تعديل وقت الدوام والدراسة من الساعة 6 صباحًا إلى صلاة الظهر طوال العام - نادي الهلال السعودي - شبكة الزعيم

شايب معصقل · #1 13/09/2006, 07:20 PM

السلام عليكم ورحمة الله وبركاته

من زمان وأنا ودي اكتب هذا الاقتراح في المنتديات ولكن كل يوم اقول اليوم وراحت الايام
واليوم اتصفح الساحات ولقيت هذا الاقتراح جاهز فنقلته لكم

اخوكم الصغير \ شايب معصقل :p

مفاد هذا الاقتراح هو بدء الدراسة في المدارس الحكومية في الساعة السادسة صباحًا وانتهائها في الساعة 12.30 ظهرًا. أما العمل في المؤسسات الحكومية فيبدأ في الساعة 6.15 صباحًا وينتهي في الساعة 12.30 ظهرًا دون توقف، وتأخير أداء صلاة الظهر في المساجد بحيث يتمكن الموظفون والمعلمون والطلاب من أدائها مع الجماعة في المساجد. ولهذا الاقتراح عدة مزايا منها: 1. التعود على النوم المبكر والاستيقاظ لصلاة الفجر وأدائها في المسجد. 2. أداء صلاة الظهر جماعة في المساجد. 3. زيادة النشاط والإقبال على الدراسة والعمل في الأوقات المبكرة. 4. تعزيز الانضباطية في العمل وذلك بسبب عدم التوقف وعدم خروج بعض الموظفين من أعمالهم فترة صلاة الظهر. 5. الخروج المبكر من المدارس والأعمال بشكل مريح خصوصًا في فترة الصيف وارتفاع درجات الحرارة. 6. تقليص استهلاك الكهرباء في فترة الصيف في فترة الذروة من 12-4 ظهرًا. 7. توفير وقت جيد لمكوث الأب والأم مع أبنائهم في المنزل ومتابعتهم وتربيتهم.

كما أنني أطرح اقتراحًا آخر حول تأخير صلاة العشاء بحيث يكون هناك فارق ثلاث ساعات ونصف بينها وبين صلاة المغرب وإغلاق المحلات التجارية والأسواق مع أذان العشاء لتمكين الناس من التسوق بين الصلاتين والعودة إلى المنزل والنوم المبكر

فزاع الاجيال · #2 13/09/2006, 08:09 PM

على كيفك ياخرون الصلاه عن وقتها !! ..

خلها كذا اصرف .. وش تسوق وحوسه ونوم مبكر

..

كذا ازين واصرف .. وخلاص تعودنا .. وشوله نغير ونجلس شهر محيوسين ماتعودنا !!

مدري الاقتراح ذا ما عجبني ابد D

..

وآسف على الازعاج ..

المشتاق111 · #3 13/09/2006, 08:09 PM

من جدك يصير الدوام كذا طيب أن دوامي أخر الليل وش أسوي
شكرياااااااااااااا

سهل · #4 13/09/2006, 08:35 PM

انا اشوف انهم يخلون فترة التداول مسائيه

<<< علشان الماسه والا انا مالي بهالشغلات

البالون · #5 13/09/2006, 11:09 PM

عجبتني وماعجبتني

عزوز الأزرق · #6 13/09/2006, 11:51 PM

بسم الله علينا ....

وش دوام من 6 ...

يعني نصلي الفجر فالطريق ؟؟!

تكفى اخوي لاتمسك منصب وتبلشنا ......

انا دوامي فالجامعة .. اذا تقدم صار 8 وياليت اجي بدري...

وغالبا احاول اتجنب احط مادة في الساعة 8

الكناري الأزرق · #7 14/09/2006, 12:22 AM

السلام عليكم و رحمة الله و بركاتـــه , , ,

مـا ابي اخـاف تـقام الساعـة !

لانـه فـي اخـر الزمـان تـًير المسـاجد في الصلاوات العـادية زي صـلاة الجمـعة ,,

و اذا صـارت الساعـة 6 يبـيلك تحـجز بالتليفون مكان لـك بالمسجد لان كل الناس يبي يقومون

!

بس تخيل كل الصفوف يتثابون انواع الروايح

.. << تـفكير مـقزز

!

امزح بكلامي اللي تو ..

يا ليت و الله عشان الناس تصلي !

الله يهديينا و يغفر لنا ..

شايب معصقل · #8 14/09/2006, 01:33 AM

فزاع الاجيال

مشكور على مرورك الكريم وتعليقك وحرصك على الصلاة

اولاً . وقت صلاة العشاء في الصيف يطلع الساعة 11 تقريباً
وفي فصل الشتاء يطلع الوقت الساعة 12 تقريباً

ثانياً . المسئلة لن تاخذ منك أكثر من يومين او ثلاثة وتتعود على النظام

شايب معصقل · #9 14/09/2006, 01:40 AM

المشتاق 111

مشكور على مرورك الكريم والله يعينك على الدوام وإن شاء الله مايكون بهذ الشكل طول السنة

اما وش يصير وضعك إذا تغير الوقت
فدبر حالك

Turki(الرايق)Turk · #10 14/09/2006, 01:42 AM

إقتباس


	على كيفك ياخرون الصلاه عن وقتها !! .. خلها كذا اصرف .. وش تسوق وحوسه ونوم مبكر .. كذا ازين واصرف .. وخلاص تعودنا .. وشوله نغير ونجلس شهر محيوسين ماتعودنا !! مدري الاقتراح ذا ما عجبني ابد D .. وآسف على الازعاج ..

من جد

شايب معصقل · #11 14/09/2006, 01:49 AM

إقتباس

الرسالة الأصلية كتبت بواسطة سهل


	انا اشوف انهم يخلون فترة التداول مسائيه <<< علشان الماسه والا انا مالي بهالشغلات

الصراحة الليل مايصلح فيه الا

الكشتات والنوم فقط

طبعاً لاننسى الواجبات الدينية اللي علينا

شايب معصقل · #12 14/09/2006, 01:54 AM

إقتباس

الرسالة الأصلية كتبت بواسطة البالون


	عجبتني وماعجبتني

مشكور على مرورك الكريم

وياليت تفصل لنا وش اللي اعجبك واللي مااعجبك

هلالي الظهران · #13 14/09/2006, 02:03 AM

اقتراح معقول نوعا ما لكن شعب عريبيا هذا المستحيل بعينه !!

صدقني الغالب بيجيك مواصل والليل بينقلب نهار !!

ما اقول الا خلك على قردك لايجيك اللي اقرد منه

!!

صدى الامس · #14 14/09/2006, 02:19 AM

خل الايام العادية .. نبتل مثل ماحنا لكن رمضان !!

ياخي ليش مايصير نفس الوقت ليش من 9 !!

يكون من الساعة 7 الى الساعة 12 وقضينا على خير !!

منها الواحد يقدر يستفيد من رمضان واهل البيت اللي يداومون يقدرون يضبطون الفطور !!

لكن كذا الواحد مايقدر يسوي شئ !!

مشكلتنا اذا تعودنا على شئ مستحيل نغيره :sad: !!

عوافيي يالغالي ..

بس صدقني محد حولك :sad: !!

مجـــــــــــــد · #15 14/09/2006, 02:27 AM

الاقتراح الأول صعب جداً تطبيقه لأن موعد شروق الشمس يختلف من منطقة لمنطقة و من فصل لآخر..مثلاً تشرق الشمس عندنا الفترة الحالية 6.10 تقريباً بالله الواحد كيف بيخلي عياله و بناته يداومون بهالدقسي

خاصة اللي يروحون لمدارسهم على رجولهم..

الثاني كل هالتأخير عشان السوق

أنا ما أدري عن جوازه من عدمه لكن المبرر مو مقنع أبداً;)

عوافي أخوي