#1  
قديم 08/09/2006, 06:15 AM
زعيــم فعــال
تاريخ التسجيل: 14/02/2002
المكان: الرياض
مشاركات: 240
فواصل..فواصل ( الوليد بن طلال ,طارق التايب..الدراسة)

إخواني الزعماء ,,,

السلام عليكم ورحمة الله وبركاته,,, وقبل..


الفاصلة الأولى,,,,,,,,,((وهي استثنائية..!!)


شلونكم بعد الإجازة ....أكيد طبعاً كلكم مستانسين بشكل يفوق الوصف عشان الدراسة قربت...

آه يالدراسة....ذكرتو(ن) بأيام الوناسة ...آه ياهي لذيذة المدرسة...ولا الجرس المستلج...والله اشتقنا له

وإلى قرقعته الموسيقية التي تأخذ الأنفاس من جماله ..وعذوبته الموسيقية..

ولا تخيلوا معي الفصل والطلاب متجمعين فيه -متحمسين عشان ماتفوتهم ولا معلومة - ومدرس الرياضيات يشرح بكل حماس وسعادة...

ولا إذا رنت الفسحة تشوف الطلاب مراكض بالاسياب تقول يطردهم أسد كل هذا على شان يلحقون على المقصف..!!

آخ بس على الأيام الرومنسية الحلوة...

تصدقون أسعد أيام حياتي عندما أقضيها بين كتاب الرياضيات والانقليزي والقواعد...وبقية العائلة الكريمة

لا ولا ننسى الواجبات وقومة الصبح والفطور دائماً حليب وسندوتش بيض وجبن وطحينية...ثم تودي خواتك( نورة

وحصة ولطيفة ) لمدرسة البنات اللي قريبة للبيت..

واخوانك الصغار اللي ماتشوف عيونهم من النوم..تلقى الواحد إذا ركب بالسيارة صكها نومة خفيفة قبل مايوصل للمدرسة وطول الطريق وهو فاقـ(ن) إثمه :p


الله الله الله على هالحياة الجميلة...!!

يا خوان تصدقون ودي كل ما نخلص دراسة يعيدونها لنا من جديد

طيب تخيلوا لو إن الواحد طول عمره يدرس كان وش تصير الحياة...روعة ..خيال.. وناسة.. سعادة..

أنا داري إن كل واحد منكم يبي يقرا كلامي يوافقني الرأي 100% ولا يمكن -وركزوا على لايمكن - لا يمكن أبداً أنه

يفكر ولو لحظة إنه يطب ببطني ويرفعـ(ن) فوق ويمسط بي الأرض ثم يلقط أقرب عقال ويمردغـ(ن) إلى ما أعض الأرض

أبداً مستحيل أحد يفكر كذا..

.
.
.
.

الفاصلة الثانية,,,,

طارق التائب وما أدراك ما طارق التائب...!!!

الرجال تعاقدوا معه الربع (الإدارة) ولهم ألحين أكثر من شهرين وإلى الحين مالعب ..

قعدنا ثلاث أو أربع أسابيع نحتريه وهو ما جاء للرياض ...!!

ويوم جاء قعد كم اسبوع مالعب عشان توصل بطاقته - تقول اللي يبي يجيبها داقها رجليه من هنا لأنقرة -

ثم راح لمنتخب بلاده كم يوم...

والحين الرجال يعاني من إصابة يبي له كم اسبوع عشان ما يتعافى..

والله أنا خوفي يصير مثل اللاعب التونسي (فوزي الرويسي) اللي تعاقد معه الهلال عام 1413هـ ومن يوم جاء للهلال

وهوناقلـن غرفة نومه من مقر سكنه إلى غرفة العلاج بالنادي..يعني 24 ساعة وهو مصاب مرتـ(ن) بالركبة ومرتـ(ن)

بالصفاق (على طاري الصفاق تذكرت صفوق التمياط ) ومرتـ(ن) بشد عضلي وبالأخير اكتشف الطبيب -العبقري

- برنابوك -يرحم أبوك- إن سبب الإصابة هي بضروسه !!! يقول إنها مليانة سوس..

وأنا خوفي إن النادي مافحص الرجال زين ..

والله ياليتني اشتغل بالنادي والله إذا بغيت أجيب لاعب ياشيخ لأفحصه فحص عمره ما مر عليه..

أول شي أوديه لم محطة الفحص الدوري على طريق الدمام وأخليهم يشيكون عليه (ميكانيكا -كهرباء- شاص - بدي )

ويطلعون العيوب اللي فيه ثم أنقز به لم صناعية الرياض اللي على طريق الخرج وأخلي ها الأتراك والبنقالية يعدلون فيه

ثم أمر به لم حراج السيارات بالنسيم أشوف كم يسوى (حشا سيارة مهوب لاعب هذا )

عقبها أوديه للمراكز الطبية على شان يفحصونه على راحتهم وصدقوني إذا تجاوز فحصي يبي يتجاوز فحصهم 100%

يعني ياشباب خلونا صريحين ...هالحين الواحد لو بغى يشتري خاروف يبي يقعد ساعة يقلب فيه إلى ما يستحي الخاروف يعني مافيها شي ندقق بالرجال

.
.
.
.
الفاصلة الثالثة,,,


يقولون إن النادي يمر بضائقة مالية..

وبصراحة ماهقيت إن الأعضاء يتركون أبوسلطان ( يكد )على النادي لحاله...والله مهيب زينه من أعضاء الشرف فشلونا:sad:

مع أبوسلطان و هو ماقصر كب على النادي إلى ما قال بس وحقق 6 بطولات وسوى أشياء كثيرة للنادي...

يعني ما أسمع إلا عبدالله بن مساعد هو اللي ماقصر ...ولا ننسى بندر بن محمد.

بس بقية الأعضاء مادري وينهم..

وأنا أقصد الأعضاء المقرشين...

يعني ماشاء الله عليهم ماعليهم قصور منغنغين -الله لايضرهم- والله بعضهم لو يكح طاح منه مليون ريال -فئة خمسمية-

والثاني لو يعطس طاح منه ربطة أمهات مئة ريال - الله لايضرهم - >>>>>>>بعد باتسر ألقاهم يلاحقونـ(ن) يحسبونـ(ن) ناحتهم

والوليد بن طلال بصراحة محتاجينه يدف النادي بكم مليون...( شحاذ وخفيف دم)

يعني لازم يابوخالد نقولك..( تكفى تكفى....تكفى تكفى....تكفى تكفى...)

اعتبر جمهور الهلال كله يقول لك ( تكفى )

يعني لو حسبناها ( 1000,000هلالي × تكفى = 1000,000,000 ريال ( مليار) طبعاً هذي صعبة شوي :p

نبي بس 5 مليون تدز فيها النادي جعلنا نندز بكم مليون...



وسلامتكم,,

وآسف على الإطالة ...والمصالة.... لأني منسدح بالصالة >>>>>>>>إلى هالحين وهو مستخف دمه

.
.
.
.

اخر تعديل كان بواسطة » عبد الاله بن علي في يوم » 08/09/2006 عند الساعة » 07:11 PM
اضافة رد مع اقتباس
  #2  
قديم 08/09/2006, 06:31 AM
زعيــم نشيــط
تاريخ التسجيل: 11/07/2006
المكان: معسكر نادي الهلال
مشاركات: 838
ههههههههههههههههههههههههههههه
الله يقطع سواليفك ضحكتني مع الصبحيه ......
اضافة رد مع اقتباس
  #3  
قديم 08/09/2006, 07:06 AM
زعيــم متواصــل
تاريخ التسجيل: 18/01/2006
المكان: مسنتر بالاستراحه
مشاركات: 106
خخخخخخخخخخخخخخخخخخخخ
ههههههههههههههههههههههههه
كركركركركركركركركركركر

والله انك ونستنا على هالصبحيه الله مير يعافيك
اضافة رد مع اقتباس
  #4  
قديم 08/09/2006, 09:50 AM
الصورة الرمزية الخاصة بـ ♫ ROMAntico
زعيــم مميــز
تاريخ التسجيل: 24/07/2006
المكان: a l z a e e m
مشاركات: 2,833
هههههههههههههههههههههههههههههههههه والله انك فله..يعطيك العافيه


أنا داري إن كل واحد منكم يبي يقرا كلامي يوافقني الرأي 100% ولا يمكن -وركزوا على لايمكن - لا يمكن أبداً أنه

يفكر ولو لحظة إنه يطب ببطني ويرفعـ(ن) فوق ويمسط بي الأرض ثم يلقط أقرب عقال ويمردغـ(ن) إلى ما أعض الأرض

أبداً مستحيل أحد يفكر كذا..
.

آه لو أطووووووولك بس...
اضافة رد مع اقتباس
  #5  
قديم 08/09/2006, 10:09 AM
الصورة الرمزية الخاصة بـ زعيم نصف ألارض
زعيــم نشيــط
تاريخ التسجيل: 05/03/2006
المكان: موتي ولادمعة هلالي
مشاركات: 835
الله يوسع صدرك وسعت صدري يامرجوج
اضافة رد مع اقتباس
  #6  
قديم 08/09/2006, 10:25 AM
زعيــم متواصــل
تاريخ التسجيل: 09/03/2006
المكان: الريـــــــــاض
مشاركات: 155
hahaha you so fany man
ماتلاحظون كثرت مثل هاذي السوالف هاليومين
والله احسن من سوالف بعض الـ طوط طوط طوط
اضافة رد مع اقتباس
  #7  
قديم 08/09/2006, 10:26 AM
زعيــم فعــال
تاريخ التسجيل: 05/03/2006
المكان: آآه ياليتني بالرياض
مشاركات: 406
يعني ياشباب خلونا صريحين ...هالحين الواحد لو بغى يشتري خاروف يبي يقعد ساعة يقلب فيه إلى ما يستحي الخاروف يعني مافيها شي ندقق بالرجا ل
هههههههههههههههههههههههههههههههههههههههههههههههههههههههههههههههههههه
ياخي ياحبيلك والله انك تونس على هالصبح وكلامك كله في محله الله يعطيك العافيه وهاه لاتطول علينا بكتاباتك الحلوه
اضافة رد مع اقتباس
  #8  
قديم 08/09/2006, 10:41 AM
موقوف
تاريخ التسجيل: 15/02/2006
المكان: kingdom of my life
مشاركات: 3,411
هههههههه..

والله المدرسة وناسة .. شكلك متخرج من مليون سنة..

وتنكت من ذا الصبحية..

يعطيك العافية على رسم الابتسامة على وجوه الطلاب...
اضافة رد مع اقتباس
  #9  
قديم 08/09/2006, 10:52 AM
الصورة الرمزية الخاصة بـ الفهد
عضو سابق بلجنة الفيديو والصوتيات
تاريخ التسجيل: 19/10/2004
المكان: ورا البراحه
مشاركات: 3,561
وش عندهه كوميدي هههههههههههههههههههههههههههههههههههههههههههههه
اضافة رد مع اقتباس
  #10  
قديم 08/09/2006, 11:03 AM
زعيــم مميــز
تاريخ التسجيل: 05/08/2005
المكان: الرياض
مشاركات: 5,886
هههههههههههههههههههههه مشكور أخويي
اضافة رد مع اقتباس
  #11  
قديم 08/09/2006, 11:11 AM
الصورة الرمزية الخاصة بـ KaKa_MiLaN
زعيــم مميــز
تاريخ التسجيل: 10/09/2005
المكان: محافظة الخرج
مشاركات: 3,899
اخوي كلامك سليم ميه بالميه...

لكن اخطيت بحاجة وحدة انك ضلمت عضو الشرف الهلالي...

(()((بندر بن محمد(())).....




وشكرا لك..
اضافة رد مع اقتباس
  #12  
قديم 08/09/2006, 12:56 PM
زعيــم متألــق
تاريخ التسجيل: 31/01/2005
مشاركات: 1,177
هههههههههههههههههه ضحكتني
انشاء الله مافي ضيقه على النادي واعضاء الشرف مو مقصرين
اضافة رد مع اقتباس
  #13  
قديم 08/09/2006, 05:09 PM
زعيــم فعــال
تاريخ التسجيل: 14/02/2002
المكان: الرياض
مشاركات: 240
إقتباس
[SIZE="2"]الضلع الهلالي ههههههههههههههههههههههههههههه
الله يقطع سواليفك ضحكتني مع الصبحيه ......



اليوم (الجمعة) تضحك شفاتك ...................وبكرى (السبت) تدمع عيونك...!!![:sad: /SIZE]
اضافة رد مع اقتباس
  #14  
قديم 08/09/2006, 05:12 PM
الصورة الرمزية الخاصة بـ عبدالله المديري
عضو لجنة التغطيات بالموقع الرسمي لنادي الهلال
تاريخ التسجيل: 29/09/2005
المكان: قلب كل هلالي
مشاركات: 1,096
يعطيك العافيه هههههههههههههههههههههههههههههه ما اصرت يا احمد بدير
اضافة رد مع اقتباس
  #15  
قديم 08/09/2006, 07:52 PM
زعيــم مميــز
تاريخ التسجيل: 27/06/2005
المكان: الرياض
مشاركات: 3,258
يعطيك االعافيه;)
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:52 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube