اهم شي ابو بندر والباقي بكيفهم

كماتشو قدم للزعيم كثير

لكن ان تقارنه بالتمياط هذا اكبر خطأ

في فرق بينه وبين ابن النادي

وفي فرق بين مين يساوم النادي ومن يرضى بما كتبه النادي

والتمياط بالسنوات الاخيرة لم يقدم ماعليه ليس برضاه ولكن الاصابة حرمته من الابداعات

والله وجا الزمن اللي تتكلمون فيه نواااااااااف.......
على العموم نواف اكبرمن انك تتكلمون عليه..قال ايش احسن من كماتشو........
كم مباراة لعبها نواف اخر سنتين بسبب الاصابة
وعلى العموم هدف نواااف على الاهلي عن الف من اهداف كماتشو حقكم.

أقل شي يقدم لنواف ست ملايين
نواف لو أقوى لاعب بالعالم تعرض لمثل إصابته كان اعتزل ولكن نواف لم ييئس
كسره الحقير دونادوني والتشادي مهمد نور كسره كادت أن تقضي عليه
ولكـــــــــــــــن لاأقول إلا
نـــــــــــــواف
ســــــــــوبر ســـــــــتار

ماعليش اخوي تقارن كماتشو بنواف,,,,,,

نواف افضل بكثير بس يرجع لنصف مستواه راح ترجع في كلامك ووجهة نظرك,,,,,,,,

يا رجال كلهم يساومون :)

على كل حال اعتقد ان الادارة ادرى بهذا الخصوص

وصحيح كماتشو فنان ولكن كثرت مشاكله الفترة الاخيرة مع الهلال,

تمنياتي للازرق بالتوفيق,,

صح ان كماتشو خسارة

بس انشالله ينسينا رودغيرو كماتشو

ياالحبيب زي ماانا احترم رايك احترم رائيي يعني اغلب اللي رادين على خطاء وانت وكم واحد الصح لايااخي احترم الرئي والراي الاخر انا بسألك نواف من بدا يلعب مع الهلال جبي له لقطة غير هدفه في الاهلي الموسم هذا بعدين الهدف 70% من الشلهوب اللي حطه قدام الباب وهو وظميره بس شوف كماتشو ياما سجلك وفادك اكثر من نواف بعدين شف الاهداف اللي سجلها صحيح نواف سجل في نهائي كاس ولي العهد بس كماتشو سجلك هدف في الدور قبل النهائي على الاتحاد والنهائي على الشباب ولو بعد لك اللقطات اللي فادك فيها صدقني راح اتعب وتتعب

يااخي وش نظرة التخلف اللي صارت عندنا كل من كتب صار مندس وصار يتكلم على كيفه كان مافي احد يشجع الفريق مثله ياحبيبي الكل يقدر هنا يكتب رايه ووجهة نظره مو على كيفك تخلي الكتاب مندسين

اه ياكوماتشو

يااخوان اقدم كلمة لكل من قال كماتشو يلعب من اجل المال يااخوان ترى نواف الهلال جدد له موسمين مالعب منها الا مباريات معدود وانتهى عقده وهو مصاب بعدين يجدد بمقابل كثير لو نرى الفرق بين ماعمله نواف وماعمله احمد الحربي والله فرق السماء عن الارض اللاعب احمد الحربي انتهى عقده وهو مصاب وجدد دون مقابل فلماذا لانحسب له هذا الموقف ونقول نواف ابن النادي وكماتشو يلعب للمال

اه ياكوماتشو ..

اشتقنالك والله ..

كلامك100%s60s s60s s60s

التميــاط عــائد بإذن الله ..

ولكن عندما يعود الدوليون ..

أما بالنسبه لكماتشو فقد ( مـاطل ) .. !

وهــذا ما أثــار غضب النادي ..

لا اقول غير


أشك في هلالية كل من يقارن نواف بـ كماتشووو

من فترة ما كتبت أو رديت على موضوووع لكن من قهري على الردوود قلت اشارك لو بكلمتين

اااههههه على كماتشو

لاتحزن وانشاء الله بيلعب رودريقو احسن من كماتشو وبيمتعنا اكثر

كماتشو قدم الشيئ الجميل للهلال
لكن اما انه يطلب مليونين دولار
معصي
من ناحية قدم افضل من نواف فهذا صحيح ولو يقعد نواف ثلاث سنوات يطلع كل ماعنده ما جاب نصف لعب كماتشو
بس لا يزعل نواف تراهي راحت عليه

مثله مثل بنتينيو دي سانتوس كان يلعب للهلال وقدم مستوى رائع ذهب لليابان وابدع هناك والحسوفه قامت تلعب بجماهير الهلال عليه

مثله مثل بنتينيو دي سانتوس كان يلعب للهلال وقدم مستوى رائع ذهب لليابان وابدع هناك والحسوفه قامت تلعب بجماهير الهلال عليه هذا القهر
صدقوني كماتشو ما نجح لاعب محترف بالهلال مثله

الزعيم كبير بإسمه ورجالاته لاكماتشو ولا تمياط بيأثرون فيه

كلامك ذهب

:thumbup: :thumbup: :thumbup:

كفيت ووفيت وهذا الكلام السليم


ويعطيك العافية يالغالي ,,,

نواف ابن النادي ويستاهل كل خير .. ولا تقارنه بكماتش نهائيا لأن كماتشو صنعه الهلال وليس كماتشو من صنع للهلال الأمجاد يا بطل .. وشوف الموسم الاخير من اللي حسم لنا نهائي ولي العهد ونهائي الامير فيصل ..

مشكورين على المرور

نواف مستحيل يقارن بكماتشو اخوي :)

نواف لاتنسىا إلي سواه قبل :d

تحياتي :)

حبيبي كماتشو خدم الهلال في الست بطولات الماضية

لاتعليق:nono:

اغرب موضوع طرح للنقاش في منتدي الزعيم كماتشو افضل من نواف وهنالك مؤيدون لهذا الكلام وهذه المصيبه
اتمني ان تقوم الاداره باغلاق مثل هذه المواضيع فلا توجد اي فائده منها والله يستر لايجي احد بكره ويقول ان كماتشو افضل من الاسطوره الثنيان
والذين فضلوا كماتشو على التمياط ارجوا منهم مراجعت المباريات لتاكد من الخطا الذي ارتكبوه بحق الكنز نواف فبعد اعتزال الاسطوره الثنيانيه لم اشاهد لاعب في صناعة الاعب يملي العين سوى التمياط ومن بعده الموهوب
تحياتي

نواف ما تغلى زي كماتشو وقال ابي 2مليون دولار علشان موسم

نواف اخذ 6 مليون ريال لااكثر من موسم


وبعدين الي يقولون اصابه نواف

هل الاصابه برضاه علشان تجيه ولو ما كان عنده اصابه كان خدم الهلال

ولاتنسون العروض الي جت نواف و الهلال ما وافق

ان شاء الله رودريقو يعوضنا خير

الادارة اعلم بما تفعل

السلامـ عليكمـ..

ياشباب.. كماتشو أول ما جى كل الجمهور أو أغلبهم مستغربين مستوى اللاعب لأنه بصراحة في بدايته مع الهلال كان فااشل ومع الأيام تأقلم ومسكـ خط الوسط هو والشلهوب وكان هو اللي يحركـ الفريق بأكمله ..
وحتى في آخر أيامه مع الهلال الموسم الماضي كان مبدع [صح أنه طاح مستواه شوي لكن حتى مستواه يوم كان زفت كان أفضل من رودريقو والتمياط في أفضل مستوياتهم]..
لو قارنت بين كماتشو و رودريقو.. بتلاحظ أشياء كثيرة أولها اتقان الضربات الحرة وكماتشو أفضل من رودريقو بألف مرة .. والبُنية الجسمانية بتلاحظ فيه فرق كبير ..!
والإحتكاكـ بتلاحظ ان رودريقو يخاف وكماتشو ماشاء الله عليه يدخل بين عشرة لاعبين ..

.: كماتشو أفضل من كل لاعبي الوسط الهلالي ماعدا الشلهوب’ لكن كماتشو رفض انه يجدد عقده مو قصده الفلوس [بالعقل.. نادي العربي بيدفع مليونين دولار؟؟] يمكن الجو ماصلحله ..!

واللي يقول اصبر على رودريقو‘‘ .. ماأتوقع رودريقو يوصل مستوى كماتشو ولا حتى نصه ؛ لأن جسم رودريقو مايأهل [لكن نتفائل,, تفائلوا بالخير تجدوه]..
عموماً.. الله يوفق الهلال في حصد البطولات هـ الموسم..

تحياتي .. الذيـ9ـب ..

اخوي الموقع محطوط عشان يكتب فيه فاز الهلال وتعادل الهلال لا يااخوي حنا بننقد وبنكتب آرئنا الا ترضون النقد على لاعبين الانديةا لاخرى بعدين يعني كل 100 رد على خطاء وانت لحالك على صح بعدين نواف من طلع جبي كوره صنعها يعني لاعب وسط ماصنع الا اهداف على اعداد الاصابع اليدين وارجع واقول حنا بنكتب آرئنا وننقد لاعبينا مثل مانبغى والا يكون كل الموقع اخبار ؟؟

صح لسانك

مشكور هلالي دمي رق على المرور

كماشو احسن من نواف

^^^^^^^
والله كلامك هو الكلام الصح ولكن نحترم رائي الشباب لانه لابد عليك ان تحترم الرائي والرائي ا لاخر

يا جماعة الخير

الواحد يتكلم بعقله مو بقلبه

أنا أحب التمياط وودي يرجع لمستواه المعهود


لكن الحق ما ينزعل منه واللي بيزعل يشرب موية نوفا

كماتشو في الموسمين اللي شارك فيها مع الهلال قدم مستويات كبيرة وكبيرة جداً

على عكس الفتى الذهبي اللي مستواه من سيء إلى أسوأ والجميع يتذكر نهائي الدوري المنصرم

يعني بالعربي كماتشو والشلهوب وقدامهم سامي وفي الهجوم القحطاني... النتيجة كارثية على لفريق المقابل

لكن نتمنى أن يكون القادم مذهل أكثر


ويكون نواف عند وعده بأن هذا الموسم موسم استثنائي

مع ان كلمة (استثنائي) تسبب قشعريرة وتذكرني بإتحادنا الموقر الموسم الماضي

استثنائي على حساب الهلال

كوماتشوووووو وبس كان محارب في الملعب هجوما ودفاعا نعم .

ولكن يجب ان لانقارن بين نواف وكوماتشو فنواف ابن النادي وليس من الخسارة ان يدفع له
الملايين ..
اما بالنسبة للمقلب قارووو فواضح من بنيتة الجسمانية وتسديداته الثابته والمتحركة انه بووووش؟؟؟

لاداعي لمجاملة الادارة ومدح اللاعب وهو لم يقدم امام فرق متواضعة اي اداء يشفع له كلاعب محترف
احظر لتدعيم الفريق في حالة غياب الدوليين؟؟؟
اما اذا حظر اللاعبون الدوليون فلا حاجة لنا به ؟؟؟
كوماتشو كان نجم وهداف من طراز نادر صدقوني اداءه يمتع وحماسه يقنع والنادي بخل عليه بزيادة
500 الف على عقده الأول وهو طلب منطقي اذا مانظرنا الى تطور اداء اللاعب وحظورة من موسم الى اخر.
آآآآآآآآآآآآآآآآه يكوماتشوااااااا

قبل شوي كنت اتابع الاخبار الرياضيه على الجزيره,,وشفت لقطات لمباراة العربي الثانيه,,الزبده ان العربي جاله فاول زي الي جانا قدام الاتحاد الموسم قبل الماضي,,وشاتها المتخصص كماتشو وحطها هدف من اروع مايكون,,,,,,,,,,,,,,,,,,,,اه اه اه ياكماتشو

موضوع قديم تم تغيير موضوعة انت اكبر مندس مكشوف على بلاطة ماتطلع الى بعد مبارة العربي وتغير اسم الفريق وكان ماعندنا موضوع الاكماتشو استح على وجهك

مع احترامي لآرائهم نصف اللي ردوا على هذا الموضوع شكلهم مندوبين من مكتب العمل واللي رد قبلي عينة منهم....

قال ايش سعودي وحلال فيه والثاني يقول لي ابن النادي .. ياخوي اذا مايعرف يلعب يقعد في بيتهم والنادي يمشي له راتب شهري.. بس لا يقعد عالة على قلوبنا .. نواف والله ماعاد يصلح الين يغير قناعته ويعرف انه على حافة الهاوية.

بعدين ياشباب شوفوا الدوري الأسباني وشوفوا كيف المحترفين فيه الفريق فيه مالايقل عن 50 % محترفين أجانب وشوفوا وين وصلوا ؟ كل العالم يتابعهم.

وحنا مستخسرين 800 ألف دولار على كماتشو ؟؟ خلوكم واقعيين وكيل اعمال اللاعب طلب مليونين دولار وكماتشو غير وكيل اعماله ورجع بنفس العرض المقدم له من الإدارة (( 800 الف دولار )) ومن ثم تحججت الإدارة بأن هناك عصابة تحيط باللاعب ؟؟ في ذمتكم ؟ ياساتر والله الواحد صار يخاف يروح الملعب اخاف عصابة كماتشو تجي ترتكب مجزرة فينا!!!! خلوكم واقعيين ياجمهور الزعيم.

وبعدين اللي يتعذر ويقول نواف توه راجع من الإصابة ؟؟ بيكمل الرجال سنتين ونصف والى الحين تدورون له عذر توه راجع من الإصابة؟ الا صدق متى بتنتهي فترة العلاج؟.

وأخيراً وليس آخرا انا مااقول الكلام هذا وكلنا مانقول هالكلام كره والا حقد على نواف بس والله من حرصنا عليه ... يعني يانواف الى متى ؟؟ الى متى هذا التدهور ؟؟ إقرا توقيعي وتعرف.

آسف على الإطاله وبس الحمدلله ارتحت كلام في تسبدي وقلته وارتحت