جابوها بدون 45 مليون..يالاتحاد السعودي . . . مبروك...مبروك...مبروك لكل مواطن سعودي الفوز بكأس العالم لذوي الاحتياجات الخاصة....من زود فرحتي ياناس ودي لو إني كنت معهم بالملعب...أحب راس كل واحد منهم..يستاهلون..يستاهلون..لعبوا وتحس إنهم صدق يبون يفوزون..النتيجة ثلاثة صفر ولا يأسوا...ولا بان عليهم إنهم مهزومين بثلاثة..شوفوا وشلون بس الحماس وش يسوي..ناس تلعب وهي مقدرة الشعار اللي تلعب فيه................بصراحة يا أخوان نجومنا ماخلوا لنا كلام نقوله..مافيه كلمة توفيهم حقهم.... بس ترانا مقصرين معهم..والمسئولين مقصرين والإعلام مقصر...من كان يدري إن منتخبنا لذوي الاحتياجات الخاصة متأهل لكأس العالم..ولا أحد جاب خبرهم..اللهم إلا كل الرياضه بدا يجيب رسالة لهم..لاحظوا بس رسالة مدتها تقريبا عشرين دقيقة وبدون نقل لمبارياتهم...!!!!!!أما المسؤلين..فحدث ولا حرج...يوم تأهلت السعودية لكأس العالم2006 مافيه مسئول يشتغل بالاتحاد السعودي إلا وشفنا وجهه يتكلم عن الانجاز الكبير!!!!وبالأخير وش صار..؟؟..نصهم رجعوا بآخر الليل وكل واحد راح راح لبيته..والنص الثاني راحوا لإجازاتهم الخاصة..!!!..ولا فيه واحد بالاتحاد السعودي طلع واعتذر أو حتى بيَن لنا سبب هذا التدهور...... شوفوا ياناس 45 مليون رُصِدت لهم...( اللي ماندري إلى الحين وين راحت )...ولاشفنا لا مستويات ولا نتائج...وعيالنا ذوي الاحتياجات الخاصة يجيبون كأس العالم وهم بالظل..محد درى عنهم.. بس تبون الصدق...منتخبنا اليوم عرَى بعض المسئولين قدام أنفسهم..وكشف المستور..وأظهر كل مخفي..رجال...رجال...رجال...بمعنى الكلمة.. الحين المطلوب من الاتحاد السعودي تكريمهم..مو أي تكريم..لا..تكريم يليق برجال جابت كأس العالم بجهد وتعب...نبي تكريم مالي ومعنوي يرضي الجمهور السعودي قبل لايرضي المكرمين أنفسهم.... الاتحاد السعودي...أنت توووووحي..؟؟؟.... عـسـى..!!... . . . . |
ايه والله انك صادق يوم دلعوا ذوليك ما نفع معهم هذولي الي يستاهلون التدليع |
الف مبروك ...اقل شي كل واحد 300 الف ريال ..اقل شي .. والله انهم يرفعون الراس....بس متى تنعاد المباراة..؟؟ |
إقتباس:
يستاهلون اكثر على الاقل يحطون اللي عطهم بومتعب الله يحفظة وراح تنعاد المبارة بعد برنامج كل الرباضة اليوم |
و الله الف مليون مبروك هذا اللي يرفع الرأس لكن هذا رسالة لكل الرياضيين الاصحاء اذا صح ان نسميهم بهذا وشكرا |
أول هديه تقدم لهم طائره خاصه هديه من ولي العهد الأمير سلطان ويستاهلون رفعو الراس |
مبرووووك وربي يستاهلوووون |
الف الف مبروك للمنتخب البطل اللي شرفنا كسعوديين وكعرب ورفع روسنا فوووووووووووووووووق .. الواجب تكريم هؤالء الابطال اللي عملوا بصمت وكانت النتايج مبهرة .. تلفزيونا العزيز كان مستخسر فيهم كم مليون يورو على شان النقل وهذا هم ردوا رد قوي ومدوي .. مهارت وعزيمة وصبر وفوز خيالي بعد تقدم المنتخب الهولندي بثلاثة صفر ومن ثم اربعه ولكن الارادة القوية والعزيمة الاصرار جابت الفوز تعلموا ياللي في بالي .. ما جا على بالي الا ربعنا في كاس العالم اللي انفتح بابهم على مصرعيه باخطاء بدائية ورغم ذلك يقولون قدموا مستوى مشرف ... المفروض تكريم ابطالنا بمليون ريال لكل واحد ويستاهلون كل خير .. وهذا المنتخب اللي يحقق الآمال .. وكانوا بالفعل ابطال .. مليون مبروك . |
إقتباس:
من جد يستاهلون التكريم وأكثر |
الف الف الف مبروك للمنتخب والله العظيم يستاهلون كل خير والله ماقصروا يعطيهم الف عافيه ويـآعساها دوم انشالله الضحكه على وجيه الهلالين يـآرب |
يستاهلون التكريم ويستاهلون كل خير ماقصروا الله يعطيهم العافيه هاذا هو المنتخب الي يرفـع الراس ويشرف |
بيض الله وجهك كلام واقعي وانا اضم صوتي لصوتك اخوك نواف العسيري |
الصراحه دخلت الموضوع بس مدري وش اقول مبرووك ماتوفي حقهم والله يستاهلون كل شيء |
احرجوالاتحاد السعودي واثبتو ان الفلوس مهيب كل شى . اه ذكروني بمنتخب 94 |
الف الف مبررررررررررررررروك والله نجووووووووم والا اروع عمر كسار. ماتلاحظون انهم ماشاء الله عليهم يلعبون بثقه منتخب البرازيل؟ بصراحه متفاجئ من ثقه اللاعبين على العادة اللاعب السعودي لا لعب في كاس العالم يبي الفكه من الكورة وتحصله مرتبك !!!:confused: على العموووووووووووم مبررررررررررررررررررروك ولازم نحتفل فيهم ونحيهم على المستوى الاكثر من رائع |
الوقت المعتمد في المنتدى بتوقيت جرينتش +3.
الوقت الان » 07:06 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd