11/09/2006, 10:53 AM
|
زعيــم مميــز | | تاريخ التسجيل: 11/07/2005 المكان: وسط المدرجات
مشاركات: 7,319
| |
قصتي مع لاعب نادي ......... سابق السلام عليكم ورحمة الله وبركاته
في البداية أحب أقول لكم كل عام وانتم بخير قبل الزحمة
في هذا الموضوع راح اطرح حوار دار بيني وبين لاعب سابق ماراح اذكر اسم الفريق ولا اسم اللاعب
لأسباب أمنية هذا اللاعب موظف معانا في نفس الوزارة بس هو في قسم وأنا في قسم المهم قبل أمس يوم
السبت اجتمعنا في فترة الاستراحة أنا وهو وواحد من الزملاء المهم حشرنا الرجال وخذ لك أسئلة من ضمن
الأسئلة قلت له الحين إذا جيتوا تلعبون قدام الزعيم ( الهلال ) وش تسوون ووشلون التحضير لهذي المباراة رد علي
وقال اسكت بس الله لايوريك التحضير بشكل عام قدام الفرق الأخرى يكون متوسط الإعداد أما قدام الهلال يكون
الوضع مختلف قلت وشلون قال المدرب يحط خطة ورئيس النادي يحط خطتين خطة المدرب اللي هي الخطة العادية
اللي نلعب بها قدام الفريق أما خطط الرئيس الأولى تكون مسك اللاعب المهاجم بأكثر عدد من الدفاع ومانعطية
فرصة أنة يرمش أو يفر من قدامنا أما الخطة الثانية وهي أحسدكم عليها وهي الجمهور خطة الرئيس اننا نطلع
قبل المباراة علشان نمتص حماس الجماهير اللي حاضرة ونتمرن قدامهم الين نتأقلم مع الجماهير بس عيني
على الجماهير باردة لاطلعنا لهم ودخلنا غرفة تغيير الملابس نقول أية خلاص الجماهير بردت والرئيس يكون
فرحان بس مايمدينا نطلع مرة ثانية إلا ويتغير الوضع والجمهور الحقيقي يكشر عن أنيابة وتتخبط الخطة حقت
الرئيس .
على فكرة هذا اللاعب قديم شوي يعني على أيام أبو يعقوب والغشيان والتيماوي على طاري أبو يعقوب سئلت
وشلون تواجه أبو يعقوب يقول لي والله أنة لاجت المباراة نسأل قبل كل شي هل أبو يعقوب يلعب ولألا ولا درينا
أنة بيلعب والله أني أتصبب عرق قبل بداية المباراة ( ياهوووة يابو يعقوب يامجننهم )
انا آسف أني طولت عليكم بس والله هذي السالفة حقيقية وفية كلام قاله كثير عن الهلال طبعاً مدح وأنة تمنى أنة
يلعب للزعيم لاكن رئيس النادي وقف له شوكة في طريقة وماخلاه ينتقل حتى كبر الرجال وطردة من النادي
____________________________________________________
يلوموني في حب الزعيم حتى الإشادات تجي من اللاعبين عن هذا الفريق الذهبي وصدق من قال
العقل السليم في تشجيع الزعيم |