسهم فيه :d |
يعطيك العافية تحياتي |
الله يعطيتس العافيه سن سن كلامتس بالصميـــــــم لا وهالحين طايحين بالماركات اتحدى بنت ابوها تمشي من غير ماركه القهر ان اغلبية الماركات هنا مقلده حتى لو شريتيها من محلها الاصلي هنا مايوصلنا الا المقلد لاقين مهبل وناس دفيعه الحمدلله على نعمة العقل |
الله يعطيكم العافية جميعاً واللي يثلج النفس بصراحه ردودكم وامتعاضكم من التميز اللي مايعرف حدود التميز بقيود هو ماننشده جميعاً موفقين يارب |
ياسندريلا التميز والله طرحتس الجميل والبنّاء :) التميز هم اغلب الشباب والبنات .. وزي ماقلتي يبحثوون عن الماركات الغاليه والارقاام المميزه حتى تصدقيين حتى العدادت حقت البيووت يدوروون ارقام مميزه صراحه اسميه هوووس الشباااااب ... وهم مع الاعلانات مع الخيل ياشقرا من يشوفوون كلمة تميّز وهم طايرين يشتروونه .. بالعكس مايدروون ان الناس ينظروون لهم نظره ثانيه لأن هذا محط اهتمامهم وتفكيرهم المفروووض يجعله همه اكبر وطموووحه افضل عشان يرتقي الف شكر للمميزه في مواضيعها سندريلا ..دام قلمتس مميز ومتوهج .. دمتي بخير ..,, |
إقتباس:
جنط الحمد لله والشكر يقولون مد رجوالك على قد لحافك |
عوافي سندريلا الهلال واحييك صراحه على انتقاء مواضيعك اللي تلامس الواقع .. جيت ابرد واتفلسفس شوي لكن لقيت رد فيه كل اللي اقوله وزود بخاشيش بعد :D ,, إقتباس:
كان ودي اناقش معكم .. بس لظروف الوقت التواجد المؤقت خير من الغياب الكامل,, |
الله يعطيكم العافيه حضوركم شرف ونقشاكم ثري موفقين يارب |
موضوع اروع من الرائع بس انا حبيت اقول ان في وااااحد من الحاره انه يقوووووووول انه بيشتري لوحه مهم 555ب20 الف وانا قلتله اتحداك تشتريهاا راح هو وباع سيارته اكوورد وشرى اكسنت على شان يشتري اللوحه ....!! ناااس مرضى..., |
| الوقت المعتمد في المنتدى بتوقيت جرينتش +3.
الوقت الان » 04:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd