حزين مره’’’هذا وحنا من ديره وحده’’’ - نادي الهلال السعودي - شبكة الزعيم

الســـفير · #1 06/09/2006, 08:26 AM

السلام عليكم ورحمة الله وبركاته
كيفكم يازعماء .. ان شاء الله تمام ..

انا زعيم مو جديد لكني دخولي للمنتدى قليل وكله من اجل الزعيم وعضو من الاعضاء البارزين
اللي سجلني وفعل عضويتي وهو في بيتهم << شفتوا الواسطه

ناداني للمنتدى مع اني من رابطة اجاكس الهولندي بس احب الهلال السعودي في السعوديه ..
مو هذا موضوعي .. انا من مواليد امستردام في هولندا ومازرت السعوديه الا وعمري 17 سنه
يعني من ثلاث سنوات
((اتحداكم كم عمري الحين)) ؟؟

وأول مره زرت فيها لسعوديه قبل ثلاث سنوات انبسطت وكنت ادور بكاميرتي ابغى اوري الناس ان السعوديه
حلوه والله ماكنت اتوقعها كذا كنت اتوقعها عاديه .. بس صار حتى ترابها غالي عندي ..
وصرت كل سنه في اجازة الصيف اجي واصيف في السعوديه وانبسط .. وما اروح الا لما يقولو بكره الدراسه..

وانا بكره بسافر .. والله انه ضايق صدري من اسبوعين يوم عرفت ان الدراسه بعد اسبوعين ..

ادري اني شطحت عن عنوان الموضوع ..
الموضوع كله اني زرت اكثر مناطق السعوديه وتعرفت على عاداتهم وتقاليدهم بدايه من نجد وهي منشأ والدي
ومريت بالمنطقه الغربيه .. والمنطقه الشرقيه .. وشمال المملكه ,, وجنوبها ..

واللي شدني بصراحه المنطقه الشرقيه وخاصه الخبر حلوووه مره واهلها طيبين ومتحضرين
وجوها أكثر الايام حلو و كورنيشها يوسع الصدر والجلسه فيها ومع اهلها محد يملها

مربط الفرس <<<
وعرفت ان السعودين اهل الكرم والجود وعاداتهم حلوه مع اني استغربت من بعض اشياء

..
المهم وانا كنت مع بعض الشباب في جده استغربت من مقطع صوت يتناقلونه بينهم ..
قلت الا اسمع وش هذا المهم اللي يسمعونه ومبسوطين ويقولن كويس ومدري ايش ..

طبعاً لما خذت المقطع توقعت انه اغنيه او اي شي عادي جلست اسمع سمعت موسيقى غربيه
وفي واحد من كلامه كله من اهل جده .. يتكلم وبشكل غريب في اهل نجد ويسبهم ويتكلم فيهم
بكلام استحي اقوله قدامكم . والله انه ضاق صدري وماحبيت اكمل مو علشان ابوي من نجد
اللي ضيق صدري كيف سعودين ويتكلموا في بعض كذاااا .. وش نقول للدينماركيين !!!! واليهود ..

انا كلمت الشباب قلت والله عيب هذا واشكاله يشوه سمعتنا يالسعودين ويبين للاعداء اان متفرقين
وبيننا حساسيه.. ضحكوا هم على كلامي وردوا باستحقار (( لسه ماسمعت حاجه في نجد ))

سمعوني كلام واحد ثاني يتكلم على اهل القصيم ..<القصمان<< بنفس الشي كلام وصخ
ويضيق الصدر اكثر .. غريبه والله ليه كل هذا .. ليه الحقد ليه الكره .. ليه الكلام هذا ..

انا من ضيقة صدري اني بسافر زادت الضيقه من هذا البلوتوث وهذا الكلام ..

صدق يوم قالوا < لا طاح الجمل كثرت سكاكينه << شكلها داش بالخطأ

والشي الثالث اللي ضيق صدري اني ابغى اقدم على كليه عسكريه ومبسوط وحلمي
اني ادافع عن وطني .. بس تفاجأت وكنت ناسي هذا الشي .. لاني من الناس اللس مايقبلونهم
اي قطاع عسكري منعاً باتاً .. لاني والدتي مو سعوديه .. طيب انا وش ذنبي يوم ابوي يغلط
ويتزوج من المغرب..

.. حتى جندي شرف لي والله بس مو حاصل مع ان خالي قال لي
اقدر ادخلك في العسكريه في المغرب بس انا احس انها مو لايقه علي ,

خلوها على ربكم .. بس
ادعوا لي اوصل بالسلامه وراح ارد عليكم بعد ما اوصل ان شاء الله

احس اني طولت عليكم بس كله لاني احبكم

هلالي وشقاوي · #2 06/09/2006, 09:23 AM

توصل بالسلامه وصدقني اللي يتريق في أهل نجد أو القصيم أو أي منطقة من مناطق اللمملكة فيه نقص فيه نفسه

توادعنا · #3 06/09/2006, 09:41 AM

خخخخخخخخخخخخخخخخخ

أهم شي الأخلاق .. بعدين هذا مو اكثر من مزح

انا اشوفه مجرد فقشات ومزح وفله ..بس لا جا الجد تلقاهم ربع واخوان وزي السمن على العسل

ياخوي خلها على ربك لو ان الدعوه بس تسجيلات كان احنا بخير ...

M e T o O o · #4 06/09/2006, 03:14 PM

ترووح وترجع بالسلامه .. والله يوفقك في درآستك

.. والتسجيلات منتشرهـ للأسف .. وصدقني انها مجرد استهبال .. ولا اذا جا وقت الجد .. تشوفنا بإذن ربي متعاونين ومتحابين ,

&.الزعيــــمه.& · #5 06/09/2006, 03:30 PM

هلا وغلا اخوي توصل بألف سلاامه انشاء الله

اما بالنسبه للي سمعته انا اعتقد ان الي يسجل وينقل هذي السخاافاات منافق

والله يجمع قلووب المسلمين

الهنوووف · #6 06/09/2006, 11:14 PM

حياك الله ياخوووي

واهلا فيك في السعودية ديرتك

وتوصل بالسلامة

والبلوتووث استغفر الله صار خرابيط :sad:

وربي يوفقك وتحقق امنيتك يارب

وياهلا فيك بانتظار قلمــك

الهنوووف

كانت

هان

ورحلت

هلالي راقي · #7 06/09/2006, 11:49 PM

تــــــــررجع بالســــلامة ..
وهذا كلام اطفال خلووه بس اللي يسب هذا فيه نقص ...
والله يصلح جميع المسلمين ..

رعبوبة الزعيم · #8 06/09/2006, 11:59 PM

هلا والله أخـــوي
تــوصل بالسلامه انشالله بس تواصل معنا بالمنتدى
ولا تقطعنا ..
وانشالله تصــــــــير ضابط مو عسكري ..
والله اخوي من ناحية التسجيل هذولا ناس ماعندهم غاريه على
بلدهم ولا يحترمونها ..
ومانظلمهم يمكن مزح ..
وتسلم أخــــــــــــــوي..

تلومني فيك · #9 07/09/2006, 12:22 AM

ان شاء الله توصل بسلامه

كنترول الزعيم · #10 07/09/2006, 12:59 AM

انشالله توصل بالسلامه اخووووووي

عريب عبدالله · #11 07/09/2006, 01:04 AM

إن شاء الله ترجع لنا برفسور

وبعدين ترى العسكريه مو حلوه تعب وإرهاق وشمس ومنع من السفر وحاله

وفوق هذا وذاك خطر <<<< ما ابي أضيق صدرك

وإذا على التسجيل فيه ناس تافهه كثير فسماعه يحقق غايتهم
المفروض أنه مايتناقل مثل هالأمور
والله يهدي الجميع

بالحب والإشراق

الكناري الأزرق · #12 08/09/2006, 02:10 PM

السلام عليكم و رحمة الله و بركاتـــــــــــه ؛؛

إقتباس


	انشالله

***

هـلا و الله بولد السعوديـة

..

يـاله ان تحييه ..

احلى تعرف تكلم سعودي

.. ؟!

عندي سوعال يراودنـي ..

لو لعبت السعوديـة و هولـندا من تشجـع

.. ؟!

و لا اذا لعب الهلال و اجاكس من تشجع

.. ؟!

و بالنسبـة للمقاطع تراهـا منشرة بكثرة و مـا علـيك منـها ,,

و اللي يتكلم عن القصمان هذي القصيدة اكبر رد عليه ..

قالت قصيمي قلـت فخـر ومعـزه
أهل الكرم والعلـم والحلـم والبـاس

قالت قصيمي قصدهـا بـي تهـزه
ماتدري اني بفتخر وارفـع الـراس

صافي نسبنا والحسـب فيـة عـزه
أصلٍ أصيل وفصل والعرق دسـاس

حنا سنايـد نجـد فـي كـل حـزه
لا خانت حلوق الرجاجيل الأنفـاس

مـن يغلـط لسانـه علينـا نجـزه
واللي يحقر قدر الرجاجيـل ينـداس

منـا العـدو تكفيـه بالعيـن خـزه
يقضي عليه الخوف مع كل هوجاس

من ذكرنـا فـي قلبـه تثـور نـزه
من طاري القصمان يبـلاه وسـواس

وان هو لقي له مـن علينـا يـوزه
هون له الصعبات وابليـس خنـاس

مايـدري انـه للمهـالـك يــدزه
عجل علي مبناه يمحي من السـاس

يابنـت حنـا مـن نخانـا نـعـزه
يأمن بنا الملهـوف وتهابنـا النـاس

مرسولنـا للخيـر دايــم نـكـزه
ولصرخة المحتاج نرخي الأكيـاس

تاريخنـا مـجـد لبسـنـاه بــزه
نمشي بوسط السوق ماندحم السـاس

لك ماتركنا بكـاس الأمجـاد مـزه
واجد عليك ومثلـك حثالـة الكـاس

وش جاب حر الطيـر لفريـخ وزه
منهو يساوي جوهر الماس بنحـاس

لاتحسبيـن انـك لـنـا مستـفـزه
وش ياخذ الباعوض من ريش قرناس

وهذي القصيدة بالصوووت ..

ارعـص هـنا ..

سندريلا الهلال · #13 09/09/2006, 02:14 AM

توصل بالسلامة ان شاء الله

الله يوفقك يارب وترجع لوطنــك وانت تحمل معك كل ماتتمناه من تحقيق احلامك وتراها ان شاء الله واقع في أغلى وطن مملكتنا الغالية

هولندا تتعلم فيها والسعوديه تطبـق فيها معادلة ان شاء الله تصبح حقيقه !!

وخدمة الوطن مو بالضروري في القطاع العسكري كلنا جنــود للوطن مع اننا مو عسكريين الجندي جندي تعامل ووتضحيه واخلاص للوطن لا جندي بمجرد لبسه بدلة العسكريه !!

أمك غاليه وعزيزه حتى لو كانت من أقصى الشرق

والله يحيييك في منتدى الزعيم سفيراً لنا في هولندا

سوسوالهلاليه · #14 09/09/2006, 02:49 AM

توصل بالسلامه ان شاء الله
وعن العسكرررررريه في وظايف كثثيرة تقدر تخدم بلدك فيها غيير العسكريه
وانا ما ابغى اتكلم عن المقطع لاني من الغربيه واحب اهل نجد والشرقيه مووووووووووت
اما جده!!الله يستر عليهم بس..

على فكررة:هرجك مو مبين انك منت عايش بالسعوديه!!

هلاليه2005 · #15 09/09/2006, 03:13 AM

هلا وغلا

تووصل بالسلامه

وفي انتظار ممـيزكـ

تقبل مروري