الــــــــــ,ـ,ـ,ــــــــــــــلام



كيفكون ان شاء الله منيحين
<===(( يشجع النجمه اللبناني))


نبدا بربستنا بموضوع يقهر من جد


نترككم مع البربسه







القناة الرياضيه

كثر الكلام عن القناة الرياضيه

وأنها قناة عشوائية الطرح

مالها سياسات محدده

البرامج تتم حسب ميول المقدم

الاخبار انتقائيه لدرجه كبيره

تبون تعرفون السبب

اسمعوا السالفه ذي

(( مره قابلت واحد من العيال في كوفي بعد سلام وكلام قال ترى فلان يسلم عليك قلت وينه قال كان موجود وطلع راح يغطي وصول دينلسون من المطار
قلت ليه وش دخله يغطي وصوله قا ل الحين خوينا شغال في القناة الرياضيه (( طبعا اخو خوينا يصير مذيع في القناة وجايب له الشغله بالواسطه )) قلت وش يشتغل
قال يشتغل كلش معد برامج مراسل اي شي يسويه ))

انا انلخمت يعني معقوله يصير هذا الشي
يعني قلنا تغيرت الاداره ونشوف مهنيه اكثر

ليه اللعب هذا

(( للمعلوميه صديقنا هذا يدرس في اول مستوى في الاعلام وقبلها محفر كم مستوى في الزراعه ))



نجي للهلال

لعبنا مع الخليج والحمدلله فزنا عليهم

بس والله ضاق صدري من بعض الاعضاء اللي مالهم سنع

يعني واحد يقول نبي مدافع الخليج عشان دفاعنا شوارع وترى مدافع الخليج قد قطع كوره من الجمعان

والثاني يقول انسوا البطولات

ولاحناب جايبين اهداف لان ماعندنا مهاجمين

والثالث يقول اكرشوا رودريقوا

والرابع مدري من يبي

ليه ياجماهيرنا

ليه الحكم السريع على الاعبين ليه اي خطأ من اي لاعب تطالبون بتنسيقه

اعقلوا ولا تصيرون مثل الجيران المهبل كل شوي ناطين في حلق الاداره
(( لمن يريد المتعه اقول له خذ لك فره على منتداهم والله ان تصفر من الضحك ))


نرجع للتايب

يالله لك الحمد

يحلف لي واحد يقول انه شايف التايب يركض حول الملعب في التمرين وان مافيه الا العافيه وصايرن كنه غزال (( خمسه وخميسه في عين النصر ))

يعني فيه امل كبير انه يلعب قدام الوحده



على طاري النصر

وش السالفه لا يصيرون موقعين مع ندفيد ولا ديل بييرو تراه دينلسون


ان لعب حده شوط

ولا بيصير مثل خوينا جيوفاني لمسات حلوه بس ماش مايعطيك اللي انت تبي

للمعلوميه تراهم معطينه رقم كابتن ماجد 9

مدري ليه تذكرت علي يزيد يوم يطيرون به ذيك الايام



منتخبنا لذوي الاحتياجات الخاصه يحققون كاس العالم

والله انهم ابطال ابطال ابطال

سوو اللي ماسووه لاعبين الملايين

ادارتهم سوت اللي ماسوته ادارة الخطط المطروسه والعلميه

اخونا في الله (( بلا شك ويا اخوان )) مادرى عن المنتخب الا يوم فازوا بالكاس وزي العاده (( يا اخوان المكافأه مضاعفه ))

والله عندي اقتراح

نسوي دمج (( يعني خمسه من عندهم وسته من المنتخب الاول تتوقعون انهم بيفلحون ..؟؟ ؟؟))






* مدرب الخليج المرزوق نموذج للدلخ اللي مافيه امل يفهم

اجل المذيع يقول له ان البعض يخلون اخطاء الحكام شماعه لاخطائهم

قال له انت الشماعه (( يحسب انها سبه ))

لا ويقول ان تفاريس قايل للحكم يا مجنون (( مدري باي لغه قالها بالعربي ولا بالانقليزي ولا بالبرازيلي)) المهم انهم سمعها !!!!!

*


ابن همام يقول اعلم بان كثير من الاتحادات الاهليه تئن (( ترى تئن هذي من عندي ولا موب كفو يقولها )) تحت وطأة (( برضوا ذي من عندي )) الفساد والرشاوي

ويقول اللي صار في الدور ي الايطالي تراه يصير في اغلب الدوريات الاسيويه

الظاهر انه ماشاف نفسه واتحاده النزيه

الظاهر موب يشوف بلاوي فلمبان وطقته شلة السواقين

اقول سقها بس انت وخشتك

* رئيس الوحده جمال تونسي بيسوي عملية في القلب

دعواتكم له بالشفاء العاجل
ان شاء الله يقوم بالسلامه



على العموم انا خلص اللي في مخي

موعدنا في موضوعي القادم


يالله فتكوا بعافيه

يشرفني اكون اول من يرد على بربستك ..

يعطيك العافيه والله كل بربسه احلى من اللي قبله...

* مدرب الخليج المرزوق نموذج للدلخ اللي مافيه امل يفهم

اجل المذيع يقول له ان بعض يخلون اخطاء الحكام شماعه لاخطائهم قال له انت الشماعه (( يحسب انها سبه ))

الله يرجه ..

* رئيس الوحده جمال تونسي بيسوي عملية في القلب
الله يقومه بالسلامه ان شاء الله ..

تسلم maanmaan



كلام من ذهـــب ..


اسمتعت بهذه البربسه الرائعه ^_^


لاهنت يابعدي


والله يوفق زعيمنا امام الوحـده


وان شاء الله يلعب التائب ..


تحياتي

ياخي انت فله
ودي اصير صديقك هههههههههههههههههههههههههه
بس حقت مدرب الخليج علي الابواب
شكرا علي البربسه الحلوه

بربس يازين العلوم اللي تبربسها

يعطيك العافيه

وبالنسبه للتونسي الله يقومه بالسلامه

تسلم انت وبربستك الي وسعت صدورنا والله يوسع صدرك


شكرأ لك

مشكوور

مشكووووووور أخوي على ((البربسه)) الأكثر من رائعة ... و إلي زادها التلميحات ((الناريه))

الله يعطيك العافيه

تحياتي لك..

* رئيس الوحده جمال تونسي بيسوي عملية في القلب
الله يقومه بالسلامه ان شاء الله ..

شكرا اختي القمر الهلاليه ويشرفني ردك على الموضوع

هلالي بقعاء مشكور ونتمنى نشوفك دايم في المواضيع وان شاء الله نحتفل بفوز الهلال

كنترول مشكور على الرد وما قصرت يالغالي


الرايق الازرق الله يعطيك العافيه ويتقبل دعاك

هلالي كول
مشكور على المرور

الزعيم عمهم مشكور انت بعد




يالله فتكوا بعافيه

أهـلاً هـلاً وأهليـن باللـي حتسيـه زيـن

عـواااافي يـولد الخـال ..,,..

بالتوفيـق للميـلان اليـوم

* رئيس الوحده جمال تونسي بيسوي عملية في القلب


الله يقومه بالسلامه ومايشوف شر ..




اما بخصوص مدرب الخليج .. قله يسلم على السبيعي

ومشكور على البربسه

كــــــــلام سليم بعيووووون هلاليه

ياسلام على بربستك استمر في البربسة

صديقك الســــ الهلالي ــهم

يعطيك العافيه