السلام عليكم ورحمة الله وبركاته
كيفكم شباب اليوم الصباح رحت مع الاهل لمستشفى الرعاية
المهم ياشباب كلكم عارفين ان الكابتن طارق كان هناك يعمل فحوصات
بصراحة انا كنت جالس في انتظار الاشعه ويوم دخل علينا الكابتن طارق بصراحة طرت من الفرحة المهم سلم وجلس وكان معه شايب اجنبي اظاهر انه برنابوك
المهم خويكم ماكذب خبر واروح واجلس بجنبه
سلمت عليه وحيتيه باسمكم<<<<<<<<< افرحو
المهم قلته طمنا عن اصابتك قال بسيطة ان شاء الله
قلتله بتعلب المباراة الجاية قال لا
المهم وصيته وقتله: ابو ابراهيم انت تلعب لنادي الهلال وجماهير نادي الهلال تعرفها ما ترضى بغير الذهب
ضحك وقال اكيد
قلتله :ابو ابراهيم كاس اسيا كل الجمهور الهلالي مشتاق لها ومن زمان عنها
قال :ان شاء الله راح تفرحون فيها
المهم قطع حوارنا صوت الممرضة تنادي عليه استأذن ومشى وهوماشي قلتله نبغى نشوف الباص عيون
ضحك وقال راح تملون منهاا
المهم بعد الحوار هذا استغربت ليش لاعبين الهلال يعالجوون هنا؟؟ في مستشفى الرعاية(التأمينات)
سألت واحد من الشباب شغال هناك قال: علشان عضو شرف الهلال الشهيل عضو في مجلس الـتأميناات
وبس هذا كل اللي صار واسف على الاطالة وبصراحة الكابتن طارق من خلال حواري السريع معه ماشاء الله عليه اخلاق ومتواضع والابتسامه ما تفارقه
شباب الموضوع هذا كتبته في احد المنتديات الهلاليه بيوزر ثاني علشان لحد يجي يتفلسف ويقول منقووول
الوضع العادي
