سعدون وولده عبدون قاعدين خششهم ببعض وكل واحد يطالع الثاني ... ساكتين ما يتكلمون وفجأة يتكلم الأب .
سعدون :- ولدي عبدون ما برأسك وظيفة عاجبتك وودك بها إذا كبرت ...؟
عبدون :- إلا أبوي ... ودي أصير موظف بالخطوط السعودية علشان أفزع لأقاربنا وربعنا وأطلعهم بدون حجز ... وأخلي جوالي الميت اللي عمرة ما رن ... ببصير مثل 905 ما يوقف أبد كل شوي ران ... واحد من الربع :- تكفى عبدون الحقني الفزعة وأنا أخوك ... كان أطمر وأفزع له وأركبه الطيارة بدون حجز ... وأنت عارف أبوي أن الربع ما يتصلون ولا يحبون الفزعة إلا في الإجازات الصيفية + رمضان +عطلة الربيع وكلها ولدك جاهز لها ... وتجيني كم دعوة من ربعنا خاصة اللي يأخذون عمرة ... الله يا سلام ...( وبتجليك كم دعوة عليك ) لنفس السبب...؟
سعدون :_ يا ولدي أنا أشوف أنها شغله ما هيب زينة ويكثرون اللي بيد عون لك وعليك ولا تنسى اللي يحرجونك ... والربع ماشاءالله كثيرين ... وآذنك بتنضر من الجوال .
عبدون :- ولا يهمك أبوي الصرف عليهم موهوب علي ... إلا أبوي ترى فيها صرف تذاكرشبه مجانية للوالدين ... إذا بغيت تسافر والحجز ... لاتشيل همة طالع الطيارة طالع وأنا ولد أبوي .
سعدون :- أخس يا / خالد بكر ما أنت سهل ... وش تقول تذاكر مجانية ...
ولدي حبيب قلبي متى ودك نوظفك بالخطوط السعودية تراها سهله وما فيها تعقيد
عبدون :- أبوي الله يسلمك توني بثالث متوسط ... ورآك عجل
سعدون :- هذا طولك وعرضك بثالث متوسط .
يعني باقي لك أربع سنوات وتأخذ الثانوية ( مالت عليك أنت ووجهك أقول وري ما تنقلع وتجيب القهوة ) .
ولنا لقاء مرة أخرى للأحلام
أحلام الشباب ....؟ 
تراها الكوية الأخيرة ... أنا تعبت منك والظاهر مالك علاج أبد:p 
الوضع المتطور
