نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)

- منتدى الجمهور الهلالي (http://vb.alhilal.com/f28/)

- - بخصوص جوال الهلال (مهم جداً) (http://vb.alhilal.com/t329618.html)

MOOWADA

17/09/2006 07:58 PM

بخصوص جوال الهلال (مهم جداً)

السلام عليكم
كيف حالكم إنشالله بخير

جوال الهلال غير نظامه اليوم وخلا قناتين لأخبار النادي
قناة خاصه بالتمارين والتعاقدات والقناة الثانيه خاصه بنتائج المباريات.
والحين أنا عندي مشكله ومشكله كبيره بعد وهي أني صرت مشترك بالقناة
الخاصه بنتائج المباريات وما أقدر أشترك بالقناه الثانيه الخاصه بالتمارين
والتعاقداة>>>>>>>> بتقولون ليه ..... لأني مقيم خارج السعوديه للدراسه
ولا أقدر أرسل رساله للرقم 5111 :wallbash: :no: .
والمصيبه الأعظم إني ماراح أرجع للسعوديه الا الصيفيه الجايه .
فياليت إذا فيه أحد يقدر يساعدني بهالموضوه أكون ممنون له

الكناري الأزرق

17/09/2006 08:07 PM

السلام عليكم و رحمة الله و بركاتـه ..

مالك الا حـل واحـد ,,

اشترك الصيفية الجايـة :d ,,

MOOWADA

17/09/2006 08:19 PM

إقتباس:

الرسالة الأصلية كتبت بواسطة الكناري الأزرق (مشاركة 3955845)

السلام عليكم و رحمة الله و بركاتـه ..

مالك الا حـل واحـد ,,

اشترك الصيفية الجايـة :d ,,

يازينك وأنت ساكت وأنا إخوكs77s

الوافي001

17/09/2006 08:39 PM

مادري بس لو ترسل رسالة خاصة لاحد مسؤوول هنا يمكن يقدر يفيدك ..

وما عليك اخوي من الردود اللي فوق لازم تتحمل يحبون يمزحون :) ..

الوافي001

السلماني

17/09/2006 08:45 PM

والله تعبنا مع جوال الهلال كل يوم قناة جديدة باشتراك جديد .. يعني كل قناة صارت عشر .. بالنسبة لي خلاص ابي الغي اشتراكي لان المسألة صارت استغلااااااااااااااااااااال للأسف الشديد ... لا ومن شين الطبع يقولون ارسل رسالة فاضيه على شان تعرف القنوات الجديده .. لا ياخوي مابي اعرف القنوات الجديدة جوالكم لكم ... و12 الهلله لي ... والله يستر لايصير بكرة لك لاعب قناة .. انا بصراحة ابي اشترك في قناة خالد عزيز ههههههههههه وفهد المفرج هههههههههه

الله واكبر ياخوي وش انت حريص عليه ؟ ههههههه حريص على اخبار خالد عزيز بالتمرين هههههههههههههههه ..

بالنسبة لي راح ألغيي الاشتراك ... ادري بتقولون بكيفك ادري بكيفي .. مثل ماكان بكيفي يوم اشترك ..

دمتم بود ..

اخوكم السلماني ..

هلالي رغم ابتعادي

17/09/2006 08:48 PM

علمي علمك

زعيم زعيم زعيم

17/09/2006 08:58 PM

بصراحة تصرف استغلالي .. ولم نكن نتوقعه من جوال الزعيم.

ياخي هذا نادينا ونبي نشترك في قناة وحده عشان نعرف كل شي عنه .. مو توزعونها قنوات ونقعد نشترك ونشترك وفجأة نلقى انفسنا مشتركين في 7 قنوات وحنا ماندري.

يعني من كثر مباريات الهلال هاللي بتهلككم؟؟ ترى كل الي يجي عن طريق قناة الهلال الفريق الأول رسالتين .. خبر غير مهم .. وملخص التمارين .. يعني بالعربي ادخل المنتدى واشوف التمارين بالصور احسن.. واذا جيت للنتائج بتلقى مباراة كل اسبوع وفيها هدفين او ثلاثه ونتيجة الشوط الاول والشوط الثاني يعني بالكثير خمس رسايل في الأسبوع..

وش ذا الإستغلال؟ تراني مااشتركت والله ابي اعرف الأخبار ... لا الأخبار موجوده في النت ونعرفها قبل لا يرسلها جوال الهلال والمباريات الحمدلله يااكون حاضر في الملعب والا باتابعها في التلفزيون .. انا مشترك عشان استفادة الهلال..

MOOWADA

17/09/2006 09:35 PM

يعطيكم العافيه وماقصرتو
لكن من هم المسؤليين عن الجوال المتواجديين بالمنتدى عشان أقدر أراسلهم
لأني ما أعرف ولا واحد منهم

taroki

17/09/2006 10:17 PM

والله قهر وظلم ......

هو صحيح نحب الهلال ... لكن المفروض يخفون علينا شوي .. يعني بالله عليكم وش ذنب الي دخله بسيط جداً ؟؟؟؟

انا اضم صوتي لصوت الاعضاء اللي طالبوا بأنه يعود لنا جوال الهلال كما عهدناه ... النتيجه اول بأول مو كل نهاية شوط تجينا النتيجة .. الواحد تكون عنده ظروف عملية ما يقدر يشوف المباراة ... عموماً يا ليت تكون جمييييييييييع اخبار الفريق الاول من تمارين وتعاقدات ومباريات وتصاريح مهمه للادارة عن طريق قناة وحدة ... عالاقل عشان اصحاب الدخل البسيط ... يا ليت يا ابو سلطان ... والله انها امنيه يا وجه الخير على كل الهلاليين

وتحياتي واسف على الاطالة

HILALY_BOY

18/09/2006 02:11 AM

استغلال بكل معنى الكلمه ماصار جوال الهلال صار الدعوة شركة الاتصالات ميب بعيده يوم السابر صار عضو شرف في الهلال كال ياولد خلنسترزق من جمهور الهلال وننفع شركتنا هاهاهاهاهاهاهاهاهاها

الرايق الازرق

18/09/2006 03:55 AM

اليوم الجمهور مشعلل على جوال الهلال

الوقت المعتمد في المنتدى بتوقيت جرينتش +3.
الوقت الان » 02:23 PM.