اول شي ابارك للجمهور الهلالي الفوز بغض النظر عن المستوى اللي نتمنى انه يتحسن في الايام القادمه ... اللي ابغى اقوله انه في لاعب صغير في عمره كبير في مستواه ..... محمد القحطاني ..... هذا اللاعب حبيته من اول ماطلع ، لاعب يؤدي باخلاص ومهاراته عاليه وجت مباراة اليوم واللي سجل فيها هدف جميل لتكون فرصه لالقاء الضوء عليه ، انا اشوف انه ممكن انه يبدع اكثر و اكثر في المستقبل القريب ولكن بشيء من الدعم المعنوي لهذا اللاعب والتشجيع من الجمهور الهلالي الواعي واللي يقدر يفرق بين اللاعب الواسطه واللاعب اللي يستاهل انه يمثل الازرق ، وصراحه مافيه من الجدد الا هو والصالح والباقين للأسف اي كلام .
أخيرا ...... حسين العلي ..... ليش مايلعب ؟ لاعب قناص من الدرجه الاولى وحراااااااااااااااااااااااااام يلعب مكانه ادميلسون ؟؟؟؟؟؟!!!!!!!!

اتمنى اني ماطولت عليكم في اول مشاركه في هالمنتدى العالمي المليء بالابداعات الهلاليه الواعيه التي تمثل صفوة الجمهور الرياضي في المملكه . وآسف على الاطاله

اخي العزيز..هلالي ابا عن جد..هلا والله وغلا بك

على قولك مافيه الا فيصل الصالح والقحطاني. اما الباقين فبدون تعليق.

بالنسبه للقحطاني انا تفائلت كثيرا لما شفته يلعب ولـــكـــن..

بعد ماجاب الهدف حقه والحركه اللي سواها انصدمت ((طبعا انا اقصد

حركة الثنيان اللي يشير فيها بعد الهدف للجمهور بيديه)) يعني الرجال

يبي يصير يقلد غيره. وانشالله اني اكون غلطان ويتوقف الموضوع عند مثل

هالحركه بس .

عموما رسالتي للقحطاني ان جمهور الهلال يبغاك لك انت مايبغاك عشان

تكون ثنيان 2 ولك في الشلهوب عبره ..ما حاول

يكون اي شخص ثاني فقط بحث عن الموهبه اللي عنده..ولا تسوي مثل

ال.... اللي يبي يقلد مشية الحمامه ولا جاب لا مشيته ولا مشية الحمامه.

.يعين الله .

بصراحه اول ماقريت العنوان حسبته عن تركي القحطاني ....
لكن الحمدلله ما صار هو .........
اما بالنسبه لادملسون ...... بالله هذا لآعب ؟؟؟؟؟؟؟؟؟؟
يعني حرام ادفع فيه لو ريال واحد ....... لو يعلب محله اي لاعب من الحواري ابرك ...

الاخ موادع .. يعطيك العافيه .. انا معك ان التقليد هو مقبره للاعب بس انا متأكد انها كانت حركه عفويه من اللاعب وممكن تكون اهداء الهدف ليوسف اللي كان موجود بالملعب ( ماني متأكد ) بس هو راح لمكه مع الفريق ، وشاكر لك مره ثانيه

الاخ يوتيرن .. صرحه لو بعبر عن اللي بداخلي عن تركي القحطاني كان احتجت لمجلدات .. هذا اصلا غلطة الهلال وحرام نقعد نكتب فيه والكل متفق على انه اسوأ الهلاليين .. ويعطيك العافيه