تبي اسنانك تصير بيضا..ادخل - نادي الهلال السعودي - شبكة الزعيم

Carlton · #1 07/09/2006, 05:12 PM

بسم الله الرحمن الرحيم

أول شي ماكتبت هالموضوع إلا لمن حامت تسبدي
من هالناس الي تجي سنونهم ((مخرثه=معدومه))
ومنعدمه
=======------------
طيب اول شي ياطويلين العمر
انا دايم اشوف الهنود خصوصا
في رمضان بعد الصلاة تشوف الهندي
كاسر فرشاة الاسنان من النص عشان
تصير بمقاس الجيب ويحط يجلس يفرك بسنونه
ويدخل المسجد ويصلي ويرجع ياكل يتعشا
طبعا انا سنوني الحمدلله ممتازه بس بحاول
اساعدكم
اول شي الفرشاة
فيه فرش تكون دائريه وفيها بطاريات
انا استخدمها من ثلاث سنين ومرتاح لها جدا
وطبعا ميزتها توصل لاماكن بعيده وتنظف زين
ثانيا المعجون:
ياكثر انواع المعاجين
بس انصحكم بنوع بالصبار
ممتاز جدا وينظف بشكل تحس اسنانك بيضا
حاول تبعد عن المعجون الي فيه حبيبات
((حبوب صغير)) عشان تسوي مثل الصنفره
scrub
هي كويسه بس تعدم مينا الاسنان على
فتره طويله
بعدين حاول تغير معاجين الاسنان
وانا انصح بــ معجون الصبار
alovera
سيقنال 2 تراه ممتاز
كلوس اب الي بالتفاح والبرتقال
^_^
=============------
فيه شي مهم التنظيف بالخيط
لأن بعد اي وجبه يبقى اكل بين الاسنان
حاول تنظفه بالخيط تمام عشان تنظف اسنانك
==============-----
اهم شي يأثر في ريحة الفم اللسان
احيانا تلقى لسانك عليه طبقه لونها
ابيض او اصفر
فيه قطعه بلاستيكيه ممتازه
بعد ما تفرش سنونك خل الفرشاة
تمشي على لسانك وبعدها نظف بالفرشاة
حقة اللسان على لسانك وراح يرجع لون
لسانك طبيعي <<احساس جنان لول
===============-------
أهم شي كل ست شهور تروح
وتنظف جير عند الدكتور
تبي تقول سنوني زينه لا ياحبيبي
رح الدختور ^_^ وشف وش يبي يطلع منك
والله رحت طلعت بلاوي غير طبيعيه وانتم
بكرامه حسيت ان سنوني نقص وزنها
مع اني افرش يوميا ثلاث مرات وبس
================
آخر شي :ابعد عن الشاي والقهوه
الحلويات الدخان ...
ولو كنت تاخذ هالحاجات
فرش سنونك بعدها لانها من اسباب
إصفرار الأسنان
================
طبعا من اهم الاسباب الي تخلي رائحة
الفم سيئة حشوة الضروس الي ماتركب زين
الحشوه تكون مثل العجينه تدخل جوا السن
بعد مايحفرونه...واحيانا هالعجينه ماتكون على
قياس السن ويصير فيه فراغ يسبب عفونه
او تكون الحشوه زايده وتخترق اللثه
وتسبب خراج((مع تشديد الراء)) وهو يسبب
رائحة تشمونها
اتمنى اكون ساعدتكم عشان تصحون
وتكون رائحه خشتكم منتازه ^_^

تحياتي

الكناري الأزرق · #2 07/09/2006, 05:45 PM

السلام عليكم و رحمة الله و بركاتــــــــه ؛؛

إقتباس


	فيه فرش تكون دائريه وفيها بطاريات انا استخدمها من ثلاث سنين ومرتاح لها جدا

هذي عندي من زمــااااان ..

بـس يوم رحـت اجيبها قـالت لي .. (يـا ناسـينا يـا نـاسيـنا وش اللي ذكـرك فـينا

.. ؟! ) ..

***

صـراحة سـنوني نـاااااااادر افـرشـها

.. !

و فـيها شويـة صـفار ..

عـاد مرة كـنت مع ولد عمي و ولد عـمي سـونـه زيي

.. !

المهم رحـنا لمحـل و كـنا قـاعدين بجـمب بـعض و قـالنا راعي المحـل سـالفة تـضحك و مـار نقـعد نوزع ابـتسامات

..

المهم ..

يوم شـافنا راعي المحل نوزع ابتسامات و السنون صفر قال وش هالابتسامات اللي تقل ابتسامـة سـقنال تو

.. ؟!

صـرااحة انـحرجنا

..

***

و انـا ان شـاء الله مـن بـعد الـيوم ابي اهـتم بـسنوني

..

<< شـاطر ..

***

و السلام خير ختام ..

***

البالون · #3 07/09/2006, 06:31 PM

واللـه أنـا ما ارتـاح من هـ الفـرش والمعـاجين ..
يبـي لهـا وقـت ..

لكـن

مـالكـم غيير السـواك
مطهـرة للفـم = مـرضـاة للـرب

تغريد · #4 07/09/2006, 07:11 PM

انا وحده مجنونه على اسناني

في اليوم يمكن 10 مرات لازم قدام المرايه اشيك

خخخخخخخخخخخ

واقعد اوسوس

>>>ماما شوفي صح هذا تغير شكله

>>>السن هذا لونه غير هذا

>>>هذا شكله صار مايل

وكل كم شويه اروح دكتور الاسنان صار صديقي

:sad: ماابغا اسمع شي اسمو سوسه:sad:

والناس الي اسنانهم صفراا
موقصدي احد ترى

اقلهم فرشو اسنانكم

والي كسلااان ترى كلها مسواك بجيبك بريالين وتنتهي المشكله

احسن شي لتبييض الاسنان السواك

سبحان الله فوائده كثيررر وقبل كل شي سنه عن الرسول صلى الله عليه وسلم

موضوع حلوو عجبني

يعطيك العافيه

الذئـــ الأزرق ــــب · #5 07/09/2006, 08:37 PM

بالنســـــبه للتفـــريش يــووم أيــه و10 ايام لا ..

والفرشــــة اللي تكون دائريه وفيها بطاريات هذي اشترتها من زمان علشان ابدى افرش بس مافيه فايدة ..؟؟

بس بالدراســة محافظ عليهــــا ..

يعطيـك العــافيه على المــوزوووع ..

صـــراحة سنـــــــوني ................. !!

...SoMe OnE... · #6 07/09/2006, 08:51 PM

,,,
,,
,

الانسان قضيتها قضيه ..
بس الحمدلله نقدر نقول انها تمشي الحال عشرين سنه قدام

الف شكر على هذه المعلومات ,,
مجهود تشكر عليه ..

...SoMe OnE....

SNOOP 187 DOGG · #7 08/09/2006, 12:41 AM

مشكور

البرنس الهلالي الأزرق · #8 08/09/2006, 01:44 AM

مشكور على المعلومات يادكتور

هلالي و مانشستراوي · #9 08/09/2006, 01:48 AM

يعطيك الف عافيه .. والله يعين ؛؛

Carlton · #10 08/09/2006, 03:13 AM

الكناري الازرق:والله نصيحه لو تتزوج تبي تتعقد بحياتك من نظافة فمك وتبي تصير موسوس نصيحه لك
ظبط سنونك عشان تدعيلي

البالون:شف المسواك ممتاز جدا وفيه مواد جيده جدا جدا جدا
بس اهل اول وش اكلهم تمر ولبن وبر..يعني مسواك زين لهم
بس حنا لحم ورز وسلطات وببسي وقهوه تخيل كلها بفمك
ولو تبي تعرف وش قصدي حط سن من اسنان اخوانك
((حاول تعطيه لكمه خطافيه عشان يطيح واحد))
وحطه في كاس ببسي لمدة اسبوع وارجعلي
ولا حط قطعه لحم ...وارجعلي
تحياتي

تغريد: الله الله

حسيت انك بنت نضيفه ((نضيفه زي ابله عطيات))
انتبهيلها وسلميلي على صديقك الدكتور

الذئب الازرق:شف انت منتب حاس بالي اقوله إلا لا انحفر ضرسك
بالسوس والله ان تكره عمرك تجلس كنك عجوز لصقت برجلها علك
ونشبت بالارض لووووووول
طع شوري وتدارك الوضع ((حلوه تدارك))

سوم ون يعني واحد

:
شف كلامي للذءب الازرق
<<<<عجزان يكتب ثاني لووولز
تحياتي وشكرا لمرورك

سنوب ..ومانشستراوي وبرنس :شكرا لمروركم وتحياتي

تعالوا بكره اكشف عليكم لول

تحياتي وشكرا لمروركم

ابوعبدالله

الكناري الأزرق · #11 08/09/2006, 03:22 AM

^^

جـزاك الله خير عالنصـيحة

..

و لو الود ودي كان الان ودي سنوني بـيضاااااااااء

..

هــ kaka ــلالي · #12 08/09/2006, 03:27 AM

مشكوووووووووور

فهد_المشيطي · #13 08/09/2006, 03:39 AM

لف شكر اخووي
والله ياسنوني يبلها شغل تنظيف وتبييض وتقويم

ابوي كل مايشوف سنوني يقول الحق عليهم تراهم يتطاقووون

هلالي@مدريدي · #14 08/09/2006, 06:19 AM

يعطيك العافية
ما تلاحظون ان اسعار مستوصفات الاسنان غاليه قبل شهر تقريباً ذهب الى مستوصف لكي اعالج التهاب في اللثه ونفخ عليها بس بخاخ وبطني ابرة وقال ادفع 450

اكبر فخر اني هلالي · #15 08/09/2006, 07:12 AM

والله ياسنوني انها تقل رز برياني..,,
بشتري بعد صلاة الجمعه مسواك وبالعن ام سنوني بالفرشاة والمعجوون ان شاء الله يصيرن يلقن..,,

يعطيك العافية

تحياتي